EKSODOS 10:21 - KA BAIBL

²¹ Te U Trai u la ong ha u Moses, “To rah ïa la ka kti sha bneng, ba ka jingdum kan long halor ka ri Ijipt, ka jingdum ruh kaba da lah ban tba.”

Khasi CL Bible (BSI)

²¹ Nangta U Trai u la ong ha u Moses, “Rah ïa la ka kti shajrong ba ka jingdum kaba rben la kumba lah ban tba ïa ka, kan tap ïa ka ri Ijipt.”

EKSODOS 10:21 ပူးပေါင်းရင်းမြစ်များ

Ka Kitab U Job 5:14

Ki ïakynduh bad ka jingdum mynsngi, bad ha kaba shiteng sngi ki la ïaid tare kumba mynmiet.

SALM 105:28

U la phah ïa ka jingdum, te ka la long dum; te kim shym ïaleh pyrshah ïa ki ktien jong u.

SALM 35:6

Ai ba ka lynti jong ki kan long dum bad btuit, bad u angel U Trai u da beh nadien jong ki.

SALM 78:49

U la shat halor jong ki ïa ka jingotshla ka jingbitar jong u, ka jingbitar, bad ka jingbitar baïaibat, bad ka jingjynjar, shi kynhun ki angel ka jingsniew.

EKSODOS 7:19

Bad U Trai u la kren ha u Moses, “To ong ha u Aaron, ‘To shim ïa u diengduh jong me, to kner ruh ïa la ka kti halor ki um ka ri Ijipt, halor ki wah bah jong ki, halor ki wah duid jong ki ruh, bad halor ki pukri jong ki, bad halor ki pung um jong ki baroh de, ba kin kylla snam; bad ba kin long snam ha ka ri Ijipt baroh kawei, ha ki diang dieng bad ha ki diang maw ruh.’ ”

EKSODOS 9:22

Te U Trai u la ong ha u Moses, “To kner ïa la ka kti sha bneng, ba un hap u phria ha ka ri Ijipt baroh, halor u briew, bad halor ki mrad, bad halor ki jhur ka lyngkha baroh, kylleng ka ri Ijipt.”

PROBERB 4:19

Ka lynti ki bymman ka long kum ka jingdum: kim tip ha-ei ki ïajynthut.

EKLESIASTIS 2:14

Ki khmat u bastad ki don ha ka khlieh jong u, bad u babieit u ïaid ha ka ba-dum: la kumta ruh, nga la shem ba kawei ka jingjia ka jia ïa ki baroh.

EKLESIASTIS 6:4

namar u wan ha ka jingthala, bad u leit noh ha ka jingdum, bad ïa ka kyrteng jong u la tap da ka jingdum;

ESEKIEL 32:7

Te haba ngan sa pynlip noh ïa me, ngan tap ïa ka bneng, bad ngan pyndum ïa ki khlur jong ka de: ngan tap ïa ka sngi da u lyoh, bad u bnai un ym ai la ka jingshai.

MATHAÏOS 27:45

Te ka jingdum ka la don ha ka khyndew baroh naduh kaba hynriew baje haduh kaba khyndai baje.

MARKOS 15:33

Te ynda la dap hynriew baje, ka la long dum ha kata ka ri baroh, haduh kaba khyndai baje.

LOUKAS 23:44

Bad ka la long hamar kaba hynriew baje, te ka jingdum ka la wan tap ïa ka khyndew baroh haduh kaba khyndai baje.

DEUTERONOMI 1:30

U Trai uba U Blei jong phi uba ïaid ha shuwa jong phi, un ïaleh thma ma u na ka bynta jong phi, katba kum kata baroh kaba u la leh na ka bynta jong phi ha ka ri Ijipt ha khmat jong phi;

DEUTERONOMI 28:29

te men shu par ha kaba mynsngi, kumba par u bamatlah ha ka ba-dum, bad men ym roi ha ki lynti jong me: hynrei, men long tang uba la banbeiñ bad uba la shah lute ha la ka rta, bad yn ym don u briew ruh u ban pyllait ïa me.

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?

2 PETROS 2:17

Kine, ki long ki pukri bakhlem um, ki lyoh ïa kiba la beh da ka 'erïong, ha kiba la ri noh ïa ka jingïong jong ka jingdum na ka bynta jong ki.

2 PETROS 2:4

Namar lada U Blei um shym la riej ïa ki angel mynba ki la leh pop, hynrei, haba la shop arsut ïa ki sha dujok, u la aiti noh ïa ki ha ki krem ka jingdum tliw tliw, ba la ri noh ïa ki, ïa ka jingbishar;

JUDAH 1:13

ki jingat phyllung ba khih dom eh ka duriaw, kiba sei tyrtho ïa ki jinglehrain jong ki hi; ki khlur ba ïaid sakma, ha kiba ïa u lyoh baïong jong ka jingdum la ri noh sha ka bymjukut.

JUDAH 1:6

Ki angel ruh ki bym shym la ri ïa kata ka burom tynrai jong ki hi, hynrei, ki la iehnoh noh ïa ka jaka shong sah la ka jong hi, u la ri noh ïa ki ha ki kynjri bymjukut hapoh kaba dum tliw tliw, ïa ka jingbishar ka sngi bakhraw.

JINGPYNPAW 8:12

Bad u angel u basaw u la pynsawa; te la shoh ïa ka balai ka bynta na ka jong ka sngi, bad ïa ka balai ka bynta na ka jong u bnai, bad ïa ka balai ka bynta na ka jong ki khlur, khnang ban pyndum ïa kata ka balai ka bynta jong ki, bad kata ka sngi kam pynshai ïa kata ka balai ka bynta jong ka, bad ka miet kumjuh.