EKSODOS 1:7 - KA BAIBL

⁷ Bad ki khun Israel ki la ïaroi, bad ki la ïaroi kyrhai, ki la ïaman bun eh, bad ki la nang khraw bor ruh shikatdei; te la pyndap ïa kata ka ri da ki.

Khasi CL Bible (BSI)

⁷ hynrei ki khun ki ksiew jong ki, ki la ïaroi shikatdei eh; ki la nang bun nang bun, bad ki la nang khlaiñ haduh ba kata ka ri ka la khapngiah da ki.

EKSODOS 1:7 ပူးပေါင်းရင်းမြစ်များ

JENESIS 1:20

Bad U Blei u la ong ruh, “To ai ba ki um kin ïaboi da kiei kiei ki kynja ba-im bapar, bad to ai ba kiei kiei ki kynja baher kin ïaher ha khmat ka sahit bneng.”

JENESIS 1:28

U Blei u la kyrkhu ruh ïa ki, bad U Blei u la ong ha ki, “To da nang kha, bad to da nang roi, bad to da pyndap ïa ka khyndew, bad to da pyndem ngon ïa ka: bad to synshar halor ki dohkha ka duriaw, bad halor ki sim bneng, bad halor kiei kiei ki kynja ba-im baroh bapar halor ka khyndew.”

JENESIS 12:2

bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu:

JENESIS 13:16

Ngan pynlong ruh ïa u symbai jong me kum ka 'dewmet ka khyndew: kumta keiñ, ba lada u briew u lah ban ñiew ïa ka 'dewmet ka khyndew, kumta te ïa u symbai jong me ruh yn lah ban ñiew.

JENESIS 15:5

Te u la ïalam shabar ïa u, bad u la ong, “To khmied mynta sha bneng, bad to ñiew ïa ki khlur, lada me lah ban ñiew ïa ki:” te u la ong ruh ha u, “kumta keiñ yn long u symbai jong me.”

JENESIS 17:16

Ngan kyrkhu ïa ka ruh, bad ngan ai ha me ïa u khun ruh na ka: ho-oid keiñ ngan kyrkhu ïa ka, ba kan man long ka kmie ki jaid bynriew; bad ki syiem ki paidlang bynriew kin mih na ka.”

JENESIS 22:17

bad da kaba kyrkhu ngan da kyrkhu shisha ïa me, bad da kaba pynroi ngan da pynroi shisha ïa u symbai jong me kat ki khlur bneng, bad kum u shyiap uba harud ka duriaw; bad u symbai jong me un ïoh bat ha lade ïa ki khyrdop ki nongshun jong u;

JENESIS 26:22

Ynda kumta, te u la kynriah noh nangta, bad u la tih ïa kawei pat ka pukri; hynrei, kim shym la ïakajia shaphang kata: te u la khot kyrteng “ka Rehoboth” ïa ka; bad u la ong, “Naba mynta ba U Trai u la pynkylluid ïa ngi, ngin ïa nang roi ruh ha kane ka khyndew.”

JENESIS 26:4

Bad ngan pynbun ïa u symbai jong me kum ki khlur bneng, bad ngan ai ha u symbai jong me ïa kine ki ri baroh; bad ïa ki jaid bynriew baroh ka pyrthei yn kyrkhu ha u symbai jong me;

JENESIS 28:14

bad u symbai jong me un long kum ka 'dewmet ka khyndew, bad men sapait saphriang noh sha sepngi, bad sha mihngi, bad sha shatei, bad sha shathie: bad ha me yn long ba la kyrkhu ïa ki jaid bynriew baroh ka pyrthei bad ha u symbai jong me.

JENESIS 35:11

U Blei u la ong ruh ha u, “Nga long U Blei U Badonbor Baroh: to da nang kharoi, bad to da nang man bun ruh; ka jaid bynriew bad ka jingïalang ki jaid bynriew kin ïamih noh na me bad ki syiem ruh kin mih na ki syngkai jong me.

JENESIS 46:3

Bad u la ong, “Nga long U Blei, U Blei u kpa jong me: wat sheptieng ban leit hiar sha ka ri Ijipt; naba ngan pynlong ïa me ka jaid bynriew bakhraw hangta.

JENESIS 47:27

U Israel ruh u la shong duh ha ka ri Ijipt, ha ka khyndew Goshen; bad ki la ïoh ki bynta trai ha ka, bad ki la ïaman bha, bad ki la ïa nang roi shikatdei eh ruh.

JENESIS 48:16

uta u angel uba la pyllait im ïa nga na ka basniew baroh, un kyrkhu ïa kine ki samla; ïa ka kyrteng jong nga ruh bad ka kyrteng ki kpa jong nga u Abraham bad u Isaak, yn sa khot ha ki; to ai ba kin ïakha roi ruh kum ki dohkha ha ka jingbun hapdeng kata ka ri.”

JENESIS 48:4

u la ong ruh ha nga, ‘Ha khmih, ngan pynlong ïa me uba sei soh kyrhai, bad ngan nang pynroi ïa me, bad ngan pynlong ïa me ka jaid bynriew babun paidbah; bad ngan ai ïa kane ka khyndew ïa u symbai jong me hadien jong me ba kan long ka bynta trai junom.’

JENESIS 9:1

Bad U Blei u la kyrkhu ïa u Noah bad ïa ki khun shynrang jong u, u la ong ruh ha ki, “To da nang kha, bad to da pyndap pat ïa ka pyrthei.

NEHEMAÏAH 9:23

Ïa ki khun jong ki ruh me la pynroi kum ki khlur bneng, bad me la ïalam ha kata ka ri, shaphang kaba me la ong ha ki kpa jong ki, ba kin ïoh poi ha ka ban ïoh ïa ka.

SALM 105:24

Te u la pynroi shibun ïa la ki briew, bad u la pynlong kham khlaiñ ïa ki ban ïa ki nongïaleh pyrshah jong ki.

SALM 107:38

U kyrkhu ïa ki ruh, ba kin nang bun shikatdei; bad um shah ba kin nang duna ki jingri jong ki.

EKSODOS 1:12

Te katba ki la nang pynshitom ïa ki, katta ki la ïa nang roi pynban. Bad la pynjynjar ïa ki namar ki khun Israel.

EKSODOS 12:37

Te ki khun Israel ki la ïaleit mih noh na Rameses sha Sukkoth da ka kjat, kumba hynriewspah hajar ki rangbah, nalor ki khynnah.

EKSODOS 5:5

U Pharaoh u la ong ruh, “Ha khmih, kine ki briew jong kane ka ri mynta ki la bun, bad phi la pynpep ïa ki na ki jingkit jong ki.”

ESEKIEL 16:7

Nga la pynroi ïa pha kat u 'lang lung ka madan, te pha la roi bad pha la man khraw, bad pha la kot haduh ki jingdeng kiba kordor; ki jymbuiñ jong pha ki la at nub, bad u shñiuh jong pha u la san; hynrei, pha shu shah lyngbiang bad shah lyngkhuit.

KI KAM 13:17

U Blei jong une u paidlang Israel, u la jied ïa ki kpa jong ngi; bad u la pynkyntiew ïa une u paidlang mynba ki la shong basa ha ka ri Ijipt, bad da ka ksang'ti badonbor u la ïalam noh ïa ki na ka.

DEUTERONOMI 10:22

Ki kpa jong me ki la ïaleit hiar sha ka ri Ijipt bad tang hynñiewphew ki mynsiem; hynrei, mynta, U Trai uba U Blei jong me u la pynlong ïa me u paidbah kat ki khlur ki bneng.

DEUTERONOMI 26:5

“Bad men ïathuh, men ong ruh ha khmat U Trai uba U Blei jong me, ‘U kpa jong nga u la long u kynja Syria u ban sa jot noh, bad u la leit hiar sha ka ri Ijipt, bad u la shong basa hangta bad khyndiat ki briew; te hangta, u la man ka jaid bynriew bakhraw, badonbor, bad babun.