EKSODOS 10:16 - KA BAIBL

¹⁶ Ynda kumta, u Pharaoh u la khot ïa u Moses bad ïa u Aaron da kaba kyrkieh; bad u la ong, “Nga la leh pop ïa U Trai U Blei jong phi, bad ïa phi ruh.

Khasi CL Bible (BSI)

¹⁶ Nangta u Pharaoh u phah khot kyrkieh ïa u Moses bad u Aaron, bad u ong, “Nga la leh pop pyrshah ïa U Trai U Blei jong phi, bad ïa phi ruh.

EKSODOS 10:16 ပူးပေါင်းရင်းမြစ်များ

2 SAMUEL 19:20

Naba nga u shakri jong me nga tip ba nga la leh pop: namar kata, ha khmih, ha kane ka sngi nga la wan nyngkong eh na ka ïing u Joseph baroh ïa ka ban hiar ban wan tan ïa u syiem kynrad jong nga.”

2 SAMUEL 24:10

Te ka dohnud u Dabid ka la shoh ïa u, hadien ba u la kheiñ ïa u paidbah. Bad u Dabid u la ong ha U Trai, “Nga la leh pop shikatdei ha kaba nga la leh: hynrei mynta, A Trai, nga kyrpad ïa me, to pyndam noh ïa ka jingleh bymman u shakri jong me; naba nga la leh bieit eh.”

2 SAMUEL 24:17

U Dabid te u la kren ha U Trai haba u la ïohi ïa uta u angel uba la shoh ïa u paidbah, bad u la ong, “Ha khmih, nga, nga la leh pop, bad nga, nga la leh kiat: hynrei, kine ki langbrot, ki la leh aïu kine? nga kyrpad ïa me, to ka kti jong me kan long halor jong nga, bad halor ka ïing u kpa jong nga.”

EKSODOS 8:25

Te u Pharaoh u la khot ïa u Moses bad ïa u Aaron, bad u la ong, “To khie leit phi, to kñia ïa U Blei jong phi ha kane ka ri.”

EKSODOS 8:8

Ynda kumta, u Pharaoh u la khot ïa u Moses bad ïa u Aaron, bad u la ong, “To kyrpad ïa U Trai ba un shim noh ïa kine ki jakoid na nga, bad na ki briew jong nga; te ngan sa pyllait noh ïa uta u paidbah, ba kin ïoh kñia ha U Trai.”

EKSODOS 9:27

Te u Pharaoh u la phah khot ïa u Moses bad ïa u Aaron, bad u la ong ha ki, “Ha kane shi sien nga la leh pop: U Trai u long u bahok, ma nga te bad ki briew jong nga ngi long ki bymman.

PROBERB 28:13

Uta uba tap ïa la ki jingpalat un ym man bha: hynrei, jar uba phla bad ba iehnoh noh ïa ki un ïoh ka jingisynei.

JINGKHEIÑ 21:7

Te namar kata, kita ki briew ki la wan ha u Moses, ki la ong ruh, “Ngi la leh pop, ba ngi la kren pyrshah ïa U Trai, bad pyrshah ïa me ruh; to duwai ha U Trai, ba un shim noh ïa kine ki bseiñ napdeng jong ngi.” Bad u Moses u la duwai na ka bynta uta u paidbah.

JINGKHEIÑ 22:34

Bad u Balaam u la ong ha uta u angel U Trai, “Nga la leh pop; naba ngam shym tip ba me la ïeng ïaleh pyrshah ïa nga ha kata ka lynti: te mynta, lada ka long ka basniew ha khmat jong me, ngan leit phai noh pat keiñ.”

MATHAÏOS 27:4

u da ong, “Nga la leh pop haba nga la die noh ïa ka snam balui lui.” Ki te ki la ong, “Kata ka dei aïu ïa ngi? khmih hi ma me keiñ.”

1 SAMUEL 15:24

Te u Saul u la ong ha u Samuel, “Nga la leh pop: namar ba nga la palat ïa ka hukum U Trai, bad ïa ki ktien jong me: naba nga la sheptieng ïa ki paidbah, bad ba nga la kohnguh ïa ki ktien jong ki.

1 SAMUEL 15:30

Ynda kumta, u la ong, “Nga la leh pop: pynban, nga kyrpad ïa me, to burom ïa nga mynta, ha khmat ki tymmen basan ki paidbah jong nga, bad ha khmat ki Israel, bad to wan phai bad nga ba ngan ïoh mane ïa U Trai uba U Blei jong me.”

1 SAMUEL 26:21

Ynda kumta, u Saul u la ong, “Nga la leh pop; to wan phai noh, ko Dabid u khun jong nga: namar ngan ym pynsniew shuh ïa me, naba ka jingim jong nga ka la long ka bakordor ha khmat jong me ha kane ka sngi: ha khmih, nga la leh bieit, bad nga la leh bakla shikatdei.”