DANIEL 9:3 - KA BAIBL

³ Bad nga la phai la ka khmat sha U Trai U Blei, ban wad da ka jingduwai bad ki jingkyrpad, lem bad kaba shah jingit, bad ka jaiñ byrni, bad ka dpei.

Khasi CL Bible (BSI)

³ Bad nga la duwai jur ha U Trai U Blei, da kaba ïasaid bad u, da kaba shahjingit, da kaba phong ki jaiñ khain, bad da kaba shong ha u dpei.

DANIEL 9:3 ပူးပေါင်းရင်းမြစ်များ

2 SAMUEL 12:16

U Dabid, namar kata, u la kyrpad ïa U Blei na ka bynta ita i khynnah; bad u Dabid u la shah jingit, bad u la leit, bad u la thiah ha khyndew baroh shi miet.

ESRA 10:6

Ynda kumta, u Esra u la ïeng na sha khmat ka ïing U Blei, bad u la leit bsut ha ka kamra u Jehohanan u khun u Eliashib; bad haba u la poi hangta, um shym la bam kpu, lymne dih um: naba u la ïam namar ka jingpalat jong kita kiba na ka jingpynwir.

ESRA 8:21

Ynda kumta, nga la pynbna ïa ka jingshah jingit hangta, harud kata ka wah Ahaba, ba ngin pynrit ïa lade ha khmat U Blei jong ngi, ban wad na u ïa ka lynti ba-beit, ïa lade, bad ïa ki khun jong ngi, bad ïa ka spah jong ngi baroh.

ESRA 9:5

Bad ha ka jingkñia la janmiet nga la ïeng joit na la ka jingshah jingit, ba la kad noh la ka jaiñkup bad la ka jingphong; bad nga la hap dem ha la ki khohsiew, bad nga la pyiar noh ïa la ki kti ha U Trai U Blei jong nga;

NEHEMAÏAH 9:1

Bad ha ka ba-arphew saw sngi na une u bnai, ki khun Israel ki la ïalang da kaba shah jingit, bad kup jaiñ byrni, bad ki da ïasleh khyndew de.

ESTHER 4:16

“Khie leit, ïalum lang ïa ki Jiw baroh kiba don ha Shushan, bad to ïashah jingit na ka bynta jong nga, bad wat bam lymne dih, lai sngi, mynmiet lane mynsngi: nga ruh bad ki 'thei samla jong nga ngin ïashah jingit kumjuh; bad kumta, ngan leit shapoh sha u syiem, ka bymlong katba kum ka aiñ: bad lada ngan ïap, ai ngan ïap.”

Ka Kitab U Job 42:6

namar kata, nga isih ïa lade, bad nga kylla-ka-bamut ha ka 'dewmet bad ka dpei.”

SALM 35:13

Hynrei, nga, mynba ki pang, ka jaiñkup jong nga ka la long da ka jaiñ khain: nga la pynshitom ïa la ka mynsiem da ka jingshah jingit; bad ka jingduwai jong nga ka wan phai noh sha la ka jong ka shadem.

ISAÏAH 22:12

Ha kata ka sngi ruh, U Trai, U Trai ki paid, u la khot ïa ka ban ïam, bad ïa ka ban ïam sngewsih, bad ïa ka ban pynlyndum khlieh, bad ïa ka ban panpoh jaiñ byrni:

JEREMAÏAH 33:3

‘To khot ïa nga, te ngan phai ktien ïa me, bad ngan pyni ruh ha me ïa kiei kiei ki bakhraw, bad kiba eh, ïa kiba mem tip.’

ESEKIEL 36:37

Kumne u ong U Trai U Blei: “Nalor kane putet yn kylli ïa nga da ka ïing Israel, ba ngan leh ïa kata ïa ki: ngan pynroi ïa ki da ki briew kum ka kynhun.

DANIEL 6:10

Te haba u Daniel u la tip ba la soi ïa kata ka jingthoh, u la leit sha la ïing; (te ki jingkhang ïit jong u ki la plie rynghang ha ka pulit jong u shaphang Jerusalem;) bad u la dem la ki khohsiew lai sien shi sngi, bad u la duwai, bad u la ainguh ha khmat U Blei jong u, kumba u la ju leh mynshuwa.

DANIEL 9:2

ha ka snem ka banyngkong ka jingsynshar jong u, nga, u Daniel, nga la sngewthuh na ki kitab ïa ka jingkheiñ jong kita ki snem, kiba shaphang jong ki, ka ktien U Trai ka la wan ha u Jeremaïah u nongïathuhlypa, ba un pyndep ïa kita ki hynñiewphew snem ka jinglong jot jong ka Jerusalem.

DANIEL 9:20

Te katba nga la dang kren, bad duwai, bad phla ïa la ka pop bad ïa ka pop ki briew jong nga ki Israel, bad dang pynmih noh ïa la ka jingkyrpad ha khmat U Trai U Blei jong nga na ka bynta uta u lum bakyntang U Blei jong nga;

DANIEL 9:4

Bad nga la duwai ha U Trai U Blei jong nga, bad nga la phla, bad nga la ong, “A Trai, U Blei u bakhraw bad uba itieng, uba bat ïa ka jutang bad ïa ka jingisynei bad kita kiba ieit ïa u bad kiba sumar ïa ki hukum jong u;

JOEL 1:13

“To panpoh ïa lade da ki jaiñ byrni, bad to ïam sngewsih, phi ki lyngdoh; to lynñiar, phi ki shakri ka duwan; ale, to thiah baroh shi miet ha ka jaiñ byrni, phi ki shakri U Blei jong nga; naba ïa ka jingainguh bam bad ka jingainguh dih la bat noh na ka ïing U Blei jong phi.

JOEL 2:12

“La kumta ruh wat mynta hi,” ong U Trai, “to phai ha nga da la ka dohnud baroh, bad da ka jingshah jingit, bad da kaba ïam, bad kaba ïam sngewsih:

JONAH 3:5

Te ki nong Ninebeh ki la ngeit ïa U Blei; bad ki la pynbna ïa ka jingshah jingit, bad ki la phong da ki jaiñ byrni, naduh uba khraw tam jong ki haduh uba rit tam jong ki.

MATHAÏOS 17:21

Hynrei, u kynja une um ju mih noh, hynrei, tang da ka jingduwai bad kaba shah jingit.”

LOUKAS 2:37

Bad ka la sah riewkynthei jin phraphew saw snem), ka bym ju mih shuh na ka templ, hynrei da ki jingshah jingit bad ki jingduwai, ka da shakri ïa U Blei synñia sngi.

KI KAM 10:30

U Kornilios te u la ong, “Mynta la saw sngi haduh kane ka por, haba nga dang duwai ïa ka jingduwai kaba khyndai baje ha ka ïing jong nga, ha khmih, uwei u briew u la ïeng ha khmat jong nga ha ka jaiñkup baphyrnai,