EKSODOS 10:15 - KA BAIBL

¹⁵ Naba ki la ïatyllup noh lin ïa ka khyndew baroh, katba la pyndum ïa kata ka ri ruh; bad ki la ïabam lut ïa u jhur ka khyndew baroh, bad ïa ki soh na ki dieng baroh kiba la sah na kata kaba shoh phria: te ym shym la sah shuh ei ei ruh ka bajyrngam, ha ki dieng lane ha ki jhur ha ka lyngkha, ha ka ri Ijipt baroh kawei.

Khasi CL Bible (BSI)

¹⁵ Ki la tap ïa ka khyndew baroh kat haduh ba ka ïong ngaiñ da ki puit suda. Ki la bam ïa kaei kaei baroh kaba u phria u dang pynsah, kynthup ïa ki soh baroh ha ki dieng. Ym shym sah shuh kano kano kaba jyrngam ha u jingthung ne ha u dieng ha ka ri Ijipt baroh kawei.

EKSODOS 10:15 ပူးပေါင်းရင်းမြစ်များ

SALM 78:46

U la ai noh ïa ka jingmih jong ki ruh ha u puit khlam, bad ïa ka jingminot jong ki ha u puit kluiñ.

EKSODOS 10:12

U Trai te u la ong ha u Moses, “To kner ïa la ka kti halor ka ri Ijipt ïa ka ban pynmih ïa ki puit, ba kin ïoh kiew halor ka ri Ijipt, bad ba kin ïoh bam duh ruh ïa u jhur jong kane ka ri baroh, ïa kaba sah baroh na kaba shoh u phria.”

EKSODOS 10:5

bad kin sa ïatyllup noh lin ïa ka khyndew, kat ban ym ïohi ïa ka khyndew: kin sa bam lut ruh ïa kaba la lait, kaba dang sah ha phi na uta u phria, bad kin sa bam lut ïa u dieng baroh uba mih ha phi ha ka lyngkha:

PROBERB 30:27

ki puit kim don u syiem, pynban, ki ïaleit mih baroh ha ki kynhun;

JOEL 1:4

“Kata kaba la pynsah u 'ñiang bam jhur, u la bam u puit kluiñ; bad kaba u la pynsah u puit kluiñ, u la bam u 'ñiangdkoh; bad kaba u la pynsah u 'ñiangdkoh, u la bam u puit khlam.

JOEL 2:25

Bad ngan pynai pat ha phi kita ki snem kiba ki la bam u puit kluiñ, u 'ñiangdkoh, bad u puit bamphlang bad u puit khlam, u paidïapom bakhraw jong nga uba nga la phah hapdeng jong phi.

AMOS 7:2

Te haba ki la lah bam ïa u phlang jong ka khyndew, ynda kumta, nga la ong, “A Trai U Blei, to map, nga kyrpad ïa me: kumno u Jakob un ïeng? naba u long u barit.”

JINGKHEIÑ 22:5

Te u la phah ïa ki nonglam-ktien ha u Balaam u khun u Beor, sha Pethor, kaba hajan kata ka wah, ha ka ri ki khun ki briew jong u, ïa ka ban khot ïa u, u da ong, “Ha khmih, don u paidbah byllien uba la mih noh na Ijipt; ha khmih, ki ïatap lin ïa ka khmat ka pyrthei, bad ki ïashong ruh ha marpyrshah ïa nga: