EKSODOS 10:7 - KA BAIBL

⁷ Te ki shakri u Pharaoh ki la ïa-ong ha u, “Slem katno une u briew un long ka jingriam ïa ngi? To pyllait noh ïa kita ki briew, ba kin ïoh shakri ïa U Trai U Blei jong ki: balei mem pat tip ba la pynjot ïa ka ri Ijipt?”

Khasi CL Bible (BSI)

⁷ Ki rangbah synshar jong u Pharaoh ki la ong ha u, “Sa katno te une u briew un pynjynjar ïa ngi? Pyllait noh ïa ki Israel, khnang ba kin ïoh mane ïa U Trai U Blei jong ki. Hato phim pat sngewthuh ba ka Ijipt ka la jot?”

EKSODOS 10:7 ပူးပေါင်းရင်းမြစ်များ

SALM 107:34

bad ka 'dewmluh ïa ka khyndew basei soh, namar ka jingleh bymman kita kiba shong ha ka.

EKSODOS 12:33

Te kita ki Ijipt ki la ïakyntu eh ïa u paidbah, ki da phah noh ïa ki na kata ka ri da kaba kyrkieh; naba ki la ïa-ong, “Ngi la ïap lut noh.”

EKSODOS 23:33

Wat shah ba kin ïashong sah ha ka ri jong me, ïoh ba kin ïalam ïa me ban leh pop ïa nga: namar lada men shakri ïa ki blei jong ki, da shisha kata kan long ka jingriam ïa me.”

EKSODOS 7:5

Te ki Ijipt kin sa tip ba nga long ma nga U Trai, haba nga la kner ïa la ka kti halor ka ri Ijipt, bad ba nga la pynmih noh ïa ki khun Israel napdeng jong ki.”

EKSODOS 8:19

Ynda kumta, kita ki nongleh byrtong ki la ong ha u Pharaoh, “Kane ka long ka shynriah'ti ka jong U Blei:” te pynban, la pyneh ïa ka dohnud u Pharaoh, bad um shym la shahshkor ïa ki; kumba U Trai u la lah ong.

PROBERB 29:6

Ha ka jingpalat u riewbymman don ka jingriam: hynrei, u bahok u rwai bad u shadkmen.

EKLESIASTIS 7:26

bad nga shem ïa kaei kaei kaba kham kthang ïa ka jingïap, wat ka briew kaba ka dohnud jong ka, ka long ki jingriam bad ki jar, bad ki kti jong ka kum ki jingkhum: jar uba pynsngewbha ïa U Blei un ïohlait na ka; hynrei, ïa u nongpop yn pynngat da ka.

ISAÏAH 14:20

Yn ym pynlang ïa me bad ki ha kaba tep, namar me la pynjot ïa la ka ri, me la pynïap ïa la u paidlang; u symbai ki nongkam sniew un ym long uba pawnam junom la junom.

ISAÏAH 51:9

To khie, to khie, to kup ïa ka bor, ko ksang'ti U Trai: to khie, kumba ha ki sngi mynhyndai, ha ki pateng bynriew mynbarim. Ym long ma pha ba la pom noh ïa u Rahab, bad ba la dung ngak ïa u ïakjakor?

JEREMAÏAH 48:4

Ïa ka Moab la pynjot; ki khun rit jong ka ki la pynïohsngew ïa ka jingpyrta.

JEREMAÏAH 51:8

Ka Babilon ka la kyllon kyndit bad la pynjot ïa ka: to lynñiar namar jong ka; shim ka dawai balm ïa ka jingpang jong ka, ban khmih la kan koit ne em.

SEPHANAÏAH 1:18

Lymne ka rupa jong ki lymne ka ksiar jong ki kan ym lah ban pynim ïa ki ha kata ka sngi ka jingbitar U Trai: hynrei, ïa ka ri baroh yn bam duh da ka ding ka jingsatnud jong u: naba un pynlong ka jingkut, ka jingkut kaba itieng keiñ, ïa kita baroh kiba shong ha ka ri.

1 KORINTH 7:35

Te nga ong ïa kane ïa ka ban pynmyntoi ïa phi hi; ym ba ngan ïoh buh jingriam ïa phi, hynrei, na ka bynta kaba itynnad, bad ba phin shakri ïa U Trai khlem jingpynwit.

JOSHUA 23:13

to tip da shisha ba U Trai U Blei jong phi un ym beh shuh ïa kine ki jaid bynriew na khmat jong phi; hynrei, kin long ki shangkhawiah bad ki jingriam ïa phi, bad ki jingsympat ha ki krung jong phi, bad ki shiah ha ki khmat jong phi, ha ban da phin duh noh na kane ka ri ka babha kaba U Trai U Blei jong phi u la ai ha phi.”

1 SAMUEL 18:21

Bad u Saul u la ong, “Ngan ai ïa ka ha u, ba kan ïoh long ka jingriam ïa u, bad ba ka kti ki Philistia kan long pyrshah ïa u.” Kumta, u Saul u la ong ha u Dabid, “Ha kane ka sngi men ïoh long u pyrsa kurim jong nga sa shi sien pat.”

1 SAMUEL 5:11

Ynda kumta te, ki la phah ïalum lang ïa ki doloi ki Philistia baroh, bad ki la ïa-ong, “To phah noh ïa kane ka synduk U Blei ki Israel, to ai ruh ba kan leit noh pat ha ka jaka jong ka, ba kan ym pynïap ïa ngi, bad ïa ki briew jong ngi:” naba ka la don ka jingpynjot kaba pynïap ha kata ka shnong baroh; ka kti U Blei ka la ban khia eh hangta.