DANIEL 9:20 - KA BAIBL

²⁰ Te katba nga la dang kren, bad duwai, bad phla ïa la ka pop bad ïa ka pop ki briew jong nga ki Israel, bad dang pynmih noh ïa la ka jingkyrpad ha khmat U Trai U Blei jong nga na ka bynta uta u lum bakyntang U Blei jong nga;

Khasi CL Bible (BSI)

²⁰ Nga la bteng ban duwai, da kaba phla ïa ki pop jong nga bad ïa ki pop jong ki briew jong nga ki Israel, bad da kaba ïasaid bad U Trai U Blei jong nga ban pynbha pat ïa ka Templ bakhuid jong u,

DANIEL 9:20 ပူးပေါင်းရင်းမြစ်များ

ESRA 10:1

Te katba u Esra u duwai, bad u phla, da kaba ïam bad pyndem ngon ïa lade ha khmat ka ïing U Blei, la ïalum lang ha u na ki Israel u paidlang bakhraw eh ki shynrang bad ki kynthei bad ki khynnah: namar u paidlang u la ïam shikatdei eh.

NEHEMAÏAH 1:6

ai ba ka shkor jong me kan shah mynta, bad ba ki khmat jong me kin peit, ba men sngap ïa ka jingduwai u shakri jong me, ïa kaba nga duwai ha khmat jong me ha kane ka por, mynsngi bad mynmiet, na ka bynta ki khun Israel ki shakri jong me, katba nga phla ïa ki pop ki khun Israel, ïa kiba ngi la leh pop ïa me: shisha, ma nga bad ka ïing u kpa jong nga ngi la leh pop.

SALM 145:18

U Trai u long hajan kita baroh kiba khot kyrpad ha u, kita baroh keiñ kiba khot kyrpad ïa u ha kaba shisha.

SALM 32:5

Nga la phla ïa la ka pop ha me, bad ïa la ka jingbymhok ngam shym buhrieh: nga la ong, “Ngan phla ïa la ki jingpalat ha U Trai;” te me la map ïa ka jingbymhok ka pop jong nga. Selah.

EKLESIASTIS 7:20

Da shisha, ym don u riewhok ha ka khyndew, uba leh bha, bad u bymleh pop.

ISAÏAH 56:7

ïa ki ngan wallam keiñ sha u lum bakyntang jong nga, bad ngan pynkmen ïa ki ha ka ïing jingduwai jong nga; ïa ki jingainguh thang jong ki bad ïa ki jingkñia jong ki yn pdiang hun ha ka duwan jong nga: namar ïa ka ïing jong nga yn khot ‘ka ïing jingduwai ïa ki kynja bynriew baroh.’ ”

ISAÏAH 58:9

Ynda kumta, men khot, bad U Trai un sngew; men kyrpad, u te un ong, ‘Nga hangne’. “Lada men shim noh napdeng jong me ïa ka lyngkor, ïa kaba kdew noh ïa ka shynriah'ti, bad ïa kaba kren sniew;

ISAÏAH 6:5

Te nga la ong, “Kordit ïa nga! namar nga la ïap; namar nga u briew u batngit ki rmiang shyntur, bad nga shong hapdeng u paidlang ba tngit ki rmiang shyntur: naba ki khmat jong nga ki la ïohi ïa U Syiem, U Trai ki paid.”

ISAÏAH 65:24

Te kan jia ruh haba kim pat khot kyrpad, ngan phai ktien; bad katba ki dang kren, ngan sngew.

DANIEL 10:12

Ynda kumta, u la ong ha nga, “To wat sheptieng, ko Daniel; namar naduh kata ka sngi ka banyngkong ha kaba me la buh ïa la ka dohnud ban sngewthuh, bad ban pyndem ïa lade ha khmat U Blei jong me, la sngew ïa ki ktien jong me: bad na ka bynta ki ktien jong me nga la wan.

DANIEL 10:2

Ha kita ki sngi, nga, u Daniel, nga la khuslai jin lai taïew.

DANIEL 11:45

Bad un sher ïa ki dara ka ïing jong u hapdeng ka duriaw bad uta u lum bakyntang ba-donburom; pynban, un poi sha ka bakut jong u, bad yn ym don ban ïarap ïa u.

DANIEL 9:16

A Trai, nga kyrpad ïa me, katba kum ka jinglehhok jong me baroh, to ka jingbitar jong me bad ka jingotshla jong me kin phai noh na ka nongbah jong me ka Jerusalem, u lum u bakyntang jong me: namar na ka bynta ki pop jong ngi, bad na ka bynta ki jingleh bymhok ki kpa jong ngi, ka Jerusalem bad ki briew jong me ki la long ka jingibeiñ ha baroh kiba kylleng sawdong ïa ngi.

SEKHARAÏAH 8:3

Kumne u ong U Trai: “Nga la wan phai sha ka Seïon, bad ngan shong sah hapdeng ka Jerusalem: bad ïa ka Jerusalem yn khot ‘Ka nongbah ka jingshisha’; bad ïa u lum U Trai ki paid, ‘U lum u bakhuid.’ ”

KI KAM 4:31

Ynda ki la lah duwai te, la pynkhynñiuh ïa kata ka jaka ha kaba ki la ïaseng, bad la pyndap ïa ki baroh da U Mynsiem Bakhuid, bad ki la kren ïa ka ktien U Blei da ka jingsngewshlur.

Ka Shithi U Paul Sha Ki Nong Rom 3:23

namar baroh ki la leh pop, bad ki la duh lehnohei ïa ka burom ka jong U Blei;

JAKOB 3:2

Namar ha bun kiei kiei ngi jynthut baroh. Lada uno uno ruh um jynthut ha ka ktien, une u long u briew bajanai, uba lah ban synshar ïa ka met ruh baroh kawei.

JINGPYNPAW 21:10

Te u la rah noh ïa nga ha U Mynsiem shalor u lum bakhraw bad bajrong, bad u la kdew ha nga ïa kata ka nongbah ka bakhuid, ka Jerusalem keiñ, ba ka wan hiar na bneng na U Blei,

JINGPYNPAW 21:2

Bad nga la ïohi ïa ka nongbah ka bakhuid, ka Jerusalem bathymmai, ba ka da wan hiar na U Blei na bneng, ïa kaba la khreh kum ka nongleit-kurim ïa kaba la pynibha khnang ïa u tnga jong ka.