DANIEL 8:5 - KA BAIBL

⁵ Bad katba nga dang pyrkhat, ha khmih, u 'lang sohmoh u la wan na sepngi halor ka khmat ka khyndew baroh, bad um shym kynduh ha ka khyndew: bad uta u 'lang sohmoh u la don ka reng kaba phylla hapdeng ki khmat jong u.

Khasi CL Bible (BSI)

⁵ Katba nga dang lyngngoh aïu kane ka mut, u 'langsohmoh u la wan mareh na shaphang sepngi, u da mareh stet eh ba ki kjat jong u kim shym kynduh khyndew. U la don tang kawei ka reng hapdeng ki khmat jong u.

DANIEL 8:5 ပူးပေါင်းရင်းမြစ်များ

DANIEL 11:3

Te uwei u syiem uba don bor un mih, u ban synshar da ka jingsynshar bakhraw, bad u ban leh katba u mon.

DANIEL 2:32

Shaphang kane ka durblei, ka khlieh jong ka, ka la long da ka ksiar banylla, ka shadem bad ki ksang'ti jong ka, da ka rupa, ka kpoh bad ki lbong jong ka, da ka rnong,

DANIEL 2:39

Te hadien jong me, kan mih sa kawei pat ka hima kaba kham poh ïa me; bad sa kawei pat, ka balai ka hima da ka rnong, ka ban synshar halor ka khyndew baroh.

DANIEL 7:6

Hadien kane, nga la khmih, bad ha khmih, sa uwei pat kum u 'labasa, uba la don saw tylli ki thapniang sim ha ka ingdong jong u; uta u mrad u la don saw tylli ki khlieh ruh; bad ïa ka jingsynshar la ai ha u.

DANIEL 8:21

Bad uta u 'lang sohmoh uba runar u long u syiem ka Gris: bad kata ka reng bakhraw kaba hapdeng ki khmat jong u, ka long u syiem u banyngkong.

DANIEL 8:6

Bad u la wan ha uta u langbrot uba la don ar tylli ki reng, ïa uba nga la ïohi ba u da ïeng ha shuwa kata ka wah, bad u la kynrup ïa u ha ka jingbitar bah ka bor jong u.

DANIEL 8:8

Bad uta u 'lang sohmoh u la pynkhraw ïa lade shikatdei eh: te haba u la khlaiñ, ïa kata ka reng bakhraw la pynkheiñ noh; bad ha ka jaka jong ka, ki la mih saw tylli ki reng kiba phylla sha ki saw lyer bneng.