EKSODOS 11:8 - KA BAIBL

⁸ Te kine ki shakri jong me baroh kin ïawan hiar ha nga, bad kin ïanguh ïa nga, kin da ïa-ong, ‘To leit mih noh phi, bad une u paidbah baroh uba bud ïa me:’ hadien kata te, ngan sa mih noh.” Te u la leit mih noh na u Pharaoh ha ka jingbitar bakhraw.

Khasi CL Bible (BSI)

⁸ U Moses u pynkut da kaba ong, “Ki rangbah synshar jong phi baroh kin sa wan sha nga bad dem khrup ha khmat jong nga, bad kin sa kyrpad ïa nga ban ïalam noh ïa ki briew jong nga baroh bad ban mihnoh. Hadien kata ngan sa leit.” Nangta u Moses u mihnoh na u Pharaoh da ka jingbitar bakhraw.

EKSODOS 11:8 ပူးပေါင်းရင်းမြစ်များ

1 SYIEM 20:10

Bad u Benhadad u la phah ha u, bad u la ong, “To ki blei kin leh kumta ïa nga, bad tam ruh, lada ka khyndew ka Samaria kan biang mar shi kham shi kham ïa u paidbah uba bud ïa nga.”

2 SYIEM 3:9

Kumta, u syiem ki Israel u la leit, bad u syiem ka Judah, bad u syiem ki Edom de: bad ki la ïaid tawiar hynñiew sngi lynti: bad ym don um ïa u paidïapom, lymne ïa ki mrad kiba bud ïa ki.

NEHEMAÏAH 5:6

Te nga la bitar shikatdei eh haba nga la ïohsngew ïa ka jinglynñiar jong ki bad ïa kine ki ktien.

SALM 6:1

A Trai, wat sneng ïa nga ha ka jingbitar jong me, lymne wat sympat ïa nga ha ka jingsngewsih sat jong me.

EKSODOS 10:29

U Moses te u la ong, “Me la kren kaba dei; ngan ym ïohi shuh ïa ka khmat jong me.”

ISAÏAH 49:23

Bad ki syiem kin long ki nongri nongdup jong pha, bad ki mahadei jong ki kin long ki nongri nongdup jong pha: kin dem khrup ha pha bad ki khmat sha ka khyndew, bad kin jliah noh ïa ka 'dewmet ki sla'jat jong pha; bad phan tip ba nga long U Trai, bad kiba ap khmih ïa nga kin ym sngewlehrain.”

ISAÏAH 49:26

Bad ngan pynbam ïa ki nongbanbor jong pha da ka doh jong ki hi; bad kin ïabuaid da la ka jong ka snam, kumba da ka Waiñ thymmai: te ka doh baroh kan ïoh tip ba nga U Trai nga long u nongpynim jong pha, bad U Nongsiewspah jong pha, U Bakhlaiñ jong u Jakob.”

ESEKIEL 3:14

Kumta, U Mynsiem u la kyntiew noh ïa nga, bad u la shim noh ïa nga: te nga la leit ha ka jingkthang, ha ka jingshit ka mynsiem jong nga, ka kti U Trai ruh ka la long jur halor jong nga.

DANIEL 3:19

Ynda kumta, la pyndap ïa u Nebukhadnessar da ka jingbitar lep, bad ka dur ka khmat jong u ka la kylla pyrshah ïa u Shadrak, ïa u Meshak, bad ïa u Abednego: namar kata, u la kren bad u la hukum ba kin kham pynshit ïa kata ka lawar ding hynñiew shah ban ïa kaba la ju pynshit.

JINGKHEIÑ 12:3

Hynrei, uta u briew, u Moses, u la long uba jemnud tam na ki briew baroh kiba ha khmat ka pyrthei.

MARKOS 3:5

Te ynda U la khmih sawdong ha ki da ka jingbitar, ba U da sngewsih namar kaba eh ka dohnud jong ki, U ong ha uta u briew, “To kner noh ïa la ka kti.” Te u la kner noh, bad la pynkhiah bha ïa kata ka kti jong u.

DEUTERONOMI 29:24

wat ki jaid bynriew baroh te kin ïa-ong, ‘Balei ba U Trai u la leh kumne ïa kane ka ri? ka mut aïu kane ka jingrhem ka jingbitar bakhraw?’

DEUTERONOMI 32:24

Yn pyning ïa ki da ka jingthngan, bad yn bam duh ïa ki da ka jingshit ba-ing bad da ka jingpynjot ba kthang; ngan phah ruh halor jong ki ïa ki bniat ki mrad khlaw, lem bad ka bih jong ki bseiñ ka khyndew.

HEBRU 11:27

Da ka jingngeit, u la iehnoh ïa ka Ijipt, um da sheptieng ïa ka jingbitar uta u syiem; namar u la ïaineh, kum uba ïohi ïa uta ïa u bym lah ïohi.

JINGPYNPAW 3:9

Ha khmih, nga aiti noh ïa kiba na kata ka synagog u Soitan, kiba ong ba ki long ki Jiw, bad kim long, hynrei, ki lamler; ha khmih, ngan pynleh ïa kita ba kin wan bad ïamane ha khmat ki kjat jong pha, bad ba kin tip ba nga la ieit ma nga ïa pha.

NONGBISHAR 4:10

Bad u Barak u la khot lang ïa ki Sabulon bad ki Naphtali sha Kedesh; bad ki la leit kiew shiphew hajar ki rangbah ha ki sla'jat jong u: ka Deborah de ka la leit lem bad u.

NONGBISHAR 8:5

U la ong te ha ki rangbah Sukkoth, “Nga kyrpad ïa phi, to ai kpu ïa kine ki paidbah kiba bud ïa nga; naba ki la tlot, bad nga dang beh ïa u Sebah bad u Salmunna, ki syiem ki Midian.”