DANIEL 9:7 - KA BAIBL

⁷ A Trai, ka hok ka long ka jong me, hynrei, ïa ngi ka jinglehrain ka khmat, kumba ha kane ka sngi; ïa ki briew jong u Judah, bad ïa kiba shong ha Jerusalem, bad ïa ki Israel baroh, kiba jan bad kiba jngai, ha ki ri baroh sha kiba me la beh noh ïa ki, namar ka jingpalat jong ki kaba ki la palat ïa me.

Khasi CL Bible (BSI)

⁷ Ma me ko Trai, me leh borabor ïa kaba dei, hynrei borabor ngi la wallam ka jingjahburom ha lade hi. Kane ka long kaba shisha ïa baroh na ngi kiba shong basah ha Judia bad ha Jerusalem bad jong baroh ki khun Israel ïa kiba me la pynsakma ha ki ri kiba jan bad kiba jngai namar ki la long ki bymïaineh ha me.

DANIEL 9:7 ပူးပေါင်းရင်းမြစ်များ

ESRA 9:13

Bad hadien baroh kaba la jia ha ngi namar ki jinglehsniew jong ngi, bad namar ka jingrem bakhraw jong ngi, ngi ïohi ba me U Blei jong ngi me la pynshitom ïa ngi kham duna ban ïa kaba ki pop jong ngi ki dawa, bad ba me la ai ha ngi katne kiba sah,

ESRA 9:15

A Trai, U Blei ki Israel, me long u bahok; namar la pynsah ïa ngi khyndiat kiba la ïohlait, kumba ka long ha kane ka sngi: ha khmih, ngi long ha khmat jong me ha ka jingrem jong ngi; namar ym don uba lah ban ïeng ha khmat jong me namar kane.”

NEHEMAÏAH 9:33

La kumta ruh, me long u bahok ha kiei kiei baroh kiba la jia ïa ngi; namar me la leh ïa kaba shisha, hynrei, ngi la leh bymman.

SALM 119:137

Me u bahok, A Trai, bad kiba beit ki long ki jingbishar jong me.

SALM 44:15

Baroh shi sngi ka jingjahburom jong nga ka ha khmat jong nga, bad ka jinglehrain ka khmat jong nga ka la tap ïa nga,

SALM 51:14

To pyllait ïa nga na ka jingbit snam, A U Blei, me U Blei ka jingpynim jong nga; te u thylliej jong nga un rwai jam shaphang ka hok jong me.

SALM 51:4

Ïa me, ïa me hi, nga la leh pop, bad nga la leh ïa kata ka basniew ha khmat jong me: ba yn lah pynksan ïa me haba me kren, bad ba men long khuid haba me bishar.

ISAÏAH 11:11

Te kan jia ha kata ka sngi, ba U Trai un sei pat ha ka ba-ar sien ïa la ka kti ban pynïoh pat ïa i bynta ba dang sah jong u paidlang jong u, i ban dang sah, na Assyria, bad na Ijipt, bad na Pathros, bad na Kush, bad na Elam, bad na Shinar, bad na Hamath, bad na ki 'dewlynnong ka duriaw.

ISAÏAH 45:16

Kine baroh kin sngewlehrain, kin sngewlyngngoh ruh: kin leit lang sha ka jingsngewlyngngoh kiba thaw ïa ki bleithaw.

JEREMAÏAH 12:1

Me long u bahok, A Trai, haba nga ïasaid bad me: la kumta ruh nga kwah ban ïasaid ïa kane ka kam ha me: namar balei ba ka lynti ki bymman ka man bha? Namar balei ba kita kiba ïashetkylla eh ki ïalong baroh kiba shongsuk?

JEREMAÏAH 23:6

Ha ki sngi jong u, ïa u Judah yn pynim, bad u Israel un shong ha kaba suk: bad kane ka long ka kyrteng jong u da kaba yn khot ïa u, ‘U Trai u long ka hok jong ngi.’

JEREMAÏAH 24:9

Ngan ai noh keiñ ïa ka ban pynpashat ïa ki shane shatai hapdeng ki hima baroh jong ka khyndew ïa ka ban sniew; ban long ka jingrkhiebeiñ bad ka proberb, ka jingkynshi bad ka jingtim, ha ki jaka baroh sha kiba ngan beh ïa ki.

JEREMAÏAH 3:25

To ïa ngin ïathiah noh ha ka jinglehrain jong ngi, bad to ai ba ka jingshaïong kan tap ïa ngi: naba ngi la leh pop ïa U Trai U Blei jong ngi, ma ngi bad ki kpa jong ngi, naduh ba ngi dang samla haduh kane ka sngi keiñ: bad ngim shym la kohnguh ïa ka ktien U Trai U Blei jong ngi.”

JEREMAÏAH 32:32

namar baroh kata ka jingsniew ki khun Israel bad jong ki khun Judah, ïa kaba ki la leh ban pankwah ïa nga ban bitar, ma ki, ki syiem jong ki, ki rangbah jong ki, ki lyngdoh jong ki, bad ki nongïathuhlypa jong ki, bad ki rangbah Judah, bad kiba shong ha Jerusalem.

JEREMAÏAH 33:16

Ha kita ki sngi, yn sa pynim ïa ka Judah, bad ka Jerusalem kan sa shongsuk: bad kane ka long ka kyrteng da kaba yn khot ïa ka, “U Trai u long ka hok jong ngi.” ’

JEREMAÏAH 4:17

Kum ki nongap ïa ka lyngkha ki ïaleh ïa ka baroh sawdong; namar ka la leh kiat pyrshah ïa nga,” ong U Trai.

JEREMAÏAH 7:19

Hato ki pankwah ïa nga ban bitar?” ong U Trai; “kim pankwah ïa lade, ïa ka ban pynlehrain ïa ki khmat jong ki hi?”

ESEKIEL 16:63

ba phan dup lah ban kynmaw, bad phan sngewlyngngoh, bad phan ym ang shuh ïa la ka shyntur, namar la ka jinglehrain; ynda nga la lah map ïa pha ïa kaba pha la leh baroh,” ong U Trai.

ESEKIEL 36:31

Ynda kumta, phin sa kynmaw ïa ki lynti basniew jong phi, bad ïa ki jingleh jong phi ba kim shym long ki babha; te phin sa isih ïa lade ha khmat jong phi hi namar ki jingleh bymhok jong phi bad namar ki jingijli jong phi de.’

ESEKIEL 5:10

Namar kata, ki kpa kin ïabam ïa ki khun shynrang hapdeng jong pha, bad ki khun shynrang kin ïabam ïa ki kpa jong ki; bad ngan pyndep ïa ki jingbishar ha pha, bad ïa baroh kiba sah na pha ngan pynher kma sha ki lyer baroh.

ESEKIEL 6:12

Uta uba sha jngai un ïap da ka khlam; bad uta uba hajan un kyllon da ka waitlam; bad uta uba sah bad ïa uba la ker kut un ïap da ka 'nemsniew: kumne ngan pyndep ïa ka jingshla jong nga halor jong ki.

DANIEL 9:14

Namar kata, U Trai u la ap ïa kata ka basniew, bad u la pynwan ïa ka halor jong ngi: namar U Trai U Blei jong ngi u long u bahok ha ki kam jong u baroh kiba u leh, bad ngi ngim shym la kohnguh ïa ka ktien jong u.

DANIEL 9:18

A U Blei jong nga, to pyndem la ka shkor, bad to sngew; to peit la ki khmat, bad to khmih ïa ka jinglong jot jong ngi, bad ïa kata ka nongbah ïa kaba la khot da ka kyrteng jong me: namar ym na ka bynta ki hok jong ngi, ba ngi pynmih ïa la ki jingkyrpad ha khmat jong me, hynrei, na ka bynta ki jingisynei kiba khraw jong me.

DANIEL 9:8

A Trai, ïa ngi ka long ka jinglehrain ka khmat, ïa ki syiem jong ngi, ïa ki rangbah jong ngi, bad ïa ki kpa jong ngi, namar ba ngi la leh pop ïa me.

AMOS 9:9

“Naba, ha khmih, ngan hukum, bad ngan kynruh ïa ka ïing Israel hapdeng ki jaid bynriew baroh, kumba kynruh ïa u Kew ha ka shalani, hynrei, iwei i barit eh i soh Kew in ym hap ha ka khyndew.

Ka Shithi U Paul Sha Ki Nong Rom 6:21

Te u soh aïu phi la ïoh kheit mynkata, na kita kiei kiei ruh ïa kiba phi sngewlehrain mynta? namar ka jingkut ka jong kita kiei kiei ruh, ka long ka jingïap keiñ.

DEUTERONOMI 32:4

“U Mawsiang, ka jingleh jong U ka bajanai; namar ki lynti jong U baroh ki long ka jingbishar: U Blei ka jingshisha bad khlem ka jingbymhok, u bahok bad uba beit u long.

DEUTERONOMI 4:27

Bad U Trai un pynsakma ïa phi hapdeng ki jaid bynriew, bad yn iehnoh ïa phi tang khyndiat briew hapdeng kita ki kynja bynriew, sha kiba U Trai un ïalam noh ïa phi.