DANIEL 8:2 - KA BAIBL

² Bad nga la ïohi ha kata ka jingithuhpaw; te ka la long kumne, ba mynba nga la ïohi, nga la don ha Shushan kata ka ïingsyiem, kaba don ha ka shnat Elam; te nga la ïohi ha kata ka jingithuhpaw, bad nga la don harud kata ka wah Ulai.

Khasi CL Bible (BSI)

² Ha ka jingïohipaw nga la shem kynsan ïa lade ha ka nongbah Susa ba la ker kynroh ha ka probins jong ka Elam. Nga la ïeng harud ka wah Ulai,

DANIEL 8:2 ပူးပေါင်းရင်းမြစ်များ

JENESIS 10:22

Ki khun shynrang u Shem: u Elam, bad u Asshur, bad u Arphakshad, bad u Lud, bad u Aram.

JENESIS 14:1

Ka la jia ruh ha ki sngi jong u Amraphel u syiem ka Shinar, u Ariokh u syiem ka Ellasar, u Khedorlaomer u syiem ka Elam, bad u Thidal u syiem ki Goiim;

NEHEMAÏAH 1:1

Ki ktien u Nehemaïah u khun u Hakaliah. Ka la jia te ha u 'nai Khisleb, ha ka snem ka ba-arphew, haba nga la don ha ka ïingsyiem Shushan,

ESTHER 1:2

ha kita ki sngi, mynba u Ahasueros syiem u la shong halor ka khet ka hima jong u, kaba la don ha Shushan kata ka ïingsyiem,

ESTHER 2:8

Kumta, haba la ïohsngew ïa ka hukum u syiem bad ïa ka jingrai jong u, bad haba ki la lum lang shibun ki theisotti sha ka Shushan ka ïingsyiem, hapoh ka jingsumar u Hegai, te la shim ïa ka Esther hapoh ka ïing u syiem, ha ka jingsumar jong u Hegai, u nongsumar jong ki kynthei.

ESTHER 3:15

Ki nongphet-dak ki la leit noh kyrkieh da ka hukum u syiem, bad ïa kata ka hukum la pynbna ha Shushan ka ïingsyiem: bad u syiem bad u Haman ki la ïashong dih kyiad: hynrei, ïa ka nongbah Shushan la pynlyngngoh.

ESTHER 7:6

Bad ka Esther ka la ong, “U nongïaleh pyrshah bad u dusmon, une u Haman bymman keiñ.” Ynda kumta, u Haman u la sheptieng ha khmat u syiem bad ka syiem.

ESTHER 8:15

Bad u Mordekai u la mih noh na khmat u syiem ha ka jaiñkup syiem ka babyrïong bad balieh, bad da ka pansngiat ksiar bakhraw, bad da ka barandi jaiñ linen bani bad basaw bthuh: bad ka nongbah Shushan ka la risa bad ka la kmen.

ESTHER 9:11

Ha kata ka sngi, ïa ka jingkheiñ jong kita ba la pynïap ha ïingsyiem Shushan la wallam ha khmat u syiem.

ESTHER 9:15

Bad kita ki Jiw kiba la don ha Shushan ki la ïalang ha ka bakhatsaw tarik ruh u 'nai Adar, bad ki la pynïap noh laispah ngut ki rangbah ha Shushan; hynrei, ha ka spah kim shym buh la ka kti.

ISAÏAH 11:11

Te kan jia ha kata ka sngi, ba U Trai un sei pat ha ka ba-ar sien ïa la ka kti ban pynïoh pat ïa i bynta ba dang sah jong u paidlang jong u, i ban dang sah, na Assyria, bad na Ijipt, bad na Pathros, bad na Kush, bad na Elam, bad na Shinar, bad na Hamath, bad na ki 'dewlynnong ka duriaw.

ISAÏAH 21:2

Ka jingithuhpaw bashitom la pynpaw ha nga; u nongshetkylla u la shetkylla, bad u nonglute u lute. To leit kiew, ko Elam; to ker kut, ko Mid; nga la pynwai noh ïa ka jingud mynsiem jong ka baroh.

JEREMAÏAH 25:25

bad ïa ki syiem ka Simri baroh, bad ïa ki syiem ka Elam baroh, bad ïa baroh ki syiem ki Mid;

ESEKIEL 1:1

Te ha ka balaiphew ka snem, ha u bnai u basaw, ha ka basan tarik u bnai, katba nga la long hapdeng ki mraw hajan ka wah Khebar, la plie ïa ki bneng, bad nga la ïohi ïa ki jingithuhpaw U Blei.

ESEKIEL 32:24

“Hangta don ka Elam bad u paidbah jong ka baroh sawdong ïa ka jingtep jong ka: baroh keiñ, ïa kiba la pynïap, ba la pynkyllon da ka waitlam, kiba la leit hiar khlem da otsher sha ki bynta ba kham shapoh jong ka khyndew, kiba la ju pynshyrkhei ha ka ri ki ba-im, te ki la kit ïa ka jinglehrain jong ki lem bad kita kiba la leit hiar sha ka thliew.

DANIEL 10:4

Bad ha ka ba-arphew saw tarik u bnai u banyngkong, katba nga la don harud kata ka wah bakhraw, “ka Hidekel”,

DANIEL 7:15

“Nga hi u Daniel, ka mynsiem jong nga, ka la sngewsih hapdeng ka met jong nga, bad ki jingithuhpaw ka khlieh jong nga, ki la pynkhuslai ïa nga.

DANIEL 7:2

U Daniel u la kren bad u la ong, “Nga la ïohi ha ka jingithuhpaw jong nga mynmiet, bad ha khmih, kita ki saw lyer ka bneng ki la pyrsad halor ka duriaw bah.

DANIEL 8:1

Ha ka snem ka balai ka jingsynshar u Belshassar syiem, ka jingithuhpaw ka la paw ha nga, ha nga, u Daniel keiñ, hadien kata kaba la paw ha nga ha kaba mynnyngkong.

DANIEL 8:3

Ynda kumta, nga la khmied la ki khmat, bad nga la ïohi, te ha khmih, la ïeng ha shuwa kata ka wah u langbrot uba la don ar tylli ki reng; bad kita ki ar tylli ki reng ki la long kiba jrong; hynrei, kawei ka la kham jrong ïa kawei pat, bad kata kaba kham jrong ka la mih khatduh.

JINGKHEIÑ 12:6

U te u la ong, “To sngap mynta ïa ki ktien jong nga: Lada u nongïathuhlypa jong U Trai u don hapdeng jong phi, ngan pynpaw ïa lade ha u ha ka jingithuhpaw, ngan kren ruh ha u ha ka jingphohsniew.

HEBRU 1:1

U Blei, haba u la lah kren mynhyndai ha ki kpa tymmen da ki bun bynta bad ha ki bun rukom ha ki nongïathuhlypa, ha kine ki sngi ki bakhatduh u la kren ha ngi ha U Khun;

JINGPYNPAW 9:17

Te kumne nga la ïohi ïa kita ki kulai ha kata ka jingithuhpaw, bad ïa kita kiba shong halor jong ki, kiba don ki jingïada shadem kum ka ding, bad kum ki Haïakinth, bad kum u kyndok; bad ki khlieh kita ki kulai, ki kum ki khlieh ki sing; bad na ki shyntur jong ki, ka mih ka ding bad ka tdem bad u kyndok.