DANIEL 8:22 - KA BAIBL

²² Bad shaphang kata kaba la kheiñ noh, ha ka jaka jong ka, saw tylli ki la mih, saw tylli ki hima keiñ, kin mih noh na kata ka jaid bynriew, hynrei, ym bad ka bor jong ka.

Khasi CL Bible (BSI)

²² Ki saw tylli ki reng kiba la wan mih shalor haba la pynkheiñ noh ïa ka reng kaba nyngkong ki ïeng na ka bynta ki saw tylli ki hima sha kiba kata ka hima yn pynïabynta bad kin ym long kiba khlaiñ kum ka hima kaba nyngkong.

DANIEL 8:22 ပူးပေါင်းရင်းမြစ်များ

DANIEL 11:4

Bad ynda u la mih, yn pynkheiñ ïa ka hima jong u, bad yn sam ïa ka sha ki saw lyer bneng; hynrei, ym sha ki khun ki ksiew jong u, lymne katba kum ka jingsynshar jong u da kaba u la synshar; namar yn rat noh ïa ka hima jong u, hynrei, sha kiwei pat nalor kita.

DANIEL 7:6

Hadien kane, nga la khmih, bad ha khmih, sa uwei pat kum u 'labasa, uba la don saw tylli ki thapniang sim ha ka ingdong jong u; uta u mrad u la don saw tylli ki khlieh ruh; bad ïa ka jingsynshar la ai ha u.

DANIEL 7:7

Hadien kane de, nga la ïohi ha kita ki jingithuhpaw mynmiet, bad ha khmih sa u basaw u mrad, uba itieng bad uba don bor, bad uba khlaiñ shikatdei eh; bad u la don ki bniat nar kiba heh: u la bam duh bad u la pynlwet jin, bad u la kyrdem da ki kjat ïa kaba sah: bad u la pher na kita ki mrad baroh kiba la don mynshuwa ïa u; bad u la don shiphew tylli ki reng.

DANIEL 8:21

Bad uta u 'lang sohmoh uba runar u long u syiem ka Gris: bad kata ka reng bakhraw kaba hapdeng ki khmat jong u, ka long u syiem u banyngkong.

DANIEL 8:23

Bad ha ka bakut ka por ka hima jong ki, haba ki la biang bha ki nongleh palat, un mih uwei u syiem uba don ka khmat kaba itieng, uba sngewthuh ïa ki jingong kiba dum.

DANIEL 8:3

Ynda kumta, nga la khmied la ki khmat, bad nga la ïohi, te ha khmih, la ïeng ha shuwa kata ka wah u langbrot uba la don ar tylli ki reng; bad kita ki ar tylli ki reng ki la long kiba jrong; hynrei, kawei ka la kham jrong ïa kawei pat, bad kata kaba kham jrong ka la mih khatduh.

DANIEL 8:8

Bad uta u 'lang sohmoh u la pynkhraw ïa lade shikatdei eh: te haba u la khlaiñ, ïa kata ka reng bakhraw la pynkheiñ noh; bad ha ka jaka jong ka, ki la mih saw tylli ki reng kiba phylla sha ki saw lyer bneng.

SEKHARAÏAH 6:1

Te nga la khmied ïa la ki khmat pat, bad nga la ïohi, te ha khmih, ki la wan mih saw tylli ki kali ïapom napdeng ar tylli ki lum; te kita ki lum ki la long ki lum rnong.