EKSODOS 10:3 - KA BAIBL

³ Te u Moses bad u Aaron ki la ïawan ha u Pharaoh, bad ki la ong ha u, “Kumne u ong U Trai U Blei jong ki Hebru, ‘Slem katno ba men ym kohnguh ban pynrit ïa lade ha khmat jong nga? to pyllait noh ïa u paidbah jong nga, ba kin ïoh shakri ïa nga.

Khasi CL Bible (BSI)

³ Kumta u Moses bad u Aaron ki leit sha u Pharaoh, bad ki ong ha u, “U Trai, U Blei jong ki Hebru, u ong, ‘Sa katno te men kyntait ban pyndem ha nga? Pyllait ïa ki briew jong nga ba kin ïoh mane ïa nga.

EKSODOS 10:3 ပူးပေါင်းရင်းမြစ်များ

1 SYIEM 18:21

Te haba u Elijah u la wan hajan uta u paidbah baroh, u la ong, “Sa katno pat phin ïeng lyngngoh hapdeng ar ki jingmut? lada U Trai u long U Blei, to bud ïa u: hynrei, lada u Baal, te to bud ïa uta.” U paidbah te um shym jubab ïa u shikyntien ruh.

1 SYIEM 21:29

“Me ïohi kumno u Ahab u pynrit ïa lade ha khmat jong nga? namar ba u pynrit ïa lade ha khmat jong nga, ngan ym wallam ïa kata ka basniew ha ki sngi jong u: hynrei, ha ki sngi u khun jong u ngan wallam ïa kata ka basniew halor ka ïing jong u.”

2 SYIEM 22:19

namar ba ka dohnud jong me kaba jem, bad me la pynrit ïa lade ha khmat U Trai, ynda me la ïohsngew ïa kaba nga la kren pyrshah ïa kane ka jaka, bad pyrshah ïa ki nongshong jong ka, ba kin sa jia long ka jingkynjah bad ka jingtim, bad me la kad ïa la ki jaiñ, bad me la ïam ha khmat jong nga: nga ruh nga la ïohsngew ïa me,’ ” ong U Trai.

2 KHRONIKL 33:12

Te haba u la long ha ka jingshitom, u la kyrpad ïa U Trai U Blei jong u, bad u la pynrit ïa lade shibun ha khmat U Blei ki kpa jong u.

2 KHRONIKL 33:19

Ka jingduwai jong u ruh, bad kumno ba u la kyrpad ïa U Blei, bad ka pop jong u baroh bad ka jingpalat jong u, bad ki jaka ha kiba u la tei ki jaka bajrong, bad u la buh ïa ki Asherah bad ki dur ba la mut, mynshuwa ba u la pynrit ïa lade: ha khmih, la thoh ïa ki ha Ka Jingïathuhkhana u Hosai.

2 KHRONIKL 34:27

namar ba ka dohnud jong me ka long kaba jem, bad me la pynrit ïa lade ha khmat U Blei, haba me la ïohsngew ïa ki ktien jong U pyrshah ïa kane ka jaka, bad pyrshah ïa ki nongshong jong ka, bad me la pynrit ïa lade ha khmat jong nga, bad me la kad ïa la ki jaiñ, bad me la ïam ha khmat jong nga; nga ruh nga la ïohsngew ïa me,’ ” ong U Trai.

2 KHRONIKL 7:14

lada ki briew jong nga, ïa kiba la khot da ka kyrteng jong nga, kin pynrit ïa lade, bad kin duwai, bad kin wad ïa ka khmat jong nga, bad kin phai noh na ki lynti bymman jong ki; kumta te ngan sngew na bneng, bad ngan map ïa ki pop jong ki, bad ngan pynkhiah ïa ka ri jong ki.

Ka Kitab U Job 42:6

namar kata, nga isih ïa lade, bad nga kylla-ka-bamut ha ka 'dewmet bad ka dpei.”

EKSODOS 10:4

Namar lada men ym treh ban pyllait noh ïa u paidbah jong nga, ha khmih, lashai ngan sa wallam ïa ki puit sha ki phang jong me:

EKSODOS 16:28

Te U Trai u la ong ha u Moses, “Slem haduh katno phin ym kohnguh ban sumar ïa ki hukum bad ki adong jong nga?

EKSODOS 4:23

bad nga la ong ha me, “To pyllait noh ïa u khun jong nga ba un ïoh shakri ïa nga;” te lada mem treh ban pyllait noh ïa u, ha khmih, ngan pynïap noh ïa u khun jong me, uba la kha nyngkong jong me keiñ.’ ”

EKSODOS 5:1

Te hadien kata, u Moses bad u Aaron ki la ïaleit hapoh, bad ki la ïathuh ha u Pharaoh, “Kumne u ong U Trai uba U Blei jong ki Israel, ‘To pyllait noh ïa u paidbah jong nga, ba kin ïoh rakhe ïa Ka Jingkhawai Niam ïa nga ha ri khlaw.’ ”

EKSODOS 9:17

Te me dang pynmeng ïa lade pynban halor u paidbah jong nga, ba mem pyllait noh ïa ki?

PROBERB 1:22

“Slem katno, phi ki babieit, phin ieit ïa ka jingbieit? bad ba ki nongkrenbeiñ kin ïasngewbha ha ka jingkrenbeiñ, bad ba ki babieit runar kin isih ïa ka jingtip?

PROBERB 1:24

Namar nga la khot, bad phim treh; nga la kner ïa la ka kti, bad ym don ba suidñiew;

PROBERB 18:12

Ha shuwa ka jingjot, ka dohnud u briew ka sarong, bad ha shuwa ka burom, leit ka jingsngewrit.

ISAÏAH 1:5

Na ka balei ban shoh shuh shuh ïa phi ba phi nang kham ïaleh pyrshah? Ka khlieh ka la pang baroh, bad ka dohnud ka sngewlwait baroh.

ISAÏAH 2:11

Ïa ka jingkhmih basarong jong u briew yn pynpoh, bad ïa ka jingmeng ki briew yn pyndem, te tang ïa U Trai hi yn pynkyntiew ha kata ka sngi.

JEREMAÏAH 13:10

Une u paidbah basniew, u bym treh ban sngap ïa ki ktien jong nga, uba ïaid ha ka jingmutlop ka dohnud jong ki, bad kiba la leit bud ïa kiwei pat ki blei ban shakri ïa ki, bad ban mane ïa ki, kin long keiñ kum kane ka jingpanpoh, ka bymlarkam shuh.

JEREMAÏAH 13:18

To ong ha u syiem bad ha ka kmie syiem, “To pynrit ïa lade, to shong khop: namar ka la hap ka jingdeng khlieh jong phi, ka pansngiat ka burom jong phi keiñ.

JEREMAÏAH 50:29

“To lum lang ïa ki nongsiat khnam ban ïaleh ïa ka Babilon, ïa kita baroh kiba wiat ïa ka ryntieh; to sher dara ban ïaleh ïa ka baroh sawdong; wat ai ban lait mano mano na ki: to siew kylliang ïa ka katba kum ka kam jong ka; katba kum kaba ka la leh baroh, to leh ïa ka: naba ka la long kaba sarong pyrshah ïa U Trai, pyrshah ïa uta U Bakhuid jong u Israel.

ESEKIEL 5:6

Bad ka la ïaleh pyrshah ïa ki jingbishar jong nga ha kaba leh ïa ka jingbymman, palat ïa kita ki jaid bynriew, bad pyrshah ïa ki hukum jong nga, palat ïa kita ki ri kiba sawdong ïa ka; naba ki la kyntait ïa ki jingbishar jong nga, bad shaphang ki hukum jong nga pat, kim shym ïaid ha ki.”

DANIEL 5:22

Bad me u khun jong u, ko Belshassar, mem shym la pynrit ïa la ka dohnud, la me la tip ïa kane baroh;

JINGKHEIÑ 14:27

“Tad lano ngan shah ïa une u paidlang basniew, uba kren khñium ïa nga? Nga la ïohsngew ïa ki jingkren khñium jong ki khun Israel, ïa kiba ki la ïakren khñium ïa nga.

Ka Shithi U Paul Sha Ki Nong Rom 2:4

Ne me ñiewbeiñ ïa ka jingkynrei ka jingsbun, bad ka jingïaishah, bad ka jingshahslem ruh ka jong u, khlem da pyrkhat satia ba kata ka jingsbun ka jong U Blei ka thew ïalam ïa me sha ka jingkylla-ka-bamut?

HEBRU 12:25

To sumar ba phin ym kyntait noh ïa uta uba kren. Namar lada kita kim shym lait, haba ki la kyntait ïa uta uba la maham ïa ki ha ka khyndew, sa katno tam te ma ngi kiba phai noh na uta uba maham na bneng:

JAKOB 4:10

To phin pynrit ïa lade ha khmat U Trai, te un pynkhraw ïa phi.

1 PETROS 5:6

To phin pynrit ïa lade namar kata hapoh ka kti bakhrawbor ka jong U Blei, ba un ïoh pynkhraw ïa phi ha ka Ïa ba bit;