EKSODOS 1:14 - KA BAIBL

¹⁴ Bad ki la ïa-pynkthang ïa ka jingim jong ki da ka jingpynlong mraw kaba shitom ha ka 'dewbyrtha bad ha u maw-it, bad ha ka kynja jingtrei baroh ha ka lyngkha, ka jingtrei jong ki baroh, ha kaba la pyntrei ïa ki ka la long da kaba jur keiñ.

EKSODOS 1:14 ပူးပေါင်းရင်းမြစ်များ

JENESIS 15:13

Bad U Trai u la ong ha u Abram, “To tip shisha ba u symbai jong me un long nongwei ha ka ri ka bymdei ka jong ki, bad kin shakri ruh ïa ki; bad kita kin ïa-pynshitom ïa ki, sawspah snem;

1 SYIEM 12:14

bad u la kren ha ki kum ka jingpyni ki samla, u da ong, “U kpa jong nga u la pynkhia ïa ka lyngkor jong phi, hynrei, nga ngan nang pyntam shuh ïa ka lyngkor jong phi: u kpa jong nga u la pynshitom ïa phi da ki dieng sympat, hynrei, nga, ngan pynshitom ïa phi da ki shabuk.”

SALM 129:1

“Bunsien ki la pynjynjar ïa nga naduh ba nga dang samla,” to kin ong ki Israel mynta:

SALM 68:13

Phin thiah hapdeng ki jingker langbrot, kum ki thapniang ka paro ba la tap da ka rupa, bad ki sner jong ka da ka ksiar bastem?

SALM 81:6

Nga la pynkynriah noh ïa ka tyrpeng jong u na ka jingkit: ïa ki kti jong u la pyllait na kata ka shang.

EKSODOS 1:11

Namar kata, ki la thung ïa ki sordar halor jong ki ban pynshitom ïa ki da ki jingkit jong ki. Te ki la tei ki nongbah ki jingkynshew ïa u Pharaoh, ka Pithom bad ka Raamses keiñ.

EKSODOS 1:13

Te ki Ijipt ki la pyntrei ïa ki khun Israel da kaba jur eh:

EKSODOS 1:15

Te uta u syiem ka ri Ijipt u la kren ha ki Hebru kynthei kiba bat khun, kiba ka kyrteng kawei na ki long “Ka Shiphrah”, bad ka kyrteng kawei pat “Ka Puah”:

EKSODOS 2:23

Ka la jia te hadien bun sngi, ba u la ïap noh uta u syiem ka ri Ijipt: te ki khun Israel ki la ïa-ud namar kata ka jinglongmraw, bad ki la ïalynñiar ruh, bad kata ka jinglynñiar jong ki ka la wan kiew sha U Blei namar kata ka jinglongmraw.

EKSODOS 20:2

“Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

EKSODOS 6:9

Te u Moses u la kren kumta ha ki khun Israel: hynrei, ki, kim shym la shahshkor ïa u Moses namar kata ka jingpisa mynsiem bad namar kata ka jingpynlong mraw bashitom eh.

PROBERB 28:15

Kum u sing u bakyrhuh, bad ka dngiem ba ïaidwir; kumta long u nongsynshar bymman halor ki briew ki baduk.

ISAÏAH 10:24

Namar kata, kumne u ong U Trai, U Trai ki paid, “Ko paidlang jong nga uba shong ha Seïon, wat sheptieng ïa u nong Assyria: la u shoh ïa me da u diengduh, bad la u rah ïa la u dieng sympat pyrshah ïa me, kat ka rukom ka ri Ijipt.

ISAÏAH 14:6

kiba la shoh ïa ki kynja bynriew ha ka jingbitar da ka jingshoh lynter, kiba la synshar ïa ki jaid bynriew ha ka jingkhih bitar, da ka jinglehbeiñ ka bymdon ba khang.

ISAÏAH 51:23

te ngan buh ïa ka ha ka kti jong kita kiba pynjynjar ïa pha; kiba la ong ha ka mynsiem jong pha, ‘To dem pyllup, ba ngin ryngkang noh;’ te pha la pun ïa la ka met kum ka khyndew, bad kum ka lynti, ha kita kiba ryngkang.”

ISAÏAH 52:5

Namar kata te, ngan leh aïu hangne,” ong U Trai, “haba la shim ei ïa u paidlang jong nga? Kita kiba synshar halor jong ki, ki kyang,” ong U Trai, “bad ïa ka kyrteng jong nga la ïaikrenbeiñ baroh shi sngi.

ISAÏAH 58:6

“Hato kane kam long ka jingshah jingit ba nga la jied? Kaba loit noh ïa ki jingkhum ka jingbymman, kaba law ïa ki jingkit lyngkor, bad kaba pyllaitluid ïa kiba la ban shitom, bad ba phin pynkheiñ ïa ka kynja lyngkor baroh?

LEBITIKOS 25:43

Men ym long u kynrad uba leh eh halor jong u; hynrei, men sheptieng ïa U Blei jong me.

LEBITIKOS 25:46

Phin ïoh ruh ïa ki kum ka bynta ban hiar pateng ïa la ki khun hadien jong phi: kin long ki mraw jong phi junom: hynrei, shaphang ki para jong phi kiba ki khun Israel, phin ym ïaleh jubor paralok hi.

LEBITIKOS 25:53

Kum u shakri babylla shi snem shi snem un long bad u: bad un ym leh trai khlieh halor jong u ha khmat jong me.

MIKAH 3:3

kiba bam ruh ïa ka doh ki briew jong nga; bad ki khoh ïa ka snep jong ki na ki, bad ki pynkheiñ ïa ki shyieng jong ki; shisha, ki daiñ lyngkhot lyngkhai ïa ki, kumba ïa u khiew, bad kum ka doh ha u dek.

NAHUM 3:14

To tong um ha pha ïa kata ka jingker kut, to pynskhem ïa ki kut jong pha: khie leit ha ka 'dewbyrtha, to ïuh ïa ka ktieh, to pynskhem ïa ka pajwa maw-it.

JINGKHEIÑ 20:15

kumno ba ki kpa jong ngi ki la leit hiar ha ka ri Ijipt, bad ba ngi la shong sah ha ka ri Ijipt kham slem; ki Ijipt ruh ki la pynshitom ïa ngi, bad ïa ki kpa jong ngi;

KI KAM 7:19

Une, u la leh shukor ïa ka jaid jong ngi, bad u la pynshitom ïa ki kpa jong ngi, ba kin bred noh ïa ki khunlung jong ki, khnang ba kin ym im.

KI KAM 7:34

Shisha nga la ïohi ïa ka jingshahshitom ki briew jong nga kiba ha Ijipt, bad nga la ïohsngew ïa ka jingud jong ki, bad nga la wan hiar ban pyllait noh ïa ki. Mynta, to ale, ngan phah ïa me sha Ijipt.’

DEUTERONOMI 26:6

Te ki Ijipt ki la leh sniew ïa ngi, bad ki la ïa-pynjynjar ïa ngi, bad ki la ïaban halor jong ngi da ka jingpynlong mraw kaba jur eh.

DEUTERONOMI 4:20

Hynrei, U Trai u la shim ïa phi, bad u la wallam noh ïa phi na kata ka lawar ding saiñ nar, na ka ri Ijipt keiñ, khnang ba phin long u paidlang ha u, ka bynta trai keiñ, kumba phi long ha kane ka sngi.

RUTH 1:20

Ka te ka la ong ha ki, “Wat khot shuh ïa nga ‘ka Naomi’, khot ïa nga ‘ka Mara’ keiñ: naba U Badonbor Baroh u la leh kthang eh ïa nga.