DANIEL 9:13 - KA BAIBL

¹³ Kumba la thoh ha Ka Hukum u Moses, kane ka jingsniew baroh ka la wan halor jong ngi: pynban, ngim pat shym kyrpad ïa ka jingisynei U Trai U Blei jong ngi, ba ngin phai noh na la ki jingleh bymhok, bad ban ïoh ka jingshemphang ha ka jingshisha jong me.

Khasi CL Bible (BSI)

¹³ da kaba ai ha ngi ïa baroh ki jingpynshitom kiba la batai ha ka Aiñ jong u Moses. Hynrei wat mynta, A Trai U Blei jong ngi, ngim shym la pyrshang ban pynsngewbha ïa me da kaba phai noh na ki pop jong ngi lane da kaba bud ïa ka jingshisha jong me.

DANIEL 9:13 ပူးပေါင်းရင်းမြစ်များ

2 SYIEM 22:16

Kumne ong U Trai, ‘Ha khmih, ngan wallam ïa ka basniew halor kane ka jaka, bad halor ki nongshong jong ka, baroh ki ktien jong Ka Kitab keiñ kaba u syiem ka Judah u la pule:

Ka Kitab U Job 36:13

“Hynrei, kita kiba khlem blei ha la ka dohnud, ki kynshew ïa ka jingbitar: kim kyrpad ïa ka jingïarap haba u khum ïa ki.

SALM 119:18

To pynpeit ïa ki khmat jong nga, ba ngan ïohi ïa kiei kiei kiba phylla na ka aiñ jong me.

SALM 119:27

To pynsngewthuh ïa nga ha ka lynti ki hukum jong me: kumta, ngan ïoh pyrkhat ïa ki kam phylla jong me.

SALM 119:73

Ki kti jong me ki la thaw ïa nga bad ki la pynlong dur ïa nga: to pynshemphang ïa nga ba ngan dup nang ïa ki hukum jong me.

SALM 85:4

To pynphai ïa ngi, A U Blei ka jingpynim jong ngi, bad to pynduh ïa la ka jingbitar ïa ngi.

ISAÏAH 31:1

Kordit ïa kita kiba leit hiar sha Ijipt ban ïoh jingïarap, bad kiba shaniah ha ki kulai; kiba shaniah ruh ha ki kali ïapom, namar ba ki bun, bad ha ki nongshong kulai, namar ba ki khlaiñ eh; hynrei, kim khmih sha uta U Bakhuid ki Israel, lymne wad ïa U Trai.

ISAÏAH 42:9

Ha khmih, kiei kiei kiba mynshuwa ki la wan jia, bad ïa kiei kiei bathymmai nga pynbna: haba kim pat mih nga ïathuh ha phi shaphang jong ki.”

ISAÏAH 43:22

“Pynban, mem shym la khot kyrpad ïa nga, ko Jakob; hynrei, me la btai ïa nga, ko Israel.

ISAÏAH 64:6

Naba ngi baroh ngi la kylla long kum u bymkhuid, bad ki hok jong ngi baroh ki long kum ka jaiñ ba bit-tngit: ngi ïapstai noh baroh kum ka sla; te ki jingbymhok jong ngi, kum ka lyer, ki la rong noh ïa ngi.

ISAÏAH 64:7

Ym don ruh uba khot kyrpad ïa ka kyrteng jong me, uba pynkhih ïa lade ban bat ïa me: namar me la buhrieh ïa la ka khmat na ngi, me la pynbam duh ïa ngi ruh da ki jingbymhok jong ngi.

ISAÏAH 9:13

Pynban, une u paidlang um shym phai sha uta uba shoh ïa ki, lymne kim shym wad ïa U Trai ki paid.

JEREMAÏAH 2:30

“Nga la sympat lehnohei ïa ki khun jong phi; kim shym la pdiang ïa ka jingsneng: ka waitlam jong phi hi ka la bam duh ïa ki nongïathuhlypa jong phi, kum u sing u bapynjot.

JEREMAÏAH 30:14

Kiba ieit ïa me baroh ki la klet noh ïa me; kim wad shuh ïa me: naba nga la pynmong ïa me da ka jingmong u nongshun, da ka jingsympat jong uba runar; namar ka bakhraw ka jingbymhok jong me, namar ki pop jong me ki la man bun.

JEREMAÏAH 31:18

Shisha nga la ïohsngew ïa u Ephraim ba u da ud ïa lade kumne, ‘Me la sympat ïa nga, bad nga la ïoh jingsympat, kum i khun masi i bym pat mlien ïa ka lyngkor: to pynphai ma me ïa nga, te yn sa pynphai ïa nga; naba me long U Trai U Blei jong nga.

JEREMAÏAH 44:23

Namar phi la thang ka jingiwbih, bad namar phi la leh pop ïa U Trai, bad phim shym la kohnguh ïa ka ktien U Trai, lymne ïaid ha ka hukum jong u, lymne ha ki aiñ jong u, lymne ha ki jingphla jong u; namar kata, kane ka jingsniew ka la jia ha phi, kumba ka long ha kane ka sngi.”

JEREMAÏAH 44:27

Ha khmih, nga ap khmih ïa ki, ïa ka ban sniew, te ym ïa ka ban bha: bad ïa ki briew jong ka Judah baroh kiba don ha ka ri Ijipt yn pynduh noh da ka waitlam bad da ka 'nemsniew, haduh ba kin da duh khoit.

JEREMAÏAH 5:3

A Trai, ki khmat jong me kim khmih ha ka jingshisha? Me la shoh ïa ki, hynrei, kim shym la sngewsih; me la bam duh ïa ki, hynrei, kim treh ban pdiang ïa ka jingsneng: ki la pynlong ïa ki khmat jong ki kham eh ban ïa u mawsiang; kim treh ban wan phai pat.

SNGEWSYNEI 5:21

To pynphai ma me ïa ngi sha me, A Trai, te yn pynphai ïa ngi; to pynthymmai ïa ki sngi jong ngi kumba mynbarim.

ESEKIEL 16:43

Namar pham shym la kynmaw ïa ki sngi ka jinglong khynnah jong pha, hynrei, pha la pynsngewsih ïa nga ha kine kiei kiei baroh; namar kata, ha khmih, nga ruh ngan wallam ïa ka lynti jong pha halor ka khlieh jong pha hi,’ ong U Trai U Blei: ‘bad phan ym leh ïa kane ka jingawria nalor ki jingijli jong pha baroh.

DANIEL 9:11

Shisha keiñ, ki Israel baroh ki la ryngkang ïa ka hukum jong me, da kaba phai noh, ba kin ym kohnguh ïa ka ktien jong me: namar kata, ïa kata ka jingtim, bad ïa kata ka jingsmai ïa kaba la thoh ha Ka Hukum u Moses u shakri u jong U Blei, la theh noh halor jong ngi; namar ba ngi la leh pop ïa u.

HOSIA 7:10

Bad ka jingsarong u Israel ka phla ha ka khmat jong u: pynban, kim shym la phai sha U Trai U Blei jong ki, lymne wad ïa u, ha kane baroh.

HOSIA 7:14

“Kim shym la kyang ruh ha nga da la ka dohnud, hynrei, ki lynñiar halor la ki jingthiah: ki la ïaseng hi na ka bynta u Kew bad ka Waiñ, ki ïaleh pyrshah ïa nga.

HOSIA 7:7

Ki baroh ki shit kum ka pajwa, bad ki bam duh ïa ki nongbishar jong ki; ki syiem jong ki baroh ki la kyllon: ym don uwei hapdeng jong ki uba khot kyrpad ïa nga.

LOUKAS 24:45

Ynda kumta, u la plie wang ïa ka jingmut jong ki, ïa ka ban shemphang ïa kita Ki Jingthoh.

ÏOANNIS 10:35

Lada u la khot ki blei ïa kita ha kiba la wan ka ktien jong U Blei (kata Ka Jingthoh ruh ka bym lah ban pyndam noh),

ÏOANNIS 6:45

La thoh ha Ki Nongïathuhlypa: ‘Baroh ruh kin ïalong ïa kiba la ïoh hikai na U Blei.’ U briew baroh uba la ïohsngew na U Kpa, bad uba la ïoh nang, u wan ha nga.

ÏOANNIS 8:32

bad phin ïoh ithuh ïa kata ka jingshisha, bad kata ka jingshisha kan pyllait noh ïa phi.”

EPHESOS 4:21

lada shisha phi la sngewthuh ïa u, bad ba la hikai ïa phi ha u, kat kumba ka jingshisha ka long ha U Jisu:

DEUTERONOMI 29:4

pleng U Trai um shym la ai ha phi ka dohnud ban shemphang, bad ïa ki khmat ban ïohi, bad ïa ki shkor ban ïohsngew, naduh kane ka sngi.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.