DANIEL 9:4 - KA BAIBL

⁴ Bad nga la duwai ha U Trai U Blei jong nga, bad nga la phla, bad nga la ong, “A Trai, U Blei u bakhraw bad uba itieng, uba bat ïa ka jutang bad ïa ka jingisynei bad kita kiba ieit ïa u bad kiba sumar ïa ki hukum jong u;

Khasi CL Bible (BSI)

⁴ Nga la duwai ha U Trai U Blei jong nga bad nga la phla ïa ki pop jong ki briew jong nga. Nga la ong, “A Trai U Blei, me long uba khraw, bad ngi pyndonburom ïa me. Me long uba bat ïa la ka jutang bad me pyn-i ka jingieit baneh ïa kito kiba ieit ïa me bad leh ïa kaei kaba me hukum.

DANIEL 9:4 ပူးပေါင်းရင်းမြစ်များ

1 SYIEM 8:23

bad u la ong ruh, “A Trai, U Blei ki Israel, ym don Blei kum ma me, ha bneng sha jrong, lane ha ka khyndew shapoh; uba sumar ïa ka jutang bad ka jingisynei bad la ki shakri, kiba ïaid ha khmat jong me da ka dohnud jong ki baroh:

2 KHRONIKL 7:14

lada ki briew jong nga, ïa kiba la khot da ka kyrteng jong nga, kin pynrit ïa lade, bad kin duwai, bad kin wad ïa ka khmat jong nga, bad kin phai noh na ki lynti bymman jong ki; kumta te ngan sngew na bneng, bad ngan map ïa ki pop jong ki, bad ngan pynkhiah ïa ka ri jong ki.

ESRA 10:1

Te katba u Esra u duwai, bad u phla, da kaba ïam bad pyndem ngon ïa lade ha khmat ka ïing U Blei, la ïalum lang ha u na ki Israel u paidlang bakhraw eh ki shynrang bad ki kynthei bad ki khynnah: namar u paidlang u la ïam shikatdei eh.

NEHEMAÏAH 1:5

bad nga la ong, “Nga kyrpad ïa me, A Trai, U Blei ka bneng, U Blei u bakhraw bad ba-itieng, uba sumar ïa ka jutang bad ïa ka jingisynei bad kita kiba ieit ïa u bad kiba sumar ïa ki hukum jong u:

NEHEMAÏAH 9:32

“Mynta, namar kata, U Blei jong ngi, uba khraw, uba don bor, bad uba itieng, uba sumar ïa ka jutang bad ïa ka jingisynei, wat ai ba kane ka jingshitom baroh kan i rit ha khmat jong me, kaba la jia ïa ngi, ïa ki syiem jong ngi, ïa ki rangbah jong ngi, bad ïa ki lyngdoh jong ngi, bad ïa ki nongïathuhlypa jong ngi, bad ïa ki kpa jong ngi, bad u paidbah jong me baroh, naduh ki sngi ki syiem ka Assyria haduh kane ka sngi.

SALM 32:5

Nga la phla ïa la ka pop ha me, bad ïa la ka jingbymhok ngam shym buhrieh: nga la ong, “Ngan phla ïa la ki jingpalat ha U Trai;” te me la map ïa ka jingbymhok ka pop jong nga. Selah.

EKSODOS 20:6

bad uba leh isynei ïa ki hajar, kiba ieit ïa nga bad kiba sumar ruh ïa ki hukum jong nga.

JEREMAÏAH 3:13

To tang shu phla ïa la ka jingleh bymhok, ba pha la leh palat ïa U Trai U Blei jong pha, bad pha la pynsakma ïa la ki lynti ha ki nongwei hapoh u dieng bajyrngam baroh, bad pham shym la kohnguh ïa ka ktien jong nga,’ ong U Trai.

JEREMAÏAH 32:23

te ki la wan, bad ki la ïoh ïa ka; hynrei, kim shym la kohnguh ïa ka ktien jong me, lymne ïaid ha ka hukum jong me; kim shym la leh ei ei na kata baroh ba me la hukum ïa ki ban leh: namar kata, me la pynwan ha ki ïa kane baroh ka jingsniew:

DANIEL 6:10

Te haba u Daniel u la tip ba la soi ïa kata ka jingthoh, u la leit sha la ïing; (te ki jingkhang ïit jong u ki la plie rynghang ha ka pulit jong u shaphang Jerusalem;) bad u la dem la ki khohsiew lai sien shi sngi, bad u la duwai, bad u la ainguh ha khmat U Blei jong u, kumba u la ju leh mynshuwa.

DANIEL 9:3

Bad nga la phai la ka khmat sha U Trai U Blei, ban wad da ka jingduwai bad ki jingkyrpad, lem bad kaba shah jingit, bad ka jaiñ byrni, bad ka dpei.

LOUKAS 1:72

ban pyni ka jingisynei ïa ki kpa jong ngi, bad ban kynmaw ïa ka jutang bakhuid jong U;

Ka Shithi U Paul Sha Ki Nong Rom 8:28

Bad ngi ïatip ruh ba kiei kiei baroh ki ïatrei lem ïa ka ban pynbha ïa kita kiba ieit ïa U Blei, ïa kita keiñ ïa kiba la khot katba kum ka jingthmu jong u.

DEUTERONOMI 5:10

uba leh isynei ruh ïa ki hajar jong kiba ieit ïa nga, bad ba sumar ïa ki hukum jong nga.

DEUTERONOMI 7:12

“Kan long te, naba phi shahshkor ïa kine ki jingbishar, bad phi sumar, bad leh ruh ïa ki, ba U Trai uba U Blei jong me un pynskhem bad me ïa kata ka jutang, bad ïa kata ka jingisynei, ïa kiba u la smai ha ki kpa jong me:

DEUTERONOMI 7:21

Me wat sheptieng ïa ki: namar U Trai uba U Blei jong me u don hapdeng jong phi, U Blei u Badonbor, bad uba itieng.

DEUTERONOMI 7:9

To tip, namar kata, ba U Trai uba U Blei jong me, ma u, uba long U Blei; U Blei uba ïaineh keiñ, uba ïaisumar ïa ka jutang, bad ïa ka jingisynei, bad kita kiba ieit ïa u, bad kiba sumar ïa ki hukum jong u haduh shi hajar ki pateng bynriew;

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?