EKSODOS 12:12 - KA BAIBL

¹² Naba ngan ïaid lyngba ka ri Ijipt ha kane ka miet, bad ngan shoh ïap ïa u khun nyngkong baroh kiba ha ka ri Ijipt, u jong u briew bad u jong u mrad ruh; bad pyrshah ïa ki blei ka ri Ijipt ngan pynlong ïa ka jingbishar: ma nga, nga long U Trai.

Khasi CL Bible (BSI)

¹² “Ha kata ka miet ngan ïaid lyngba ïa ka ri Ijipt, da kaba pynïap ïa u khun nyngkong baroh, la u dei u briew ne u mrad, bad ngan pynshitom ïa ki blei ka ri Ijipt baroh. Nga long U Trai.

EKSODOS 12:12 ပူးပေါင်းရင်းမြစ်များ

1 KHRONIKL 14:12

Bad ki la iehnoh noh ïa ki blei jong ki hangta; bad u Dabid u la ai ka hukum, bad la thang ïa ki da ka ding.

SALM 135:8

Uba la shoh ïa uba la kha nyngkong ka Ijipt, u jong u briew ruh bad u jong u mrad de.

SALM 82:1

U Blei u ïeng ha ka jingïaseng U Blei; u bishar hapdeng ki blei.

SALM 82:6

Nga la ong, “Phi long ki blei, bad baroh phi long ki khun U Bahakhlieh Tam Eh.”

SALM 91:7

Ha syndah jong me shi hajar kin kyllon, bad shiphew hajar ha ka kti kamon jong me; hynrei, kan ym wan hajan jong me.

SALM 95:3

Naba U Trai u long U Blei u bakhraw, bad U Syiem u bakhraw halor ki blei baroh.

EKSODOS 12:23

Naba U Trai un sa ïaid lyngba ïa ka ban shoh ïap ïa ki Ijipt; te haba u ïohi ïa kata ka snam ha khlieh jingkhang, bad ha baroh ar liang ki shawkad, U Trai un ïaid palat ïa kata ka jingkhang, bad un ym shah ïa uta u nongpynjot ban wan hapoh ki ïing jong phi ïa ka ban pynjot.

EKSODOS 18:11

Mynta nga tip keiñ, ba U Trai u long uba kham khraw ïa ki blei baroh: wat ha kata hi keiñ, ha kaba ki la ïaleh sarong eh halor jong ki.”

EKSODOS 21:6

ynda kumta, u kynrad jong u, un wallam ïa u sha ki nongbishar, un wallam ruh ïa u sha ka jingkhang, lane sha ka shawkad; bad u kynrad jong u te un sa sam lyngba ïa ka shkor jong u da ka jingsam; te un shakri ïa u ha la ka rta.

EKSODOS 22:28

“Men ym krenbeiñ ïa ki nongbishar, lymne men ym tim ïa u rangbah u paidbah jong me.

EKSODOS 6:2

Te U Blei u la kren ha u Moses, bad U la ong ha u, “Ma nga, nga long U Jehobah:

EKSODOS 9:6

U Trai u la leh ruh ïa kata ha kaba lashai, bad ki jingri baroh jong ka ri Ijipt ki la ïap noh: hynrei, na ki jingri jong ki khun Israel kawei ruh kam shym la ïap.

ISAÏAH 19:1

Ka jingkit ka Ijipt. Ha khmih U Trai u shong halor u lyoh bastet, bad u wan sha Ijipt: te ïa ki bleithaw ka Ijipt yn sa pynkhynñiuh ha khmat jong u, bad ka dohnud ka Ijipt kan um hapdeng jong ka.

JEREMAÏAH 43:12

Bad ngan pynmeh ïa ka ding ha ki ïing jong ki blei Ijipt; bad un thang ïa ki, bad un ring mraw noh ïa ki: bad un kup ïa lade da ka ri Ijipt, kumba u nongap jingri u kup ïa la ka jaiñkup; bad un leit noh nangta da kaba suk.

JEREMAÏAH 43:13

Un pyntwa ruh ïa ki païa jong ka Beth-shemesh, kaba don ha ka ri Ijipt; bad ïa ki ïing jong ki blei ka Ijipt un thang da ka ding.” ’ ”

JEREMAÏAH 46:25

U Trai ki paid, U Blei ki Israel, u ong: “Ha khmih, ngan pynshitom ïa u Amon jong ka No, bad ïa u Pharaoh, bad ïa ka Ijipt, lem bad ki blei jong ka, bad ki syiem jong ka; ïa u Pharaoh keiñ, bad ïa kita kiba shaniah ha u.

ESEKIEL 12:16

Hynrei, ngan pynsah khyndiat ki briew na ki na ka waitlam, na ka 'nemsniew, bad na ka khlam; ba kin ïoh ïathuh ïa la ki jingijli baroh hapdeng kita ki jaid bynriew sha kiba kin poi; te kin sa tip ba nga long U Trai.”

AMOS 5:17

Bad ha ki brisoh Waiñ baroh kan long ka jingïam: naba ngan ïaid lyngba napdeng jong me,” ong U Trai.

SEPHANAÏAH 2:11

U Trai un long uba shyrkhei ïa ki: naba un pynïapthngan ïa ki blei jong ka khyndew baroh; bad ki briew kin mane ïa U, uwei pa uwei na ki na la ka jaka, ki 'dewlynnong baroh jong ki jaid bynriew.

JINGKHEIÑ 33:4

namar kita ki Ijipt ki dang ïatep ïa ki khun nyngkong jong ki baroh, ïa kiba u la lah shoh U Trai hapdeng jong ki: bad U Trai u la buh ïa ki jingpynshitom halor ki blei jong ki ruh de.

1 SAMUEL 5:3

Bad ki Ashdod ha kaba lashai ki la khie dang step, te ha khmih, u Dagon u la kyllon da pyrkup ha ka khyndew ha khmat kata ka synduk U Trai. Te ki la shim ïa u Dagon, bad ki la pynïeng pat ïa u ha la ka jaka.

1 SAMUEL 6:5

Namar kata, phin thaw keiñ ïa ki dur jong kita ki jingat lang snam jong phi, bad ïa ki dur jong kita ki khnai jong phi kiba pynjot noh ïa ka khyndew; to ai burom ruh ha U Blei ki Israel: lehse un pynsting ïa la ka kti na phi, bad na kine ki blei jong phi, bad na ka khyndew jong phi.