EKSODOS 10:9 - KA BAIBL

⁹ Te u Moses u la ïathuh, “Ngin ïaleit bad ki samla bad ki tymmen jong ngi, lem bad ki khun jong ngi ruh shynrang bad kynthei, lem bad ki langbrot bad ki masi jong ngi ruh de ngin leit; naba ngi donkam ban rakhe Ka Jingkhawai Niam ïa U Trai.”

Khasi CL Bible (BSI)

⁹ U Moses u la jubab, “Ngin ïaleit lut baroh, kynthup ki khun jong ngi haduh ki tymmen jong ngi. Ngin ïalam ïa ki khun shynrang bad ki khun kynthei jong ngi, lem bad ki langbrot bad ki blang, bad ki masi jong ngi, namar ngi dei ban pynlong ka jingkhawai ban pyndonburom ïa U Trai.”

EKSODOS 10:9 ပူးပေါင်းရင်းမြစ်များ

JENESIS 50:8

bad ka ïing u Joseph baroh, bad ki hynmen hynbew jong u, bad ka ïing u kpa jong u: hynrei, tang ïa la ki barit bad ïa la ki kynhun langbrot bad ïa la ka jingri, ki la iehnoh ha ka ri Goshen.

EKSODOS 10:10

Te u la ong ha ki, “Ai ba U Trai un long kumta lem bad phi, kumjuh kumba ngan pyllait noh ïa phi, lem bad ki khunlung jong phi: ha khmih, phi don ka jingpyrkhat basniew.

EKSODOS 10:26

Ki jingri jong ngi ruh kin ïaleit lem bad ngi; yn ym iehnoh ïa kawei ka khnap hadien; naba na kita keiñ ngin ïashim ban ïamane ïa U Trai U Blei jong ngi; te ngim tip da ei ngi dei ban mane ïa U Trai, katba ngim pat poi hangta.”

EKSODOS 12:32

To shim ruh ïa la ki langbrot bad ïa la ki masi, kumba phi la ong, bad to khie noh; to kyrkhu ïa nga ruh.”

EKSODOS 12:37

Te ki khun Israel ki la ïaleit mih noh na Rameses sha Sukkoth da ka kjat, kumba hynriewspah hajar ki rangbah, nalor ki khynnah.

EKSODOS 12:38

Bad bun ki paidbah bakhleh ruh ki la ïaleit kiew lem bad ki: ki langbrot ruh, bad ki masi, ki jingri shibun eh keiñ.

EKSODOS 13:6

Hynñiew sngi men bam ïa u kpu bakhlem thiat, te ha ka bahynñiew sngi kan long Ka Jingkhawai Niam ha U Trai.

EKSODOS 3:18

Ki te kin sngap ïa ka ktien jong me: bad men wan, ma me, bad ki tymmen basan jong ki Israel, sha u syiem ka ri Ijipt, bad phin ong ha u, ‘U Trai, uba U Blei jong ki Hebru, u la ïashem bad ngi: mynta te ngi kyrpad ïa me, to ai ba ngin ïaleit lai sngi lynti sha ri khlaw, ba ngin ïoh kñia ainguh ïa U Trai uba U Blei jong ngi.’

EKSODOS 5:1

Te hadien kata, u Moses bad u Aaron ki la ïaleit hapoh, bad ki la ïathuh ha u Pharaoh, “Kumne u ong U Trai uba U Blei jong ki Israel, ‘To pyllait noh ïa u paidbah jong nga, ba kin ïoh rakhe ïa Ka Jingkhawai Niam ïa nga ha ri khlaw.’ ”

EKSODOS 5:3

Ki te ki la ïathuh, “U Blei jong ki Hebru u la ïashem bad ngi: to shah ba ngin leit, ngi kyrpad ïa me, lai sngi lynti sha kata ka ri khlaw, ba ngin ïoh kñia ainguh ha U Trai uba U Blei jong ngi; ïoh ba un pynhap halor jong ngi da ka jingïapthem, lane da ka waitlam.”

PROBERB 3:9

To burom ïa U Trai da la ka spah, bad da ki soh nyngkong ka jingmih jong me baroh:

EKLESIASTIS 12:1

To kynmaw ruh ïa la U Nongthaw ha ki sngi ka jinglong samla jong me, katba ym pat wan kita ki sngi basniew, bad ba la jan kita ki snem, haba men ong, “Ngam don ka jingsngewbha ha ki;”

JINGKHEIÑ 29:12

“Bad ha ka sngi ka bakhatsan jong uta u bnai bahynñiew, kan long ka jingïaseng ka bakyntang ha phi; wat trei ei ei ka kam shakri satia: hynrei phin ïarakhe Ka Jingkhawai Niam ha U Trai, hynñiew sngi:

EPHESOS 6:4

Phi ruh ki kpa, to wat pynbitar ïa la ki khun; hynrei, to bsa pjiah ïa ki ha ka jinghikai bad ka jingsneng U Trai.

JOSHUA 24:15

Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”