EKSODOS 10:13 - KA BAIBL

¹³ Te u Moses u la kner ïa la u diengduh halor ka ri Ijipt, bad U Trai u la pynmih ïa ka lyer na mihngi halor ka khyndew ha kata baroh shi sngi, bad baroh shi miet; ynda la mynstep te, ka lyer na mihngi ka la wallam ïa ki puit.

Khasi CL Bible (BSI)

¹³ Kumta u Moses u rah ïa la u diengduh, bad U Trai u la pynlong ïa ka lyer na shaphang mihngi ban beh ha kata ka ri baroh shi sngi bad baroh shi miet. Ynda mynstep kata ka lyer mihngi ka wan kit ïa ki puit.

EKSODOS 10:13 ပူးပေါင်းရင်းမြစ်များ

JENESIS 41:6

Bad ha khmih, sa hynñiew tylli ki rynjup soh Kew ki baswai bad kiba la thangïong da ka lyer mihngi, kiba mih shluiñ hadien jong ki.

SALM 105:34

U la kren, te ki la wan ki puit kluiñ, bad ki puit khlam, bad kita ruh ki bym lah ñiew shuh,

SALM 148:8

ka ding bad u phria, ka ïor bad ka jynhaw; ka lyer ba khie 'erïong, ba leh ïa ka ktien jong u:

SALM 78:26

U la pynbeh ïa ka lyer mihngi ha bneng: bad da la ka bor u la ïalam ïa ka lyer shathie.

SALM 78:46

U la ai noh ïa ka jingmih jong ki ruh ha u puit khlam, bad ïa ka jingminot jong ki ha u puit kluiñ.

EKSODOS 14:21

Te u Moses u la kner ïa la ka kti halor kata ka duriaw, bad U Trai u la pynphai pat ïa kata ka duriaw da ka lyer mihngi kaba jur ha kata baroh shi miet, bad u la pynrngad ïa ka duriaw, ïa kita ki um ruh la pynïakhlad.

PROBERB 30:27

ki puit kim don u syiem, pynban, ki ïaleit mih baroh ha ki kynhun;

JONAH 1:4

Hynrei, U Trai u la pynmih noh ïa ka lyer kaba jur sha ka duriaw, bad la don ka 'erïong kaba khraw ha ka duriaw, ba kumta ka lieng ka la imat kum ban sa pait.

JONAH 4:8

Bad haba la ïeng ka sngi, U Blei u la khreh ïa ka lyer mihngi kaba pyn-lhep; bad ka sngi ka la shoh ïa ka khlieh u Jonah, haduh ba u la ïapler, bad u la kyrpad ïa lade ba un ïap noh, bad u la ong, “Kham bha ba ngan ïap ban ïa ka ban im.”

MATHAÏOS 8:27

Kita ki briew te ki la kyndit, ki ïa-ong, “Uba kumno une, ba ki lyer ruh bad ka duriaw ki ïakohnguh ïa u!”