DANIEL 8:3 - KA BAIBL

³ Ynda kumta, nga la khmied la ki khmat, bad nga la ïohi, te ha khmih, la ïeng ha shuwa kata ka wah u langbrot uba la don ar tylli ki reng; bad kita ki ar tylli ki reng ki la long kiba jrong; hynrei, kawei ka la kham jrong ïa kawei pat, bad kata kaba kham jrong ka la mih khatduh.

Khasi CL Bible (BSI)

³ bad hangta harud jong ka wah nga la ïohi ïa u langbrot uba la don ar tylli ki reng bajrong, kawei na ki kaba kham jrong bad kham thymmai bad ïa kawei pat.

DANIEL 8:3 ပူးပေါင်းရင်းမြစ်များ

1 KHRONIKL 21:16

Te u Dabid u la khmied ïa la ki khmat, bad u la ïohi ïa uta u angel U Trai ba u ïeng hapdeng ka khyndew bad ka bneng, uba bat ka waitlam ba la sei ha la ka kti ba la kner halor ka Jerusalem. Ynda kumta, u Dabid bad ki tymmen basan, kiba la kup da ki jaiñ byrni, ki la hap dem la ki khmat.

ESRA 1:2

“Kumne u ong u Seiros u syiem ka Persha, ‘U Trai, U Blei ki bneng, U la ai ha nga ïa ki hima ka pyrthei baroh; bad U la hukum ïa nga ban tei ka ïing ïa U ha Jerusalem, kaba ha Judah.

ESRA 4:5

bad ki la wer ïa ki nongai buit pyrshah ïa ki, ban pyndam noh ïa ka jingthmu jong ki, baroh ki sngi u Seiros u syiem ka Persha, jin haduh ka jingsynshar u Daraïos u syiem ka Persha.

ESTHER 1:3

ha ka balai snem ka jingsynshar jong u, u la thaw ka jingkhawai ïa ki rangbah bad ki shakri jong u baroh; ka bor ka ri Persha bad Media, ki bakhraw batri bad ki rangbah jong ki shnat, ki ïadon ha khmat jong u:

ISAÏAH 13:17

Ha khmih, ngan pynkhih ïa ki Mid pyrshah ïa ki, ki ban ym ñiewkor ïa ka rupa, ïa ka ksiar ruh kin ym sngewbha.

ISAÏAH 21:2

Ka jingithuhpaw bashitom la pynpaw ha nga; u nongshetkylla u la shetkylla, bad u nonglute u lute. To leit kiew, ko Elam; to ker kut, ko Mid; nga la pynwai noh ïa ka jingud mynsiem jong ka baroh.

ISAÏAH 44:28

uba ong shaphang u Seiros, ‘U long u nongaplangbrot jong nga, te un pyndep ïa ka jingsngewbha jong nga baroh’: u da ong shaphang ka Jerusalem, ‘Yn tei ïa ka’; bad ha ka templ, ‘Yn pynshong nongrim ïa pha.’ ”

JEREMAÏAH 51:11

“ ‘To pynnep ïa ki khnam; bat skhem ïa ki stieh:’ “U Trai u la pynkhih ïa ka mynsiem jong ki syiem ki Mid; namar ka jingthmu jong u ka long ban ïaleh ïa ka Babilon, ban pynjot ïa ka: namar ka long ka jingpynhiar kput jong U Trai, ka jingpynhiar kput ka templ jong u keiñ.

DANIEL 10:5

nga la khmied la ki khmat, bad nga la khmih, bad ha khmih, u briew uba la kup da ka jaiñ linen, uba la panpoh ïa la ka syngkai da ka ksiar banylla na Uphas:

DANIEL 2:39

Te hadien jong me, kan mih sa kawei pat ka hima kaba kham poh ïa me; bad sa kawei pat, ka balai ka hima da ka rnong, ka ban synshar halor ka khyndew baroh.

DANIEL 5:31

Bad u Daraïos u nong Mid u la ïoh ïa kata ka hima, haba u la long kumba hynriewphew ar snem ka rta.

DANIEL 6:28

Kumta, une u Daniel u la man bha ha ka jingsynshar u Daraïos, bad ha ka jingsynshar u Seiros u nong Persha.

DANIEL 7:5

Bad ha khmih sa uwei pat u mrad u ba-ar, kum ka dngiem, te la khyllie shiliang ïa u, bad lai tylli ki shyieng krung ki la don ha ka shyntur jong u hapdeng ki bniat jong u: bad ki la ong kumne ha u, ‘To ïeng, to bam doh shibun.’

DANIEL 8:2

Bad nga la ïohi ha kata ka jingithuhpaw; te ka la long kumne, ba mynba nga la ïohi, nga la don ha Shushan kata ka ïingsyiem, kaba don ha ka shnat Elam; te nga la ïohi ha kata ka jingithuhpaw, bad nga la don harud kata ka wah Ulai.

DANIEL 8:20

Uta u langbrot ïa uba me la ïohi uba la don ar tylli ki reng, ki long ki syiem ka Mid bad ka Persha.

SEKHARAÏAH 1:18

Te nga la khmied ïa la ki khmat, bad nga la ïohi, te ha khmih saw tylli ki reng.

SEKHARAÏAH 2:1

Te nga la khmied la ki khmat, bad nga la ïohi, te ha khmih u briew bad u ksai thew ha ka kti jong u.

SEKHARAÏAH 5:1

Ynda kumta pat, nga la khmied ïa la ki khmat, bad nga la ïohi, te ha khmih, ka kot bakli kaba her.

SEKHARAÏAH 5:5

Ynda kumta, uta u angel uba la ïakren bad nga u la mih noh, bad u la ong ha nga, “To khmied ïa la ki khmat te, bad to khmih kaei kane kaba leit mih noh.”

SEKHARAÏAH 5:9

Ynda kumta, nga la khmied la ki khmat, bad nga la ïohi, te ha khmih, ki la mih noh ar ngut ki kynthei, bad ka lyer ka la don ha ki thapniang jong ki; te ki la don ki thapniang keiñ kum ki thapniang ka puka: bad ki la kyntiew ïa kata ka ephah hapdeng ka khyndew bad ka bneng.

SEKHARAÏAH 6:1

Te nga la khmied ïa la ki khmat pat, bad nga la ïohi, te ha khmih, ki la wan mih saw tylli ki kali ïapom napdeng ar tylli ki lum; te kita ki lum ki la long ki lum rnong.

JINGKHEIÑ 24:2

U Balaam u la khmied ruh ïa la ki khmat, bad u la ïohi ïa ki Israel ba ki da ïashong dara katba kum ki jaid jong ki; te U Mynsiem U Blei u la wan ha u.

JOSHUA 5:13

Te haba u Joshua u la hajan ka Jerikho, u la khmied ïa la ki khmat bad u la khmih, te, ha khmih, la ïeng u briew ha marpyrshah jong u la ka talwar ba la sei ha ka kti: te u Joshua u la leit sha u, bad u la ong ha u, “Me ha ka liang jong ngi, ne ha ka liang ki nongïaleh ïa ngi?”

JINGPYNPAW 13:11

Bad nga la ïohi ïa uwei pat u mrad khlaw uba kiew noh na kata ka khyndew; bad u la don ar tylli ki reng ba syriem kum i khun langbrot, bad u la kren kum u ïakjakor.

JINGPYNPAW 5:6

Bad nga la ïohi hapdeng kata ka khet bad kita ki saw ki jingthaw ba-im, bad hapdeng kita ki tymmen basan, ïa U Khun langbrot u da ïeng, kum ïa uba la pynïap, u da don hynñiew ki reng, bad hynñiew ki khmat, kiba long kita ki hynñiew ki mynsiem U Blei, ïa kiba la phah noh sha ka pyrthei baroh.