DANIEL 8:17 - KA BAIBL

¹⁷ Kumta, u la wan hajan kaba nga ïeng; bad haba u la wan, nga la sheptieng bad nga la hap da pyllup: hynrei, u la ong ha nga, “To sngewthuh, ko khun u briew; naba kata ka jingithuhpaw ka dei ïa ka por ka jong ka bakut.”

Khasi CL Bible (BSI)

¹⁷ U Gabriel u la wan bad u la ïeng hajan jong nga, bad nga la sheptieng katta katta ba nga kyllon ha khyndew. U la ong ha nga, “Ko khun u briew, to shemphang ïa ka jingmut. Ka jingïohipaw ka ïadei bad ka jingkut jong ka pyrthei.”

DANIEL 8:17 ပူးပေါင်းရင်းမြစ်များ

DANIEL 8:19

Bad u la ong, “Ha khmih, ngan pyntip ha me ïa kata ka ban jia ha ka por ka bakhatduh jong kata ka jingbitar: namar ka dei ïa ka por ba la buh jong kata ka bakut.

DANIEL 12:4

Hynrei me, ko Daniel, to tap ïa ki ktien, bad to pyndait laha ïa ka kitab, haduh ka por jong ka bakut keiñ: bun kin long ki ban phet shane shatai, bad ka jingtip kan roi.”

JINGPYNPAW 1:17

Bad haba nga la ïohi ïa u, nga la kyllon sbak ha ki kjat jong u kum uba ïap. U te u la buh ïa ka kti kamon jong u ha nga, u da ong, “To wat sheptieng; nga long ma nga u banyngkong bad u bakhatduh, bad uta U Ba-im;

HABAKKUK 2:3

Naba kane ka jingithuhpaw ka long, pynban, ïa ka por ba la buh, bad ka pynkloi sha ka bakut, bad kan ym lamler: la ka pynslem ruh, to ap ïa ka; naba kan poi shisha, kan ym pyntud.

DANIEL 12:13

Hynrei, to ïai-leit ma me haduh ka bakut: namar men ïoh shongthait, bad men ïoh ïeng ha la ka bynta, ha ka bakut jong kita ki sngi.”

DANIEL 11:40

“Bad ha ka por jong ka bakut, u syiem na shathie un tur sha u: bad u syiem na shatei un wan ïaleh ïa u kum ka lyer langthari, da ki kali ïapom, bad ki shipai shong kulai, bad bun ki lieng ïapom ruh; te un rung hapoh kita ki ri, bad un tap lup bad un ïaid lyngba.

JINGPYNPAW 22:8

Bad ma nga u Ïoannis nga long uta uba la ïohsngew bad uba la ïohi ïa kine kiei kiei ruh. Te mynba nga la ïohsngew bad nga la ïohi, nga la hap dem ban mane ha khmat ki kjat uta u angel uba la pyni ha nga ïa kine kiei kiei ruh.

ESEKIEL 1:28

Kum ka jing-i ïa uta u simpyllieng uba long ha u lyoh ha ka sngi slap, kumta keiñ, ka la long ka jing-i jong kata ka jingthaba baroh sawdong. Kane ka la long ka jing-i ïa ka dur jong ka burom U Trai. Te haba nga la ïohi ïa ka, nga la hap dem da la ka khmat, bad nga la ïohsngew ïa ka jingsawa jong uwei uba la kren.

MATHAÏOS 17:8

Te haba ki la khmied la ki khmat, kim ïohi ïano ïano ruh, hynrei, tang ïa U Jisu hi.

DANIEL 10:16

Te ha khmih, uwei uba kum u khun bynriew u la ktah ïa ki rmiang shyntur jong nga: ynda kumta, nga la ang la ka shyntur bad nga la kren bad nga la ong ha uta uba ïeng ha khmat jong nga, “A kynrad jong nga, ki jingsngewsih jong nga ki la tyllep ïa nga namar kata ka jingithuhpaw, te ka bor kam don shuh ha nga.

DANIEL 10:11

Bad u la ong ha nga, “Ko Daniel, me u briew ïa uba la ieit eh, to sngewthuh ïa ki ktien kiba nga kren ha me, bad to ïeng beit; namar ha me la phah ïa nga mynta”: bad haba u la lah kren ïa kane ka ktien ha nga, nga la ïeng da kaba khynñiuh.

DANIEL 9:27

Bad shi taïew un pynlong ïa ka jutang baskhem bad kiba bun: bad hamar kaba shiteng jong kata ka taïew, un pynduh noh ïa kata ka jingkñia bad ïa kata ka jingainguh bam; bad halor ka thapniang jong ki jingijli, un wan uwei uba pynjot; te wat haduh ka bakut, bad ïa kata ruh ba la thmu, yn theh noh ïa ka jingbitar halor uta u nongpynjot.”

DANIEL 9:23

Ha kaba sdang ki jingkyrpad jong me, ka hukum ka la leit mih noh, bad nga la wan ban ïathuh ha me; namar me long ïa uba la ieit eh: namar kata, to pyrkhat ïa kata ka ktien, bad to sngewthuh ïa kata ka jingithuhpaw.

DANIEL 8:15

Te haba nga, nga u Daniel keiñ, nga la ïohi ïa kata ka jingithuhpaw, nga la pyrshang ban sngewthuh ïa ka; te ha khmih, la ïeng ha khmat jong nga ka jing-i kaba kum u briew.

DANIEL 2:46

Ynda kumta, u Nebukhadnessar u la dem ngon la ka khmat, bad u la mane ïa u Daniel, bad u la hukum ba kin ai ka jingkñia ainguh bad ki jingiwbih ïa u.

ESEKIEL 6:2

“Ko khun u briew, pynbeit ïa ka khmat jong me sha ki lum Israel, bad to ïathuhlypa ha ki,

JENESIS 17:3

Ynda kumta, u Abram u la nguh ngon haduh khyndew: U Blei te u la kren bad u, u da ong,

ESEKIEL 44:4

Ynda kumta, u la lam ïa nga na ka lynti jong ka khyrdop kaba shatei ha khmat ka ïing; te nga la khmih, bad ha khmih, ka burom U Trai ka la pyndap ïa ka ïing jong U Trai: bad nga la hap da ka khmat jong nga.

DANIEL 7:16

Nga la wan hajan ha uwei na kita kiba ïeng hajan, bad nga la kylli ha u ïa ka jingshisha shaphang kane baroh. Kumta, u la ïathuh ha nga, bad u la pyntip ha nga ïa ka jingbatai jong kita kiei kiei ruh.

DANIEL 8:27

Bad nga, u Daniel, nga la ïapler, bad nga la pang katto katne sngi; ynda kumta, nga la khie bad nga la trei ïa ka kam u syiem: bad nga la sngewphylla ïa kata ka jingithuhpaw, hynrei, ym don ba sngewthuh ïa ka.

ESEKIEL 2:1

Te u la ong ha nga, “Ko khun u briew, to ïeng da la ki kjat, te ngan kren bad me.”

DANIEL 11:27

Bad shaphang kine ar ngut ki syiem, ki dohnud jong ki kin thew ïa ka ban leh sniew, bad kin ïakren lamler ha kajuh ka miej: hynrei, kan ym long; namar ka bakut kan long pynban ha ka por ba la buh.