DANIEL 8:4 - KA BAIBL

⁴ Nga la ïohi ïa uta u langbrot ba u da tur shaphang sepngi, bad shaphang shatei, bad shaphang shathie; bad ym shym don u mrad uba lah ban ïeng ha khmat jong u, lymne ym shym don uba lah ban pyllait na ka kti jong u; hynrei, u la leh katba kum ka mon jong u, bad u la pynkhraw ïa lade.

Khasi CL Bible (BSI)

⁴ Nga la khmih ïa u langbrot ba u tynrah da ki reng jong u sha sepngi, shatei, bad shathie. Ym don uno uno u mrad uba lah ban pynsangeh ïa u lane lait phet na ka bor jong u. U la leh katba u sngewbha bad u la nang sngewmeng.

DANIEL 8:4 ပူးပေါင်းရင်းမြစ်များ

1 SYIEM 22:11

Te u Sedekaïah u khun u Khenaanah u la thaw ïa lade ki reng nar, bad u la ong, “Kumne ong U Trai, ‘Da kine ki reng men tur ïa ki Syria, ha ban da kin duh khoit.’ ”

Ka Kitab U Job 10:7

la me tip ruh ba ngam long bymman; bad ym don uba lah ban pyllait na ka kti jong me?

SALM 44:5

Da me ngin khynñiat noh ïa ki nongïaleh pyrshah jong ngi: da ka kyrteng jong me ngin ïuh roit ïa kita kiba ïeng ïaleh ïa ngi.

SALM 50:22

Mynta te to pyrkhat ïa kane, phi kiba klet ïa U Blei, ïoh ngan tar lyngkhot ïa phi, bad ban ym don u nongpyllait:

SALM 7:2

ïoh ba un tar ïa ka mynsiem jong nga kum u sing, u da tar lyngkhot lyngkhai ïa ka, haba ym don u nongpyllait.

ESEKIEL 34:21

Namar ba phi la kyndat da ka krung bad da ka tyrpeng, bad phi la tur ïa ki bakhrew baroh da ki reng jong phi, tad ynda phi la pynsakma ïa ki kylleng la kylleng;

DANIEL 11:16

Hynrei, uta uba wan ïaleh ïa u, un leh katba u mon hi, bad ym don u ban ïeng ha khmat jong u: bad un ïeng ha kata ka ri ba-donburom, bad ha ka kti jong u kan don ka jingpynjot.

DANIEL 11:36

“Bad uta u syiem un leh katba u mon; bad un pynkyntiew ïa lade, bad pynkhraw ïa lade halor ki blei baroh, bad un kren ïa kiei kiei ruh ki baphylla pyrshah ïa U Blei ki blei: bad un man bha haduh ba la pyndep ïa kata ka jingbitar; namar ïa kata kaba la thmu, yn pyndep keiñ.

DANIEL 5:19

bad na ka bynta kata ka jingkhraw ba u la ai ha u, baroh ki briew, ki jaid bynriew, bad ki ktien ki la khynñiuh bad ki la sheptieng ha khmat jong u: ïa uba u mon u pynïap, bad ïa uba u mon u pynim; bad ïa uba u mon u kyntiew, bad ïa uba u mon u pynpoh.

DANIEL 5:30

Ha kata hi ka miet, la pynïap ïa u Belshassar u syiem ki Khaldi.

DANIEL 7:5

Bad ha khmih sa uwei pat u mrad u ba-ar, kum ka dngiem, te la khyllie shiliang ïa u, bad lai tylli ki shyieng krung ki la don ha ka shyntur jong u hapdeng ki bniat jong u: bad ki la ong kumne ha u, ‘To ïeng, to bam doh shibun.’

DANIEL 8:7

Bad nga la ïohi ba u la wan hajan uta u langbrot, bad u la bitar lep ïa u, bad u la pakhuh ïa uta u langbrot, bad u la pynkheiñ baroh ar tylli ki reng jong u; bad ym shym don bor ha uta u langbrot ban ïeng ha khmat jong u: hynrei, u la pynkyllon ïa u ha khyndew, bad u la ïuh roit ïa u; bad ym shym don uba lah ban pyllait ïa uta u langbrot na ka kti jong u.

MIKAH 5:8

Bad kiba sah jong u Jakob kin long hapdeng ki jaid bynriew, hapdeng bun ki kynja bynriew, kum u sing hapdeng ki mrad khlaw, kum u sing samla hapdeng ki kynhun langbrot: uba, lada u ïaid lyngba, u ïuh roit bad u tar lyngkhot, bad ym don u ban pyllait.

DEUTERONOMI 33:17

Ka burom jong u, kum u khun nyngkong u masi lyngraw jong u, bad ki reng jong u, kum ki reng jong u kynda: da ki, un tur lang ïa uta u paidlang, haduh ki bakut kata ka pyrthei: kine ki long ki shiphew hajar jong u Ephraim, kine ruh ki hajar jong u Manasseh.”