DANIEL 9:16 - KA BAIBL

¹⁶ A Trai, nga kyrpad ïa me, katba kum ka jinglehhok jong me baroh, to ka jingbitar jong me bad ka jingotshla jong me kin phai noh na ka nongbah jong me ka Jerusalem, u lum u bakyntang jong me: namar na ka bynta ki pop jong ngi, bad na ka bynta ki jingleh bymhok ki kpa jong ngi, ka Jerusalem bad ki briew jong me ki la long ka jingibeiñ ha baroh kiba kylleng sawdong ïa ngi.

Khasi CL Bible (BSI)

¹⁶ Me la ïada ïa ngi ha kaba mynshuwa, kumta te to wat bitar shuh ïa ka Jerusalem. Ka long ka nongbah jong me, u lum bakyntang jong me. Baroh ki briew ha ki ri ba-marjan ki khmih beiñ ïa ka Jerusalem bad ïa ki briew jong me namar ki pop jong ngi bad ka jingbymman ba ki kpa tymmen jong ngi ki la leh.

DANIEL 9:16 ပူးပေါင်းရင်းမြစ်များ

NEHEMAÏAH 9:8

bad me la shem ïa ka dohnud jong u kaba ïaineh ha khmat jong me, bad me la thaw jutang bad u, ban ai ka ri ki Kanaan, ki Hit, ki Amor, ki Peris, ki Jebus, ki Girgash, ban ai keiñ ha u symbai jong u, bad me la pyndep ïa la ki ktien; namar me long u bahok.

SALM 143:1

A Trai, to sngew ïa ka jingduwai jong nga; to shahshkor ïa ki jingkyrpad jong nga: to sngew ïa nga ha la ka jingshisha, bad ha la ka hok.

SALM 31:1

Ha me, A Trai, nga shaniah; wat ai ban pynlehrain ïa nga lano lano ruh: to pyllait ïa nga ha ka hok jong me.

SALM 41:13

Long ba la kyrkhu ïa U Trai, U Blei ki Israel, naduh bymjukut haduh bymjukut, Amen, bad Amen.

SALM 71:2

To pyllait ïa nga ha ka hok jong me, bad to pyllait im ïa nga: to pyndem ïa la ka shkor sha nga, bad to pynim ïa nga.

SALM 79:4

Ngi la kylla long ka jingkrenbeiñ ïa la ki paramarjan, ka jingibeiñ bad ka jingrkhiebeiñ ïa kita kiba baroh sawdong ïa ngi.

SALM 85:4

To pynphai ïa ngi, A U Blei ka jingpynim jong ngi, bad to pynduh ïa la ka jingbitar ïa ngi.

SALM 89:51

da kaba ki nongshun jong me ki la krenbeiñ, A Trai, da kaba ki la krenbeiñ ïa ki jingjam jong uba la sleh jong me.

EKSODOS 20:5

men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

ISAÏAH 5:25

Namar kata, ka jingbitar U Trai ka la meh ïa u paidlang jong u, bad u la rah ïa la ka kti pyrshah ïa ki, bad u la shoh ïa ki, te ki lum ki la khynñiuh, bad ki metïap jong ki, ki la long kum ka synrum hapdeng ki lynti shnong. La katta ka jingbitar jong u kam shym la phai noh, hynrei, ka kti jong u ka shu dang kner.

JEREMAÏAH 24:9

Ngan ai noh keiñ ïa ka ban pynpashat ïa ki shane shatai hapdeng ki hima baroh jong ka khyndew ïa ka ban sniew; ban long ka jingrkhiebeiñ bad ka proberb, ka jingkynshi bad ka jingtim, ha ki jaka baroh sha kiba ngan beh ïa ki.

JEREMAÏAH 29:18

Bad ngan beh nadien jong ki da ka waitlam, da ka 'nemsniew, bad da ka jingïapkhlam, bad ngan ai noh ïa ka ban pynpashat ïa ki shane shatai hapdeng ki hima baroh jong ka khyndew, ban long ka jingtim, bad ka jinglyngngoh, bad ka jingkynshi, bad ka jingibeiñ hapdeng ki jaid bynriew baroh sha kiba nga la beh noh ïa ki:

JEREMAÏAH 32:31

“Namar kane ka nongbah ka la long ha nga ka jingpankwah ban bitar bad ban bitar shla naduh ka sngi ba ki la tei ïa ka haduh kane ka sngi keiñ; ba nga dei ban weng noh ïa ka na khmat jong nga:

JEREMAÏAH 32:32

namar baroh kata ka jingsniew ki khun Israel bad jong ki khun Judah, ïa kaba ki la leh ban pankwah ïa nga ban bitar, ma ki, ki syiem jong ki, ki rangbah jong ki, ki lyngdoh jong ki, bad ki nongïathuhlypa jong ki, bad ki rangbah Judah, bad kiba shong ha Jerusalem.

ESEKIEL 22:4

Pha la kit pop ha la ka snam kaba pha la pynmih, bad pha la tngit ha la ki bleithaw kiba pha la thaw; bad pha la pynwan hajan ïa ki sngi jong pha, bad pha la wan haduh ki snem jong pha hi: namar kata, nga la pynlong ïa pha ka jingkrenbeiñ ha ki jaid bynriew, bad ka jingrkhiebeiñ ha ki ri baroh.

ESEKIEL 5:14

Nalor kata ruh, ngan pynlong ïa pha ka jingkynjah, bad ka jinglehrain hapdeng kita ki jaid bynriew kiba sawdong ïa pha, ha khmat kita baroh kiba ïaid sha jan.

DANIEL 11:45

Bad un sher ïa ki dara ka ïing jong u hapdeng ka duriaw bad uta u lum bakyntang ba-donburom; pynban, un poi sha ka bakut jong u, bad yn ym don ban ïarap ïa u.

DANIEL 9:20

Te katba nga la dang kren, bad duwai, bad phla ïa la ka pop bad ïa ka pop ki briew jong nga ki Israel, bad dang pynmih noh ïa la ka jingkyrpad ha khmat U Trai U Blei jong nga na ka bynta uta u lum bakyntang U Blei jong nga;

JOEL 3:17

“Kumta phin ïoh tip ba nga long U Trai U Blei jong phi, uba shong sah ha Seïon u lum bakyntang jong nga: ynda kumta, ka Jerusalem kan long ka bakyntang, bad yn ym don ki nongwei ki ban ïaid ïa ka shuh.

SEKHARAÏAH 8:3

Kumne u ong U Trai: “Nga la wan phai sha ka Seïon, bad ngan shong sah hapdeng ka Jerusalem: bad ïa ka Jerusalem yn khot ‘Ka nongbah ka jingshisha’; bad ïa u lum U Trai ki paid, ‘U lum u bakhuid.’ ”

2 THESSALONI 1:6

lada long kumta, ba ka long kaba hok bad U Blei ban siew kylliang ïa ka jingjynjar ha kita kiba pynjynjar ïa phi;

1 ÏOANNIS 1:9

Lada ngi phla ïa ki pop jong ngi, u long uba ïaineh bad u bahok, ban map noh ïa kita ki pop jong ngi bad ban pynkhuid ïa ngi na ka bymhok baroh.

1 SAMUEL 2:7

U Trai uba pynshipa, bad uba pynriewspah: ma u, uba pyndem, bad uba pynkyntiew.