DANIEL 9:8 - KA BAIBL

⁸ A Trai, ïa ngi ka long ka jinglehrain ka khmat, ïa ki syiem jong ngi, ïa ki rangbah jong ngi, bad ïa ki kpa jong ngi, namar ba ngi la leh pop ïa me.

Khasi CL Bible (BSI)

⁸ Ki syiem jong ngi, ki nongsynshar jong ngi, bad ki kpa tymmen jong ngi ki la pynlehrain bad ki la leh pop pyrshah ïa me a Trai.

DANIEL 9:8 ပူးပေါင်းရင်းမြစ်များ

2 SYIEM 21:15

namar ba ki la leh ïa kata ka basniew ha khmat jong nga, bad ki la pankwah ïa nga ban bitar, naduh kata ka sngi ba ki kpa jong ki, ki la mih noh na ka ri Ijipt, haduh kane ka sngi keiñ.’ ”

2 KHRONIKL 6:37

pynban, lada kin pyrkhat ïa lade ha kata ka ri sha kaba la ring mraw ïa ki, bad ki phai pat, bad kin kyrpad ha me ha ka ri ka jinglongmraw jong ki, ki ïa-ong, ‘Ngi la leh pop, ngi la leh mutlop eh, bad ngi la leh bymman;’

NEHEMAÏAH 1:6

ai ba ka shkor jong me kan shah mynta, bad ba ki khmat jong me kin peit, ba men sngap ïa ka jingduwai u shakri jong me, ïa kaba nga duwai ha khmat jong me ha kane ka por, mynsngi bad mynmiet, na ka bynta ki khun Israel ki shakri jong me, katba nga phla ïa ki pop ki khun Israel, ïa kiba ngi la leh pop ïa me: shisha, ma nga bad ka ïing u kpa jong nga ngi la leh pop.

ISAÏAH 64:4

Naba naduh mynhyndai ki briew kim shym la sngew, lymne ïohsngew da ka shkor, lymne ka khmat kam shym la ïohi ïa U Blei nalor jong me, uba trei na ka bynta uta uba ap kyrmen ïa u.

JEREMAÏAH 14:20

Ngi phla, A Trai, ïa la ka jingbymman, bad ïa ka jingleh bymhok ki kpa jong ngi: naba ngi la leh pop ïa me.

JEREMAÏAH 32:32

namar baroh kata ka jingsniew ki khun Israel bad jong ki khun Judah, ïa kaba ki la leh ban pankwah ïa nga ban bitar, ma ki, ki syiem jong ki, ki rangbah jong ki, ki lyngdoh jong ki, bad ki nongïathuhlypa jong ki, bad ki rangbah Judah, bad kiba shong ha Jerusalem.

JEREMAÏAH 7:19

Hato ki pankwah ïa nga ban bitar?” ong U Trai; “kim pankwah ïa lade, ïa ka ban pynlehrain ïa ki khmat jong ki hi?”

SNGEWSYNEI 1:18

“U Trai u long u bahok; naba nga la ïaleh pyrshah ïa ka hukum jong u: to sngew, nga kyrpad ïa phi, phi ki kynja bynriew baroh, bad to khmih ïa ka jingsngewsih jong nga: ki theisotti jong nga bad ki samla jong nga ki la leit long mraw.

SNGEWSYNEI 3:42

“Ngi la ryngkang bad ngi la ïaleh pyrshah; mem shym la map.

SNGEWSYNEI 5:16

Ka pansngiat ka la hap na ka khlieh jong ngi: kordit ïa ngi! naba ngi la leh pop.

ESEKIEL 16:63

ba phan dup lah ban kynmaw, bad phan sngewlyngngoh, bad phan ym ang shuh ïa la ka shyntur, namar la ka jinglehrain; ynda nga la lah map ïa pha ïa kaba pha la leh baroh,” ong U Trai.

ESEKIEL 5:6

Bad ka la ïaleh pyrshah ïa ki jingbishar jong nga ha kaba leh ïa ka jingbymman, palat ïa kita ki jaid bynriew, bad pyrshah ïa ki hukum jong nga, palat ïa kita ki ri kiba sawdong ïa ka; naba ki la kyntait ïa ki jingbishar jong nga, bad shaphang ki hukum jong nga pat, kim shym ïaid ha ki.”

DANIEL 9:9

Ïa U Trai U Blei jong ngi ki dei ki jingisynei bad ki jingmap; namar ngi la ïaleh pyrshah ïa u;