DANIEL 8:14 - KA BAIBL

¹⁴ Bad u la ong ha nga, “Haduh ar hajar laispah sngi; ynda kumta, ïa kata ka jaka kyntang yn pynkhuid noh.”

Khasi CL Bible (BSI)

¹⁴ Nga la ïohsngew ïa uta uwei pat u angel ba u jubab, “Kan ïailong haduh shi hajar shispah sanphew sngi, ha kaba ïa ki jingkñia janmiet bad mynstep yn ym ai. Hadien kata yn sa pynbha pat ïa ka Templ.”

DANIEL 8:14 ပူးပေါင်းရင်းမြစ်များ

JENESIS 1:5

Te U Blei u la khot “Ka Sngi” ïa kata ka jingshai, bad ïa kata ka jingdum u la khot “Ka Miet”. Bad kaba la janmiet ka la long bad ka step ruh ka la long, kawei ka sngi.

ISAÏAH 1:27

Ïa ka Seïon yn siewspah da ka jingbishar, bad ïa ki nongwan phai jong ka da ka hok.

ISAÏAH 45:25

Ha U Trai yn pynksan ïa u symbai jong u Israel baroh, bad un sngewsarong.”

DANIEL 12:11

Bad naduh ka por ba yn shim noh ïa kata ka jingainguh thang kaba borabor, bad ba yn pynïeng ïa kata ka jingijli kaba pynjot, kan long shi hajar arspah khyndaiphew sngi.

DANIEL 12:12

Suk uta uba ïai-ap, bad uba kot haduh shi hajar laispah laiphew san sngi.

DANIEL 12:7

Bad nga la ïohsngew ïa uta u briew uba la kup jaiñ linen, uba la don halor ki um jong kata ka wah, mynba u la rah ïa ka kti kamon jong u bad ïa ka kti kadiang jong u sha bneng, bad ba u la smai ha uta u ba-im ha la ka rta ba kan long shi por, ki por, bad ka shiteng; bad ynda ki la lah pynduh ïa ka bor jong kita ki briew ki bakhuid, ïa kine baroh yn sa pyndep.

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

DANIEL 8:26

Bad kata ka jingithuhpaw jong kita ki janmiet bad ki step ïa kaba la ïathuh ka long kaba shisha: hynrei, to pyndait noh ïa kata ka jingithuhpaw; namar ka dei ïa kaba lawei lathai.”

GALATIA 3:8

Bad Ka Jingthoh, haba ka la ïohi lypa ba U Blei un pynksan ïa ki Jentil da ka jingngeit, ka la ïathuhlypa ïa ka gospel ha u Abraham, ka da ong: “Ha me yn kyrkhu ïa ki jaid bynriew baroh.”

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 12:14

Te la ai ha kata ka briew ar tylli ki thapniang jong ka pukni ka bakhraw, ba kan da ïoh her noh sha kata ka ri khlaw sha kata ka jaka jong ka, ha kaba yn bsa ïa ka shi Ïa, bad ki Ïa, bad ka shiteng Ïa, na khmat uta u bseiñ.

JINGPYNPAW 13:5

Te la ai ha u ka shyntur kaba ïalap ïa kiei kiei ki bakhraw, bad ïa ki jingkrenbeiñ Blei; bad la ai ha u ïa ka bor synshar ban sah jin sawphew ar bnai.