EKSODOS 12:15 - KA BAIBL

¹⁵ Hynriew sngi phin bam ïa u kpu khlem thiat; ha ka sngi nyngkong to bred noh ïa u thiat na ki ïing jong phi: naba uno uno ruh uba bam ïa u kpu ba dei thiat naduh kata ka sngi banyngkong haduh ka sngi ka bahynñiew, ïa kata ka mynsiem yn ot noh na ki Israel.

Khasi CL Bible (BSI)

¹⁵ U Trai u la ong, “Hynñiew sngi lynter phin ym bam ïa u kpu ba la khleh thiat — bam tang ïa u kpu bakhlem thiat. Ha ka sngi kaba nyngkong phi dei ban bret noh ïa u thiat baroh na ïing jong phi, namar lada uno uno u bam ïa u kpu ba la khleh thiat ha kita ki hynñiew sngi, yn ym kheiñ shuh ïa u kum uwei na ki briew jong nga.

EKSODOS 12:15 ပူးပေါင်းရင်းမြစ်များ

JENESIS 17:14

Bad uta u khun shynrang baroh ïa u bym-otsher, ïa u bym shym la otsher ïa ka doh ka jingbym-otsher jong u, yn sa ot noh ïa kata ka mynsiem na u paidlang jong u; u la pynkheiñ ïa ka jutang jong nga.”

2 KHRONIKL 30:21

Bad ki khun Israel kiba la don ha Jerusalem ki la rakhe ïa Ka Jingkhawai U Kpu Bakhlem Thiat, hynñiew sngi da ka jingkmen bakhraw: bad ki Lebi bad ki lyngdoh ki la ïaroh ïa U Trai man la ka sngi, da kaba rwai bad ki jingtem bajam ha U Trai.

ESRA 6:22

bad ki la rakhe ïa Ka Jingkhawai Niam U Kpu Bakhlem Thiat, hynñiew sngi da kaba kmen: namar U Trai u la pynkmen ïa ki, bad u la pynkylla ïa ka dohnud u syiem ka Assyria sha ki, ban pynkhlaiñ ïa ki kti jong ki ha ka kam ka ïing U Blei, U Blei ki Israel.

EKSODOS 12:8

Kin ïabam ruh ïa ka doh ha kata ka miet, ïa kaba la syang ha ka ding, bad ïa ki kpu khlem thiat; lem bad ki jhur bakthang kin ïabam ïa ka.

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 23:15

Men rakhe ïa Ka Jingkhawai Niam U Kpu Bakhlem Thiat: hynñiew sngi men bam ïa u kpu bakhlem thiat, kumba nga la hukum ïa me ha ka por ba la buh ha u bnai Abib (naba ha uta me la mih na ka ri Ijipt); bad wat ai ban mihpaw suda uwei ruh ha khmat jong nga:

EKSODOS 30:33

Jar uba khleh ïa kaba kum kane, lane jar uba buh na ka ha u nongwei, yn ot noh keiñ ïa uta napdeng u paidlang jong u.’ ”

EKSODOS 30:38

Jar u ban thaw ïa kum kata, ïa ka ban iw ïa ka, yn ot noh ïa uta napdeng u paidlang jong u.”

EKSODOS 31:14

Namar kata, to sumar ïa ka Sabbaton; naba ka long ka bakhuid ïa phi: jar uba pyntngit ïa ka, ka dei shisha ban pynïap noh ïa u; naba uno uno ruh uba trei jingtrei ha ka, ïa kata ka mynsiem yn ot noh keiñ napdeng u paidlang jong u.

EKSODOS 34:18

“To men rakhe ïa Ka Niam U Kpu Bakhlem Thiat. Hynñiew sngi men bam ïa u kpu bakhlem thiat, kumba nga la hukum ïa me, ha la ka aïom ha u bnai Abib; namar ha uta u bnai Abib hi, me la mih noh na ka ri Ijipt.

EKSODOS 34:25

“Wat ainguh ïa ka snam ka jingkñia jong nga lem bad u thiat: lymne wat ai ban pynsah haduh mynstep ïa ka jingkñia Ka Jingkhawai Niam Ka Jinglait.

LEBITIKOS 17:10

“Bad lada uno uno ruh na ka ïing Israel, lane na ki nongwei kiba wanhap hapdeng jong phi, un bam ïa ka snam kaba kumno kumno ruh; ngan buh ïa ka khmat jong nga keiñ pyrshah ïa kata ka mynsiem babam snam, bad ngan ot noh ïa u napdeng u paidlang jong u.

LEBITIKOS 17:14

“Naba ka jingim ka doh baroh ka long ka snam jong ka: ka snam ka shong na ka bynta ka mynsiem jong ka: namar kata, nga la ong ha ki khun Israel, ‘Wat bam ïa ka snam jong kano kano ka doh: naba ka jingim jong ka doh baroh ka long ka snam jong ka: jar uba bam ïa ka ïa uta yn ot noh.’

MALAKHI 2:12

U Trai un ot noh ïa u briew uba leh ïa kane, ïa uta uba ap bad uta uba phai ktien, na ki ïingjaiñ u Jakob, bad ïa uta uba ainguh ïa ka jingainguh ha U Trai ki paid.

JINGKHEIÑ 28:17

Bad ha ka bakhatsan sngi na une u bnai kan long Ka Jingkhawai Niam: hynñiew sngi yn bam ïa U Kpu Bakhlem Thiat.

JINGKHEIÑ 9:13

Hynrei, uta u briew uba long bakhuid, bad u bym shym la leit jingleit, pynban, uba pep noh ïa ka ban rakhe ïa Ka Niam Ka Jinglait, ïa kata ka mynsiem keiñ yn ot noh napdeng ki briew jong u: namar ba um shym la wallam ïa ka jingainguh ka jong U Trai ha kata ka aïom ba la buh, uta u briew un kit ïa la ka pop.

MATHAÏOS 16:12

Ynda kumta, ki la sngewthuh ba um shym la ong ban sumar na u thiat u kpu, hynrei, na ka jinghikai ki Pharisi bad ki Saddusi.

LOUKAS 12:1

Mynkata haba la ïalum lang bun hajar u paidbah, kat ban ïaïuh paralok hi, U la sdang ban ong ha ki synran jong U nyngkong eh, “To kiar noh phi na u thiat ki Pharisi, uba long ka jingarsap.

LOUKAS 2:43

Ynda ki la lah pyndep ïa kita ki sngi, katba ki dang ïawan phai ruh, uta u khynnah, U Jisu, u la nang sah ha Jerusalem; u Joseph te bad ka kmie jong U kim tip.

KI KAM 12:3

Bad haba u la ïohi ba ka la pynsngewbha ïa ki Jiw, u la thew ban kem sa ïa u Petros ruh. (Te ki la dei ki sngi U Kpu Bakhlem Thiat.)

GALATIA 5:12

A nga da kwah ba kita kiba pynkhuslai ïa phi, kin da ot noh ïa lade.

DEUTERONOMI 16:3

Men ym bam ïa u kpu ba don thiat lem bad ka; hynñiew sngi men bam ïa u kpu bakhlem thiat lem bad ka, ïa u kpu ka jingshitom keiñ; namar da kaba kyrkieh, me la mih noh na ka ri Ijipt: ba me lah ban kynmaw ïa kata ka sngi ha kaba me la mih noh na ka ri Ijipt, baroh ki sngi ka rta jong me.

DEUTERONOMI 16:5

Mem lah ban kñia ïa Ka Jinglait hapoh kano kano ruh na ki khyrdop jong me, ïa kiba U Trai uba U Blei jong me u ai ha me:

DEUTERONOMI 16:8

Hynriew sngi, men ïoh bam ïa u kpu bakhlem thiat: bad ha ka bahynñiew sngi te, kan long ka jingïaseng bakyntang ha U Trai uba U Blei jong me; men ym leh ïa kaei kaei ruh ka kam ha ka.