DANIEL 8:23 - KA BAIBL

²³ Bad ha ka bakut ka por ka hima jong ki, haba ki la biang bha ki nongleh palat, un mih uwei u syiem uba don ka khmat kaba itieng, uba sngewthuh ïa ki jingong kiba dum.

Khasi CL Bible (BSI)

²³ “Haba ka jingkut jong kito ki hima ka la jan bad ki la long bymman katta katta ba ki la dei ban shah pynshitom, yn don u syiem uba mutlop, uba runar eh, bad uba dap da ka jingshukor.

DANIEL 8:23 ပူးပေါင်းရင်းမြစ်များ

JENESIS 15:16

Hynrei, ha ka basaw pateng bynriew kin ïawan phai pat shane; naba ka jingleh bymman ka jong ki Amor kam pat la dap.”

PROBERB 1:6

ban sngewthuh ïa ka proberb, bad ïa ka pharshi; ïa ki ktien jong ki riewstad, bad ïa ki phawar jong ki.

ESEKIEL 38:16

bad men wan kiew ban ïaleh ïa ki briew jong nga ki Israel, kum u lyoh ïa ka ban tap lup ïa ka ri; kan jia te ha ki sngi ki bakhatduh, ba ngan wallam ïa me ban ïaleh ïa ka ri jong nga, khnang ba ki jaid bynriew kin ithuh ïa me, haba yn pynkyntang ïa nga ha me, ko Gog, ha khmat jong ki.”

ESEKIEL 38:8

Ynda la bun sngi yn sa wan-i ïa me: ha ki snem ki bakhatduh men wan poi sha ka ri ïa kaba la pynïoh pat na ka waitlam, ïa kaba la ïalum pat na kiba bun ki kynja bynriew, halor ki lum bah ki Israel keiñ, kiba la ju long kaba kynjah borabor: hynrei, la pynïoh pat na ki kynja bynriew, bad kin ïashong suk, ma ki baroh keiñ.

DANIEL 10:14

Mynta nga la wan ban pynsngewthuh ïa me shaphang kata ka ban jia ïa ki briew jong me ha ki sngi ki bakhatduh: namar ka jingithuhpaw ka long ïa kaba lawei lathai.”

DANIEL 11:21

Te ha ka jaka jong u, un mih u briew uba khlem burom, ha uba kim shym la ai ka burom ka hima: hynrei, un wan ha ka por basuk, bad un ïoh ïa ka hima da ki jingkren arsap.

DANIEL 11:24

Ha ka por basuk un wan sha ki jaka ki babha tam jong kata ka shnat; bad un leh ïa kaba ki kpa jong u kim ju leh mynno mynno, lymne ki kthaw jong u; un theh hapdeng jong ki, ïa ka jinglute, bad ka jingkurup, bad ka spah: bad un thaw la ki buit ïaleh ïa ki kut baskhem, kata ruh tang shi por.

DANIEL 7:11

“Nga la khmih ha kata ka por namar ka jingsawa jong kita ki ktien kiba khraw ïa kiba kata ka reng ka la kren; nga la khmih, jin haduh ba la pynïap ïa uta u mrad, bad ba la pynjot noh ïa ka met jong u, bad la aiti noh ïa u ban thang da ka ding.

DANIEL 7:20

bad ïa kita ki shiphew tylli ki reng kiba la don halor ka khlieh jong u, bad kata kawei pat ka reng kaba la mih, kiba ha khmat jong ka, lai tylli ki la hap; kata ka reng hi keiñ kaba la don ki khmat, bad ka shyntur kaba la kren ïa kiei kiei kiba khraw, kaba kham i heh ban ïa ki lok jong ka.

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

DANIEL 7:8

Nga la dang pyrkhat shaphang kita ki reng, bad ha khmih, la mih hapdeng jong ki sa kawei pat ka reng kaba rit, ha khmat jong ka, lai tylli na kita ki reng ki banyngkong la phut noh na ki thied: bad ha khmih, ha kane ka reng, la don ki khmat kum ki khmat briew, bad ka shyntur kaba kren ïa kiei kiei kiba khraw.

DANIEL 8:22

Bad shaphang kata kaba la kheiñ noh, ha ka jaka jong ka, saw tylli ki la mih, saw tylli ki hima keiñ, kin mih noh na kata ka jaid bynriew, hynrei, ym bad ka bor jong ka.

DANIEL 8:24

Bad ka bor jong u kan long kaba jur, hynrei, ym da ka bor jong u hi; bad un pynjot da kaba phylla, bad un man bha bad un leh katba u mon: bad un pynjot noh ïa kita kiba don bor bad ïa ki riewkhuid de.

DANIEL 8:25

Bad da ka buit jong u, un pynroi ïa ka jingshukor ha ka kti jong u; bad un pynkhraw ïa lade ha la ka dohnud, bad ha ka jingsngewshngain jong ki, shibun un pynjot; un ïeng ïaleh ruh ïa uta U Syiem ki syiem; hynrei, yn pynlwet ïa u ym da ka kti.

JINGKHEIÑ 24:24

Kin wan ki lieng lama ruh na ki rud ka Kittim, bad kin ïa-pynshitom ïa u Asshur, bad kin ïa-pynshitom ruh ïa u Eber, te u hi ruh un ïap duh noh junom.”

MATHAÏOS 23:32

Te to pyndap noh phi ïa kata ka jingthew ki kpa jong phi.

DEUTERONOMI 28:50

ka jaid bynriew kaba itriem ka khmat, ka ban ym suidñiew ïa u tymmen, lymne leh isynei ïa u khynnah:

1 THESSALONI 2:16

ki da khang ïa ngi ban ïalap ha ki Jentil ba yn ïoh pynim ïa ki; ïa ka ban pyndap noh ïa ki pop jong ki ha la ka sngi; hynrei, kata ka jingbitar ka la wan ha ki haduh ka bakut.

1 TIMOTHI 4:1

Hynrei, U Mynsiem u ong shai, ba ha ki Ïa ki bakhatduh, don ki ban hap noh na ka jingngeit; da kaba pynshahshkor ha ki mynsiem bashukor, bad ha ki jinghikai ki ksuid;

JINGPYNPAW 19:20

Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.