EKSODOS 10:24 - KA BAIBL

²⁴ U Pharaoh te u la khot ïa u Moses, bad u la ong ruh, “To khie leit phi, to shakri ïa U Trai; kin sah sa tang ki langbrot bad ki masi jong phi: to ai ba ki khynnah jong phi ruh kin leit lem bad phi.”

Khasi CL Bible (BSI)

²⁴ U Pharaoh u la phah khot ïa u Moses, bad u la ong, “Phi lah ban leit bad mane ïa U Trai; wat ki kynthei bad ki khynnah ruh ki lah ban leit ryngkat bad phi. Hynrei ki langbrot, ki blang bad ki masi jong phi ki dei ban don hangne.”

EKSODOS 10:24 ပူးပေါင်းရင်းမြစ်များ

JENESIS 34:23

Kumta, ki jingri jong ki bad ka spah jong ki bad ki mrad jong ki baroh kin ym long ki jong ngi mo? Tang ba ngin ïakohnguh ïa ki, ma ki ruh kin ïashong duh ryngkat bad ngi.”

EKSODOS 10:25

Te u Moses u la ong, “Men ai ruh ha ngi ïa ki jingkñia bad ïa ki jingainguh thang, ba ngin ïoh kñia ainguh ha U Trai U Blei jong ngi.

EKSODOS 8:25

Te u Pharaoh u la khot ïa u Moses bad ïa u Aaron, bad u la ong, “To khie leit phi, to kñia ïa U Blei jong phi ha kane ka ri.”

EKSODOS 8:28

Bad u Pharaoh u la ong, “Ngan shah ba phin ïaleit, ba phin kñia ha U Trai U Blei jong phi ha kata ka ri khlaw; hynrei, tang ba phin ym leit jngai eh: to duwai na ka bynta jong nga.”

EKSODOS 8:8

Ynda kumta, u Pharaoh u la khot ïa u Moses bad ïa u Aaron, bad u la ong, “To kyrpad ïa U Trai ba un shim noh ïa kine ki jakoid na nga, bad na ki briew jong nga; te ngan sa pyllait noh ïa uta u paidbah, ba kin ïoh kñia ha U Trai.”

EKSODOS 9:28

To kyrpad ïa U Trai; naba katne ki la biang ki pyrthat U Blei bad u phria; te ngan pyllait noh ïa phi, bad phin ym shong shuh.”