EKSODOS 10:6 - KA BAIBL

⁶ bad kin sa pyndap ïa ki ïing jong me, bad ïa ki ïing ki shakri jong me baroh, bad ïa ki ïing ki Ijipt baroh; kat kita lymne ki kpa jong me lymne ki kpa ki kpa jong me, kim shym la ïohi, naduh kata ka sngi ba ki la mih ha ka pyrthei haduh kane ka sngi.’ ” Te haba u la phai, u la mih noh na u Pharaoh.

Khasi CL Bible (BSI)

⁶ Kin dap ha ki ïingsyiem jong me, bad ha ki ïing jong ki rangbah synshar bad ki briew jong me baroh. Kin long kiba kham sniew ban ïa kano kano kaba ki kpa tymmen jong me ki la ju ïohi.’ ” Nangta u Moses u phai bad u mihnoh.

EKSODOS 10:6 ပူးပေါင်းရင်းမြစ်များ

EKSODOS 10:11

Ym kumta: to khie leit tang ma phi kiba rangbah, bad to shakri ïa U Trai; naba ïa kata phi la lah kwah.” Te kumta, la beh noh ïa ki na khmat u Pharaoh.

EKSODOS 11:6

Kan sa long te ka jinglynñiar bakhraw ha ka ri Ijipt baroh kawei, kat kata ym pat ju don, lymne kat kata ruh yn ym long shuh.

EKSODOS 11:8

Te kine ki shakri jong me baroh kin ïawan hiar ha nga, bad kin ïanguh ïa nga, kin da ïa-ong, ‘To leit mih noh phi, bad une u paidbah baroh uba bud ïa me:’ hadien kata te, ngan sa mih noh.” Te u la leit mih noh na u Pharaoh ha ka jingbitar bakhraw.

EKSODOS 8:21

Hynrei, lada men ym pyllait noh ïa u paidbah jong nga, ha khmih, ngan phah ïa ki bun jaid ki skain ha me, bad ha ki shakri jong me, bad ha ki briew jong me ruh, bad hapoh ki ïing jong me; bad ki ïing ki Ijipt kin dap da ki bun jaid ki skain, bad kata ka khyndew ruh ha kaba ki don.

EKSODOS 8:3

bad kata ka wah kan boi da ki jakoid, ki ban sa kiew, kin ïarung ruh shapoh ïing jong me, bad sha ka kamra thiah jong me, bad halor ka jingthiah jong me, bad shapoh ïing ki shakri jong me, bad halor ki briew jong me de, bad sha ki jaka shet kpu jong me, bad sha ki kpu im jong me ruh;

EKSODOS 9:18

Ha khmih, lashai hamar kane ka por ngan pynhap da u phria uba jur eh, kat uta ym ju don ha ka ri Ijipt naduh ba ka dang long haduh mynta.

EKSODOS 9:24

Kumta, la don u phria, bad ka ding ba la ïakhleh lem bad uta u phria bapynshitom eh, ym shym la don kat uta ha ka ri Ijipt baroh naduh ba ka la man jaid bynriew.

JOEL 2:2

ka sngi kaba dum bad baïong, ka sngi ki lyoh bad ka jingdum barben, kumba ka step phyrngab ka phriang halor ki lum; u paidbah u bakhraw bad u bakhlaiñ, ym shym don mynno mynno uba kat uta, lymne kan ym long shuh ruh hadien jong u, haduh ki snem pateng la pateng keiñ.

JOEL 2:9

Ki ïarynsied halor ka nongbah; ki ïamareh halor ka kynroh; ki kiew shapoh ki ïing; ki ïarung na ki jingkhang ïit kum u nongtuh.

HEBRU 11:27

Da ka jingngeit, u la iehnoh ïa ka Ijipt, um da sheptieng ïa ka jingbitar uta u syiem; namar u la ïaineh, kum uba ïohi ïa uta ïa u bym lah ïohi.