EKSODOS 10:2 - KA BAIBL

² bad ba me ruh men pynsngew ha la ki khun, bad ha u khun jong u khun jong me, ïa kiei kiei kat kiba nga la leh ha ka ri Ijipt, bad ïa ki dak phylla jong nga ïa kiba nga la trei hapdeng jong ki; khnang ba phin ïoh tip ba ma nga, nga long U Trai.”

Khasi CL Bible (BSI)

² bad ba phi lah ban ïathuh ha ki khun ki ksiew jong phi kumno nga la pynpaw bieit ïa ki nong Ijipt haba nga leh ïa kine ki kambah. Phi baroh phin tip ba nga long U Trai.”

EKSODOS 10:2 ပူးပေါင်းရင်းမြစ်များ

2 SAMUEL 7:22

Namar kata, me long u bakhraw, A Trai U Blei; naba ym don uba kat ma me, lymne ym don U Blei nalor jong me, katba kum kata baroh ïa kaba ngi la ïohsngew da la ki shkor.

SALM 44:1

Ngi la ïohsngew da la ki shkor, A U Blei, ki kpa jong ngi ki la ïathuh ha ngi, ïa ka kam kaba me la leh ha ki sngi jong ki, ha ki sngi mynbarim.

SALM 44:2

Me la beh noh ïa ki jaid bynriew da la ka kti, bad me la thung ïa ki; me la pynshitom ïa ki kynja bynriew, bad me la pynphriang ïa ki, kylleng.

SALM 58:11

Ba kumta ki briew kin ong, “Shisha ka don ka nong ïa u bahok: shisha don U Blei uba bishar ha ka khyndew.”

SALM 71:18

Bad haba nga la tymmen ruh bad nga phuh 'ñiuhlieh, A U Blei, wat iehnoh ïa nga; tad ynda nga la pynbna ïa ka ksang'ti jong me ha ka pateng bynriew ka ban sa wan, ïa ka bor jong me ha uwei uwei baroh u ban sa wan.

SALM 78:3

kiba ngi la ïohsngew bad ngi la tip, bad ba ki kpa jong ngi ki la ïathuh ha ngi.

EKSODOS 13:14

Te haba u khun jong me un sa kylli ïa me lashai lashisngi, u da ong, ‘Kaei kane?’ men ong ha u te, ‘Da ka kti badonbor U Trai u la ïalam noh ïa ngi na ka ri Ijipt, na ka ïing ka jingpynlong mraw keiñ.

EKSODOS 14:18

Ki Ijipt te kin sa tip ba ma nga, nga long U Trai, ynda nga la ïoh burom halor u Pharaoh, bad halor ki kali ïapom jong u, bad halor ki nongshong kulai jong u ruh.”

EKSODOS 14:4

Bad nga ngan pyneh ïa ka dohnud u Pharaoh, ba un beh nadien jong ki; kumta, ngan ïoh burom halor u Pharaoh, bad halor ki paidïapom jong u baroh; ba ki Ijipt kin ïoh tip ba nga, nga long U Trai.” Te ki la leh kumta.

EKSODOS 7:17

Kumne u ong U Trai, “Da kane men sa tip ba ma nga, nga long U Trai: ha khmih, nga ngan shoh da une u diengduh uba ha ka kti jong nga halor kita ki wah, te kin sa kylla snam.

EKSODOS 7:5

Te ki Ijipt kin sa tip ba nga long ma nga U Trai, haba nga la kner ïa la ka kti halor ka ri Ijipt, bad ba nga la pynmih noh ïa ki khun Israel napdeng jong ki.”

EKSODOS 8:6

Te u Aaron u la kner ïa la ka kti halor kita ki um ka Ijipt; bad ki jakoid ki la ïamih, bad ki la ïatyllup ïa ka ri Ijipt.

ISAÏAH 38:19

U ba-im, u ba-im keiñ, un ïaroh ïa me, kumba nga leh ha kane ka sngi: u kpa un pyntip ïa ka jingshisha jong me ha ki khun.

ESEKIEL 20:26

bad nga la pyntngit ïa ki ha ki jingai sngewbha jong ki hi, ha kaba ki la pynïaid lyngba ka ding ïa kita baroh kiba la kha nyngkong, ba ngan ïoh pynkynjah ïa ki, khnang ba kin tip ba nga long U Trai.”

ESEKIEL 20:28

Naba haba nga la wallam ïa ki sha kata ka ri, ïa kaba nga la rah ïa la ka kti ban ai ha ki, te ki la shu ïohi ïa u lum bajrong baroh, bad ïa u dieng uba bniap baroh, bad ki la ainguh ïa la ki jingkñia hangta, bad hangta ki la ïa-ai ïa la ki jingainguh kiba pynkhih bitar, hangta ruh, ki la pynlong la ki jingiw baiwbih, bad hangta ki la ïatheh noh ïa la ki jingainguh dih.

JOEL 1:3

To ïathuh ïa kane ha ki khun jong phi, bad to ki khun jong phi kin ïathuh ha ki khun jong ki, bad kita ki khun jong ki ha kawei pat ka pateng bynriew.

EPHESOS 6:4

Phi ruh ki kpa, to wat pynbitar ïa la ki khun; hynrei, to bsa pjiah ïa ki ha ka jinghikai bad ka jingsneng U Trai.

DEUTERONOMI 4:9

“Tang ba men sumar ïa lade, bad sharai minot bha ïa la ka mynsiem, ïoh ba men klet ïa kine kiei kiei kiba ki khmat jong me ki la ïohi, bad ïoh ba kin kynriah noh ruh na ka dohnud jong me, baroh ki sngi ka rta jong me; hynrei, to hikai ïa ki ha la ki khun shynrang, bad ha ki khun shynrang ki khun shynrang jong me keiñ;