DANIEL 9:5 - KA BAIBL

⁵ ngi la leh pop, bad ngi la leh mutlop, bad ngi la leh bymman, bad ngi la ïaleh pyrshah, da kaba phai noh na ki hukum jong me bad na ki jingbishar jong me:

Khasi CL Bible (BSI)

⁵ “Ngi la leh pop, ngi la long kiba sniew, ngi la leh bakla. Ngi la kyntait ïa kaei kaba me la hukum ïa ngi ban leh bad ngi la phai noh na kaei kaba me la pyn-i ha ngi ba ka long kaba dei.

DANIEL 9:5 ပူးပေါင်းရင်းမြစ်များ

2 SYIEM 18:12

namar kim shym kohnguh ïa ka ktien U Trai U Blei jong ki, hynrei, ki la ryngkang ïa ka jutang jong u, ïa kata baroh keiñ kaba u Moses u shakri U Trai u la hukum, bad kim treh ban sngap ïa ka, lymne ban leh ïa ka.

2 SYIEM 21:15

namar ba ki la leh ïa kata ka basniew ha khmat jong nga, bad ki la pankwah ïa nga ban bitar, naduh kata ka sngi ba ki kpa jong ki, ki la mih noh na ka ri Ijipt, haduh kane ka sngi keiñ.’ ”

ESRA 9:6

bad nga la ong, “A U Blei jong nga, nga sngewlehrain bad nga saw kyr-ang ban khmied la ka khmat sha me, U Blei jong nga: namar ki jingleh bymman jong ngi ki la man bun shaneng ka khlieh jong ngi, bad ka jingtei pop jong ngi ka la san haduh ki bneng.

SALM 106:6

Ngi la leh pop lem bad ki kpa jong ngi, ngi la leh bymman, ngi la leh sniew.

SALM 119:102

Ngam shym phai noh na ki jingbishar jong me; naba me la hikai ma me ïa nga.

SALM 119:176

Nga la sakma noh kum ka langbrot kaba la jah noh; to wad ïa la u shakri; naba ngam ju klet ïa ki hukum jong me.

SALM 18:21

Naba nga la rakhe ïa ki lynti jong U Trai, bad ngam shym kiar leh bymman na U Blei jong nga.

ISAÏAH 53:6

Ngi baroh kum ki langbrot ngi la sakma; ngi la phai noh uwei uwei sha la ka lynti; te U Trai u la buh halor jong u ïa ka jingbymhok jong ngi baroh.

ISAÏAH 59:13

kaba ryngkang bad kaba len ïa U Trai, bad kaba kynriah noh na kaba bud ïa U Blei jong ngi, kaba kren banbeiñ bad kaba ïaleh pyrshah, kaba pun bad kaba kren na ka dohnud ki ktien lamler.

ISAÏAH 64:4

Naba naduh mynhyndai ki briew kim shym la sngew, lymne ïohsngew da ka shkor, lymne ka khmat kam shym la ïohi ïa U Blei nalor jong me, uba trei na ka bynta uta uba ap kyrmen ïa u.

JEREMAÏAH 14:20

Ngi phla, A Trai, ïa la ka jingbymman, bad ïa ka jingleh bymhok ki kpa jong ngi: naba ngi la leh pop ïa me.

JEREMAÏAH 14:7

“La ki jingleh bymhok jong ngi ki sakhi pyrshah ïa ngi, to leh ma me na ka bynta ka kyrteng jong me, A Trai; namar ki jingkylla dien jong ngi ki la bun; ngi la leh pop ïa me.

JEREMAÏAH 3:25

To ïa ngin ïathiah noh ha ka jinglehrain jong ngi, bad to ai ba ka jingshaïong kan tap ïa ngi: naba ngi la leh pop ïa U Trai U Blei jong ngi, ma ngi bad ki kpa jong ngi, naduh ba ngi dang samla haduh kane ka sngi keiñ: bad ngim shym la kohnguh ïa ka ktien U Trai U Blei jong ngi.”

JEREMAÏAH 30:14

Kiba ieit ïa me baroh ki la klet noh ïa me; kim wad shuh ïa me: naba nga la pynmong ïa me da ka jingmong u nongshun, da ka jingsympat jong uba runar; namar ka bakhraw ka jingbymhok jong me, namar ki pop jong me ki la man bun.

JEREMAÏAH 44:3

na ka bynta ka jingleh bymman jong ki kaba ki la leh ban kynshuiñ ïa nga ban bitar, ha kaba ki la leit ban thang jingiwbih, bad ban shakri ïa kiwei pat ki blei, ïa kiba kim ithuh, lymne ma ki hi, lymne ma phi, lymne ki kpa jong phi ruh.

SNGEWSYNEI 1:18

“U Trai u long u bahok; naba nga la ïaleh pyrshah ïa ka hukum jong u: to sngew, nga kyrpad ïa phi, phi ki kynja bynriew baroh, bad to khmih ïa ka jingsngewsih jong nga: ki theisotti jong nga bad ki samla jong nga ki la leit long mraw.

SNGEWSYNEI 1:20

“Ha khmih, A Trai; naba nga don ha ka jingshipa; ki snier jong nga ki la khih; ka dohnud jong nga ka la kylla hapoh jong nga: naba nga la ïaleh pyrshah shibun eh: shabar, ka waitlam ka pynduh, ha ïing don kum ka jingïap.

SNGEWSYNEI 3:42

“Ngi la ryngkang bad ngi la ïaleh pyrshah; mem shym la map.

ESEKIEL 5:6

Bad ka la ïaleh pyrshah ïa ki jingbishar jong nga ha kaba leh ïa ka jingbymman, palat ïa kita ki jaid bynriew, bad pyrshah ïa ki hukum jong nga, palat ïa kita ki ri kiba sawdong ïa ka; naba ki la kyntait ïa ki jingbishar jong nga, bad shaphang ki hukum jong nga pat, kim shym ïaid ha ki.”

ESEKIEL 6:9

Bad kita kiba ïohlait na phi, kin kynmaw ïa nga hapdeng kita ki jaid bynriew sha kiba yn ring mraw ïa ki, kumno ba nga la ïapait lok bad ka dohnud baklim jong ki, kiba la khlad noh na nga, bad ki khmat jong ki ruh, kiba leit klim bad ki bleithaw jong ki: bad kin isih ïa lade ha la ka jingkhmih hi namar ki jingsniew kiba ki la leh ha ki jingijli jong ki baroh.

DANIEL 9:11

Shisha keiñ, ki Israel baroh ki la ryngkang ïa ka hukum jong me, da kaba phai noh, ba kin ym kohnguh ïa ka ktien jong me: namar kata, ïa kata ka jingtim, bad ïa kata ka jingsmai ïa kaba la thoh ha Ka Hukum u Moses u shakri u jong U Blei, la theh noh halor jong ngi; namar ba ngi la leh pop ïa u.

DANIEL 9:15

Te mynta, A Trai U Blei jong ngi, uba la wallam noh ïa la ki briew na ka ri Ijipt da ka kti badonbor, bad uba la pyndonnam ïa lade, kumba ha kane ka sngi; ngi la leh pop, ngi la leh bymman.

DANIEL 9:9

Ïa U Trai U Blei jong ngi ki dei ki jingisynei bad ki jingmap; namar ngi la ïaleh pyrshah ïa u;

HOSIA 1:2

Haba U Trai u la kren ha kaba nyngkong bad u Hosia, U Trai u la ong ha u Hosia, “Khie leit, shim ha me ka tnga ki jingklim bad ki khun ki jingklim: namar ka ri ka klim shibun eh, ka da iehnoh ïa U Trai.”

MALAKHI 3:7

Naduh ki sngi ki kpa jong phi, phi la phai noh na ki aiñ jong nga, bad phim shym sumar ïa ki. To phai pat sha nga, te nga ruh ngan phai pat sha phi,” ong Trai ki paid. “Hynrei, phi ong, ‘Ha kaba kumno ngin phai pat?’

HEBRU 3:12

To sumar, ko parabangeit, ïoh ba kumno re kumno kan don hano hano na phi ka dohnud basniew ka jingbymngeit, ha ka ban phai dien noh na U Blei ba-im.