EKSODOS 11:3 - KA BAIBL

³ U Trai ruh u la ai ha uta u paidbah ka jingsngewbha ha khmat ki Ijipt. U Moses ruh u la long u briew bakhraw eh ha ka ri Ijipt, ha khmat ki shakri u Pharaoh, bad ha khmat ki briew baroh.

Khasi CL Bible (BSI)

³ U Trai u pynlong ïa ki nong Ijipt ba kin sngewburom ïa ki Israel. Shisha, ki rangbah synshar bad ki briew baroh ki ñiew ba u Moses u dei u briew uba khraw katta katta.

EKSODOS 11:3 ပူးပေါင်းရင်းမြစ်များ

JENESIS 12:2

bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu:

JENESIS 39:21

Hynrei, U Trai u la don ryngkat bad u Joseph, bad u la pyni ïa ka jingisynei ïa u, bad u la ai ha u ka jingmonbha ha khmat u nongap ïing byndi.

2 SAMUEL 7:9

Bad nga la don ryngkat bad me kat shaba me la leit, bad nga la ot noh ïa ki nongshun jong me baroh na khmat jong me; bad ngan pynlong ïa me ka nam ka bakhraw, kum ka nam jong ki bakhraw tam kiba ha ka pyrthei.

ESTHER 9:4

Namar u Mordekai u la long u bakhraw ha ka ïing u syiem, bad ka nam jong u ka la phriang kylleng kita ki shnat baroh: namar une u briew, u Mordekai keiñ, u la nang khraw nang khraw.

SALM 106:46

U la pynlong ruh ba kita baroh kiba la ring mraw ïa ki, ki la isynei ïa ki.

EKSODOS 12:35

Ki khun Israel ki la leh ruh katba kum ka ktien u Moses; bad ki la ïapan na ki Ijipt ïa ki jingdeng rupa, bad ïa ki jingdeng ksiar, bad ïa ki jaiñkup jaiñsem de;

EKSODOS 12:36

te U Trai u la ai ha uta u paidbah ka jingsngewbha ha khmat ki Ijipt, ba kumta ki la ai ha ki katba ki la pan. Kumne ki la ïoh buria pat na ki Ijipt.

EKSODOS 3:21

Bad ngan ai ha une u paidbah ka jingsngewbha ha khmat ki Ijipt: kan sa jia ruh, ha kaba phin leit noh, phin ym leit noh suda,

ISAÏAH 60:14

Bad ki khun shynrang jong kita kiba la pynjynjar ïa pha kin sa wan dem ïa pha; bad kita baroh kiba la ibeiñ ïa pha kin sa dem ngon ha ki poh'jat jong pha; te kin khot ïa pha “Ka nongbah U Trai, Ka Seïon U Bakhuid jong ki Israel.”

KI KAM 7:22

Te la hikai ïa u Moses ha ka jingstad ki Ijipt baroh; bad u la long uba don bor ha ki ktien bad ha ki kam jong u.

DEUTERONOMI 34:10

Bad ym shym la mih prophet naduh kata ha Israel kum u Moses, ïa uba U Trai u la ithuh markhmat;

DEUTERONOMI 34:11

ha kita ki dak bad ki jingphylla baroh, ïa kiba U Trai u la phah ïa u ban leh ha ka ri Ijipt, halor u Pharaoh, bad halor ki shakri jong u baroh, bad halor ka ri jong u baroh;

JOSHUA 4:14

Ha kata ka sngi, U Trai u la pyndonburom ïa u Joshua ha khmat ki Israel baroh; te ki la sheptieng ïa u, kumba ki la ju sheptieng ïa u Moses, baroh ki sngi ka rta jong u.

JINGPYNPAW 3:9

Ha khmih, nga aiti noh ïa kiba na kata ka synagog u Soitan, kiba ong ba ki long ki Jiw, bad kim long, hynrei, ki lamler; ha khmih, ngan pynleh ïa kita ba kin wan bad ïamane ha khmat ki kjat jong pha, bad ba kin tip ba nga la ieit ma nga ïa pha.