EKSODOS 1:20 - KA BAIBL

²⁰ Namar kata, U Blei u la leh bha ïa kita ki nongbat khun: bad kita ki briew ki la nang roi, bad ki la nang khraw bor de shikatdei.

Khasi CL Bible (BSI)

^20-21 Namar ba kita ki nongpynkha khun ki sheptieng ïa U Blei, u ruh u pynmanbha ïa ki, bad u ai ha ki ba kin don la ki khun ki kti. Ki Israel ruh ki nang roi bad ki nang khlaiñ.

EKSODOS 1:20 ပူးပေါင်းရင်းမြစ်များ

SALM 103:11

Naba katba ka bneng ka jrong ha khlieh ïa ka khyndew, kaba khraw katta keiñ ka jingisynei jong u ka long ïa kita kiba sheptieng ïa u.

SALM 111:5

U la ai jingbam ïa kita kiba sheptieng ïa u: un kynmaw ha la ka sngi ïa la ka jutang.

SALM 145:19

Un pyndap ïa ka jingkwah jong kiba sheptieng ïa u; un sngew ïa ka jinglynñiar jong ki ruh, bad un pynim ïa ki.

SALM 61:5

Namar me, A U Blei, me la ïohsngew ïa ki kular jong nga: me la ai ha nga ïa ka bynta jong kita kiba sheptieng ïa ka kyrteng jong me.

SALM 85:9

Da shisha ka jingpynim jong u ka long hajan kita kiba sheptieng ïa u; ba kan ïoh sah ka burom ha ka ri jong ngi.

EKSODOS 1:12

Te katba ki la nang pynshitom ïa ki, katta ki la ïa nang roi pynban. Bad la pynjynjar ïa ki namar ki khun Israel.

EKSODOS 1:19

Kita ki nongbat khun te ki la ong ha u Pharaoh, “Namar ki kynthei Hebru kim long kum ki kynthei Ijipt; naba ki long kiba shait, bad ki kha haba ki nongbat khun kim pat poi ha ki.”

EKSODOS 1:7

Bad ki khun Israel ki la ïaroi, bad ki la ïaroi kyrhai, ki la ïaman bun eh, bad ki la nang khraw bor ruh shikatdei; te la pyndap ïa kata ka ri da ki.

PROBERB 11:18

U bymman u ïoh ïa ka bainong kaba shukor: hynrei, uta uba bet ïa ka hok u ïoh ka nong kaba skhem.

PROBERB 19:17

Uta uba isynei ïa u baduk u ai kylliang ha U Trai, bad ïa ka kam babha jong u un sa siew pat ïa u.

EKLESIASTIS 8:12

La u nongpop u leh bymman, shispah sien, bad pynslem ïa ki sngi jong u, pynban, da shisha, nga tip ba kan long bha bad kita kiba sheptieng ïa U Blei, kiba sheptieng ha khmat jong u:

ISAÏAH 3:10

Ong phi shaphang u bahok, ba kan bha ïa u: namar kin bam ïa u soh ki kam jong ki.

MATHAÏOS 10:42

Bad uno uno ruh u ban ai dih tang shi khuri ka um khriat ïa uwei na kine ki barit, ha ka kyrteng u synran, shisha nga ong ha phi, un ym duh shuh la ka nong.”

MATHAÏOS 25:40

Uta U Syiem te un ïathuh bad un ong ha ki, ‘Shisha nga ong ha phi, ha kaba phi la leh ïa ka ha uwei u barit tam na kine ki para jong nga, phi la leh keiñ ha nga.’

LOUKAS 1:50

bad ka jingisynei jong U pateng la pateng bynriew ha kita kiba sheptieng ïa U;

HEBRU 6:10

namar U Blei um long u bymhok ba un klet ïa ka jingleh jong phi bad ïa kata ka jingieit kaba phi la ïa-pyni sha ka kyrteng jong u, ha kaba phi la shakri ïa ki riewkhuid, bad ba phi ïaishakri ruh.