EKSODOS 10:1 - KA BAIBL

¹ Te U Trai u la ong ha u Moses, “To leit shapoh ha u Pharaoh: namar nga la pyneh ïa ka dohnud jong u, bad ïa ka dohnud ki shakri jong u, ba ngan ïoh pyni ïa kine ki dak phylla jong nga ha khmat jong u:

Khasi CL Bible (BSI)

¹ Nangta U Trai u ong ha u Moses, “Khie leit sha u Pharaoh. Nga la pynmutlop ïa u bad ki rangbah synshar jong u, khnang ba nga lah ban leh ïa kine ki kambah hapdeng jong ki,

EKSODOS 10:1 ပူးပေါင်းရင်းမြစ်များ

SALM 7:11

U Blei u long u nongbishar u bahok, U Blei ruh uba don ka jingbitar shla ha la ka sngi.

EKSODOS 10:20

Hynrei, U Trai u la pyneh ïa ka dohnud u Pharaoh, ba kumta un ym pyllait noh ïa ki khun Israel.

EKSODOS 3:20

Namar kata, ngan kner ïa la ka kti, bad ngan shoh ïa ka ri Ijipt da ki kam phylla jong nga baroh ïa kiba ngan sa leh hapdeng jong ka: hadien kata te, un sa pyllait noh ïa phi.

EKSODOS 4:21

Bad U Trai u la ong ha u Moses, “Ynda me la leit phai pat sha ka ri Ijipt, to sumar ba men leh ha khmat u Pharaoh ïa kita ki kam phylla baroh ïa kiba nga la ai ha ka kti jong me: hynrei, ngan pyneh ïa ka dohnud jong u, te un ym pyllait noh ïa u paidbah.

EKSODOS 7:4

Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

EKSODOS 9:12

Bad U Trai u la pyneh ïa ka dohnud u Pharaoh, bad um shym shahshkor ïa ki, kumba U Trai u la lah kren ha u Moses.

EKSODOS 9:16

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

EKSODOS 9:27

Te u Pharaoh u la phah khot ïa u Moses bad ïa u Aaron, bad u la ong ha ki, “Ha kane shi sien nga la leh pop: U Trai u long u bahok, ma nga te bad ki briew jong nga ngi long ki bymman.

ÏOANNIS 12:40

“U la pynmatlah ïa ki khmat jong ki, bad u la pynluin ïa ka dohnud jong ki; ba kin ym ïohi da la ki khmat, lymne sngew-shemphang da la ka dohnud, bad kin ïoh kylla-ka-bamut, bad ngan ïoh pynkhiah ïa ki.”

Ka Shithi U Paul Sha Ki Nong Rom 9:17

Namar kata Ka Jingthoh ka ong ha uta u Pharaoh: “Khnang ïa kane hi keiñ nga la pynïeng ïa me, ba ngan da ïoh pyni shynna ïa ka borbah jong nga ha me, bad ba yn ïoh ïalap shai ïa ka kyrteng jong nga ha ka pyrthei baroh kawei.”

Ka Shithi U Paul Sha Ki Nong Rom 9:18

Kumta keiñ, ïa uba u mon, u isynei; bad ïa uba u mon, u pyneh.

JOSHUA 11:20

Namar ka la long na U Trai ban pyneh ïa ki dohnud jong ki, ba kin wan ïaleh ïa ki Israel ha ka thma, ba un ïoh pynduh ïa ki khoit, ba kin ym ïoh ka jingisynei, hynrei, ba un pynduh ïa ki, kumba U Trai u la hukum ïa u Moses.

1 SAMUEL 4:8

Kordit ïa ngi! uei u ban pynim ïa ngi na ka kti jong kine ki blei kiba don bor? Dei kine ki blei kiba la shoh ïa ki Ijipt da kita ki jingïapthem baroh ha kata ka ri khlaw.