EKSODOS 1:17 - KA BAIBL

¹⁷ Hynrei, kita ki nongbat khun ki la sheptieng ïa U Blei, bad kim shym leh kumba uta u syiem ka ri Ijipt u la hukum ïa ki, hynrei, ki la ri im ïa ki khun shynrang.

Khasi CL Bible (BSI)

¹⁷ Hynrei kita ki nongpynkha khun ki dei kiba sheptieng ïa U Blei; kumta kim shym kohnguh ïa u, hynrei ki shah ba ki khun shynrang kin im.

EKSODOS 1:17 ပူးပေါင်းရင်းမြစ်များ

JENESIS 20:11

Te u Abraham u la ïathuh, “Naba nga la ong ha lade, ‘Shisha ym don ka jingsheptieng burom ïa U Blei ha kane ka jaka; ki te kin pynïap noh ïa nga namar ka tnga jong nga.’

JENESIS 42:18

Bad u Joseph u la ong ha ki ha ka balai sngi, “To phin leh ïa kane, ba phin ïoh im; nga tieng burom ïa U Blei.

2 SAMUEL 24:4

Pynban, ka la kham lah ka ktien u syiem ban ïa u Joab, bad ban ïa ki kaptan u paidïapom. Te u Joab bad ki kaptan u paidïapom ki la mih noh na khmat u syiem, ïa ka ban kheiñ ïa u paidbah Israel.

NEHEMAÏAH 5:15

Hynrei, ki nongsynshar kiba mynshuwa jong nga ki la ban khia ïa u paidbah, bad ki la shim ïa u kpu bad ka Waiñ na ki, nalor ki sawphew shekel rupa; shisha keiñ, wat ki shakri jong ki, ki la leh trai khlieh halor u paidbah: hynrei, nga ngam shym la leh kumta, namar kaba tieng ïa U Blei.

ESTHER 3:3

Ynda kumta, kita ki shakri ki jong u syiem, kiba la don ha ka khyrdop u syiem, ki la ong ha u Mordekai, “Balei me ryngkang ïa ka hukum u syiem?”

SALM 31:19

A katno kaba khraw ka jingbha jong me, kaba me la buh tyngkai ïa kita kiba sheptieng ïa me; kaba me la leh ha kita kiba shaniah ha me, ha khmat ki khun shynrang ki briew!

EKSODOS 1:18

Te uta u syiem ka ri Ijipt u la khot ïa kita ki nongbat khun, bad u la ong ha ki, “Balei phi la leh ïa kane, bad ba phi la ri im ïa ki khun shynrang?”

EKSODOS 1:21

Te namar ba kita ki nongbat khun ki la sheptieng ïa U Blei, ki Hebru ki la ïa nang roi.

PROBERB 16:6

Da ka jingisynei bad ka jingshisha, ïa ka jingleh bymhok la ju sait noh: bad da ka jingsheptieng ïa U Trai, ki briew ki kynriah na ka basniew.

PROBERB 8:13

Ka jingsheptieng ïa U Trai long ban shun ïa ka basniew: ïa ka jingsarong, bad ka jingsngewmeng, bad ka lynti ka basniew, bad ïa ka shyntur kaba mutlop, nga isih.

EKLESIASTIS 12:13

Kane ka long ka jingkyllum; ïa baroh la ïohsngew: sheptieng ïa U Blei, bad sumar ïa ki hukum jong u; namar kane baroh ka long ka kamram u briew.

EKLESIASTIS 8:12

La u nongpop u leh bymman, shispah sien, bad pynslem ïa ki sngi jong u, pynban, da shisha, nga tip ba kan long bha bad kita kiba sheptieng ïa U Blei, kiba sheptieng ha khmat jong u:

DANIEL 6:13

Ynda kumta, ki la ïathuh bad ki la ong ha khmat u syiem, “Uta u Daniel, uba na ki khun ka jinglongmraw jong ki Judah, um suidñiew ïa me, ko syiem, lymne ïa kata ka adong ïa kaba me la soi, hynrei, u pynlong ïa ka jingkyrpad jong u lai sien shi sngi.”

HOSIA 5:11

Ïa u Ephraim la banbor, la tylliat ruh ha ka jingbishar; namar u la mon ban leit bud ïa kaba thala.

MIKAH 6:16

Naba ïa ki hukum u Omri la sumar, bad ïa ki jingleh ka ïing u Ahab baroh, bad phi ïaid ha ki jingpyrkhat jong ki: ba ngan pynlong ka jingjot ïa pha, bad ïa kita kiba shong ha pha ka jingkynshi; namar kata, phin bah ïa ka jinglehrain ki briew jong nga.”

MATHAÏOS 10:28

To wat sheptieng te ïa kita kiba pynïap ïa ka met, bad ki bym lah ban pynïap ïa ka mynsiem: hynrei, phin kham sheptieng ïa uta uba lah ban pynjot bad ïa ka mynsiem bad ïa ka met ha dujok.

LOUKAS 12:5

Hynrei, ngan maham ïa phi ïano phin sheptieng: To sheptieng ïa uta uba hadien kaba u la pynïap, u don bor ban bred sha dujok; shisha nga ong ha phi: To sheptieng keiñ ïa uta.

KI KAM 5:29

Te u Petros bad ki apostol, ki la ïathuh bad ki la ïa-ong, “Ngi dei ban kohnguh ïa U Blei kham tam ban ïa ki briew.

1 SAMUEL 22:17

Te u syiem u la ong ha kita ki nongphet kiba ïeng sawdong ïa u, “To phai, bad pynïap ïa ki lyngdoh jong U Trai: naba ka kti jong ki ruh ka don lem bad u Dabid, bad ba haba ki la tip ba u la phet noh, kim shym ïathuh ha nga.” Hynrei, ki shakri u syiem kim treh ban rah ïa la ka kti ban pynïap ïa ki lyngdoh jong U Trai.