DANIEL 8:13 - KA BAIBL

¹³ Ynda kumta, nga la ïohsngew ïa uwei u bakhuid ba u da kren; bad uwei pat u bakhuid u la ong ha uta uba la kren, “Slem katno kan long kata ka jingithuhpaw shaphang kata ka jingainguh thang kaba borabor, bad kata ka jingpalat kaba pynjot, ban aiti noh ïa kata ka jaka kyntang bad ïa uta u paidbah ba yn ïuh roit ïa ki?”

Khasi CL Bible (BSI)

¹³ Nangta nga la ïohsngew ïa uwei u angel uba kylli ïa uwei pat, “Haduh katno kine kiei kiei kiba la ïohi ha ka jingïohipaw kin ïailong? Haduh katno ka pop ba-ijli kan bujli ïa ki jingkñia ba man ka sngi? Haduh katno ïa ka kynhun shipai ba kynja bneng bad ïa ka Templ yn kyrdem?”

DANIEL 8:13 ပူးပေါင်းရင်းမြစ်များ

SALM 74:10

Haduh lano, A U Blei, u nongïaleh pyrshah un ïoh krenbeiñ? u nongshun un ïoh krenbeiñ blei ïa ka kyrteng jong me junom?

SALM 74:9

Ngim ïohi shuh ïa ki dak jong ngi: ym don shuh u nongïathuhlypa; lymne ym don hapdeng jong ngi uno uno uba tip haduh lano.

SALM 79:5

Slem sa katno, A Trai, men sngewsih ha la ka rta? Ka jingsngewskuiñ jong me kan thang kum ka ding?

ISAÏAH 28:18

Te ïa ka jutang jong phi kaba bad ka jingïap yn pyndam noh, bad ka jingïakut jong phi kaba bad ka dujok kan ym neh; haba ka jingsympat bashlei ka ïaid lyngba, ynda kumta, yn sa ïuh roit ïa phi da ka.

ISAÏAH 6:11

Te nga la ong, “Haduh lano, ko Trai?” Bad u la ong, “Tad ynda ki shnong ki la long kynjah khlem nongshong, bad ki ïing khlem shong briew, bad ka ri ka la kynjah noh phar,

ISAÏAH 63:18

U paidlang u bakhuid jong me u la ïoh ïa ka tang khyndiat por: ki nongïaleh pyrshah jong ngi ki la ïuh roit ïa ka jaka kyntang jong me.

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 12:10

Bun ki nongsharai ki la pynjot ïa ka bri Waiñ jong nga, ki la ïuh kjat ïa ka bynta jong nga, ki la pynlong khlaw kaba kynjah ïa ka bynta kaba itynnad jong nga.

DANIEL 11:31

Bad ki riewïapom kin ïeng ha ka liang jong u, bad kin leh sang ïa kata ka jaka kyntang, ïa kata ka kut baskhem keiñ, bad kin pynduh noh ïa kata ka jingainguh thang kaba borabor, bad kin pynïeng ïa kata ka jingijli kaba pynjot.

DANIEL 12:11

Bad naduh ka por ba yn shim noh ïa kata ka jingainguh thang kaba borabor, bad ba yn pynïeng ïa kata ka jingijli kaba pynjot, kan long shi hajar arspah khyndaiphew sngi.

DANIEL 12:8

Bad nga la ïohsngew, hynrei, ngam shym sngewthuh: ynda kumta, nga la ong, “Ko kynrad jong nga, kaei kan long ka bakut jong kine kiei kiei ruh?”

DANIEL 4:10

Ki jingithuhpaw ka khlieh jong nga halor ka jingthiah jong nga ki la long kumne: Nga la ïohi, bad ha khmih, u dieng hapdeng ka khyndew, bad ka jingjrong jong u ka la long kaba khraw.

DANIEL 4:13

“Nga la ïohi ha ki jingithuhpaw ka khlieh jong nga halor ka jingthiah jong nga, bad, ha khmih, u nongap phira bad u bakhuid ruh u la wan hiar na bneng.

DANIEL 4:23

Bad ha kata ba u syiem u la ïohi ïa u nongap phira bad u bakhuid ba u da wan hiar na bneng, bad ba u da ong, ‘To khet noh ïa uta u dieng, bad to pynduh ïa u; hynrei, to iehnoh ïa ka dyngkhong ki thied jong u ha ka khyndew, da ka jingspaiñ nar bad rnong, ha u 'lang lung ka khyndew; to ai ba yn synreit ïa u da ka umjer bneng, bad ai ba ka bynta jong u kan long ryngkat bad ki mrad khlaw, haduh ba hynñiew ki aïom kin lut ha u;’

DANIEL 7:16

Nga la wan hajan ha uwei na kita kiba ïeng hajan, bad nga la kylli ha u ïa ka jingshisha shaphang kane baroh. Kumta, u la ïathuh ha nga, bad u la pyntip ha nga ïa ka jingbatai jong kita kiei kiei ruh.

DANIEL 7:23

“Kumne u la ong, ‘Uta u mrad u basaw, “ ‘un long ka hima ka basaw ha ka khyndew, ka ban long ka bapher na ki hima baroh, bad kan bam duh ïa ka khyndew baroh, bad kan ïuh roit noh ïa ka, bad kan pynlwet jin ïa ka.

DANIEL 9:27

Bad shi taïew un pynlong ïa ka jutang baskhem bad kiba bun: bad hamar kaba shiteng jong kata ka taïew, un pynduh noh ïa kata ka jingkñia bad ïa kata ka jingainguh bam; bad halor ka thapniang jong ki jingijli, un wan uwei uba pynjot; te wat haduh ka bakut, bad ïa kata ruh ba la thmu, yn theh noh ïa ka jingbitar halor uta u nongpynjot.”

SEKHARAÏAH 1:19

Bad nga la ong ha uta u angel uba ïakren bad nga, “Kine ki long aïu?” Te u la ïathuh, “Kine ki long kita ki reng kiba la pynsaphred ïa ki Judah, ïa ki Israel, bad ïa ka Jerusalem.”

SEKHARAÏAH 14:5

Te phin ïoh phet noh na kata ka them ki lum jong nga; naba kata ka them jong ki lum kan kot haduh Asel: shisha, phin phet ïap noh, kumba phi la phet ïap noh na kata ka jingkhynñiuh jumai ha ki sngi u Ussiah u syiem ka Judah: bad U Trai U Blei jong nga un wan, bad kita ki bakhuid baroh lem bad me.

MATHAÏOS 11:27

Kiei kiei baroh la ai ha nga na U Kpa jong nga: ym don ruh uba ithuh ïa U Khun, hynrei, tang U Kpa; lymne uba ithuh ïa U Kpa, hynrei, tang U Khun, bad uta ha uba uta U Khun u mon ban pynpaw ïa u.

MATHAÏOS 24:15

“Namar kata, ynda phin ïohi ïa kata ka jingijli bapynduh, ba la ong shaphang jong ka da u Daniel u nongïathuhlypa, ba ka da ïeng ha ka jaka bakhuid,” (Jar uba pule un da sngap),

MARKOS 13:14

“Hynrei, ynda phin ïohi ïa kata ka jingijli bapynduh, kaba la kren da u Daniel u nongïathuhlypa, ba ka ïeng sha ka bymdei (Jar uba pule un da sngap,) ynda kumta, kita kiba ha Judia, to kin ïaphet ïap noh sha ki lum;

LOUKAS 10:22

Ïa kiei kiei baroh la ai ha nga na U Kpa jong nga; ym don ruh uba ithuh ïa U Khun u long uei, hynrei, tang U Kpa; bad ïa U Kpa u long uei, hynrei, tang U Khun, bad uta ha uba U Khun u mon ban pynpaw.”

LOUKAS 21:20

“Hynrei, haba phin ïohi ïa ka Jerusalem ba la ker tawiar ïa ka da ki paidïapom, ynda kumta, te phin tip ba kata ka jingpynduh ïa ka, ka la jan.

LOUKAS 21:24

Kin kyllon ruh da ka syrti waitlam, bad yn ïalam mraw ïa ki sha ki kynja bynriew baroh; bad kan long ba la ïuh top ïa ka Jerusalem da ki Jentil, tad ynda yn pyndep ïa ka Ïa ki Jentil.

ÏOANNIS 1:18

Ym don mano mano ruh ba la ïohi ïa U Blei mynno mynno ruh; uta U Khun ba la kha marwei, uba long ha ka shadem U Kpa, u hi u la pynpaw ïa u.

DEUTERONOMI 33:2

U la ong ruh, “U Trai u la mih noh na Sinai, bad u la ïeng na Seir ha ki; u la tyngshaiñ noh na u lum Paran, bad u la wan lem bad ki shiphew hajar ki riewkhuid: ha ka kti kamon jong u la don ka hukum ba-meh ding ha ki.

1 THESSALONI 3:13

khnang ïa ka ban pynskhem ïa ki dohnud jong phi kiba khlem jingrem ha ka jingpynkhuid ha khmat U Blei uba U Kpa jong ngi, ha kata ka jingwan U Jisu Khrist uba U Trai jong ngi lem bad ki riewkhuid jong u baroh.

HEBRU 10:29

ka jingpynshitom ba kham jur katno, phi tharai, kan dei ïa uta uba la ïuh hapoh ki kjat ïa U Khun U Blei, bad ba la ñiew bymkhuid ïa ka snam ka jutang, da kaba la pynkhuid ïa u, bad ba la lehbeiñ ïa U Mynsiem ka jingaiei?

1 PETROS 1:12

ha kiba la pynpaw, ba ym ha ki hi, hynrei, ha phi, ba ki la pyntrei ïa kita kiei kiei, ïa kiba la ïalap mynta ha phi da kita kiba la ïathuhkhana babha ha phi da U Mynsiem Bakhuid, ïa uba la phah na bneng; ha kita kiei kiei ruh ki angel ki kwah eh ban dem jngoh.

JUDAH 1:14

Bad dei ïa kine, ba u Enokh ruh, u bahynñiew na u Adam, u la ïathuhlypa, u da ong, “Ha khmih U Trai u la wan bad ki shiphew hajar ki bakhuid jong u,

JINGPYNPAW 11:2

hynrei, ïa ka phyllaw kaba shabar kata ka templ U Blei men iehnoh noh, men ym thew ïa ka; naba la ai noh ïa ka ha ki Jentil: bad ïa ka nongbah ka bakhuid kin ïaïuh top jin sawphew ar bnai.

JINGPYNPAW 6:10

Te ki la pyrta da ka ktien bajam, ki da ïa-ong, “Tad lano, ko Trai Kynrad, U Bakhuid bad U Bashisha, mem bishar kut bad pynhiar kput na ka bynta kata ka snam jong ngi halor kita kiba shong ha kata ka khyndew?”

NONGBISHAR 13:18

Bad u angel U Trai u la ong ha u, “Balei me kylli ïa ka kyrteng jong nga, namar ka long kaba phylla?”