DANIEL 8:11 - KA BAIBL

¹¹ Shisha keiñ, ka la pynkhraw ïa lade ruh, wat haduh u rangbah jong uta u paidbah; bad ka la shim noh na u, ïa kata ka jingainguh thang kaba borabor, bad ïa ka jaka ka ïing kyntang jong u la pynkyllon noh.

Khasi CL Bible (BSI)

¹¹ Ka la kyntait ban kohnguh wat ïa U Khun syiem jong ka kynhun shipai ba kynja bneng, ka la pynsangeh ïa ki jingkñia ba man ka sngi ba la ai sha u, bad ka la pyntngit ïa ka Templ.

DANIEL 8:11 ပူးပေါင်းရင်းမြစ်များ

ISAÏAH 37:23

“ ‘Ïano me la krenbeiñ bad me la kren sang? Pyrshah ïano ruh me la pynjam ïa la ka ktien bad me la khmied ïa la ki khmat sha jrong? Pyrshah ïa uta U Bakhuid jong u Israel keiñ.

ISAÏAH 37:29

Na ka bynta ka jingbitar jong me ïa nga, bad namar ba ka jingleh meng jong me ka la wan kiew sha ki shkor jong nga, namar kata, ngan buh la u khwai ha ka khmut jong me, bad u lakam jong nga ha ki rmiang shyntur jong me, te ngan pynphai pat ïa me sha ka lynti kaba me la wan.

JEREMAÏAH 48:26

“To phin pyndih buaid ïa u; namar u la pynkhraw ïa lade pyrshah ïa U Trai: bad u Moab un ksaid ha la ka prie, bad un long ruh ka jingrkhiebeiñ.

JEREMAÏAH 48:42

Bad ïa u Moab yn pynduh noh na ka ban long u paidlang, namar u la pynkhraw ïa lade pyrshah ïa U Trai.

ESEKIEL 46:14

Bad men khreh ïa ka jingainguh bam lem bad u man la ka step, ïa ka hynriew bynta jong ka shi ephah, bad ka lai bynta jong ka shi hin umphniang, ïa ka ban pynsngem ïa u 'purew bani; ka jingainguh bam borabor da ka hukum ba ha la ka rta.

DANIEL 11:22

Bad da ki ksang'ti jong ka jingshlei yn kit noh ïa ki na khmat jong u, bad yn pynduh noh ïa ki; shisha, bad ïa u rangbah jong kata ka jutang ruh.

DANIEL 11:31

Bad ki riewïapom kin ïeng ha ka liang jong u, bad kin leh sang ïa kata ka jaka kyntang, ïa kata ka kut baskhem keiñ, bad kin pynduh noh ïa kata ka jingainguh thang kaba borabor, bad kin pynïeng ïa kata ka jingijli kaba pynjot.

DANIEL 12:11

Bad naduh ka por ba yn shim noh ïa kata ka jingainguh thang kaba borabor, bad ba yn pynïeng ïa kata ka jingijli kaba pynjot, kan long shi hajar arspah khyndaiphew sngi.

DANIEL 5:23

hynrei, me la kyntiew ïa lade pyrshah ïa U Trai ka bneng; bad ki la wallam ïa ki khiew ka ïing jong U ha khmat jong me, bad me bad ki rangbah jong me, ki tnga jong me bad ki tnga kliar jong me, phi la ïadih Waiñ da kita; bad me la ïaroh ïa ki blei kiba da ka rupa, bad da ka ksiar, da ka rnong, da u nar, da ka dieng, bad da u maw, ki bymïohi, lymne ïohsngew, lymne tip: bad ïa U Blei uba ha ka kti jong u ka jingring mynsiem jong me ka don, bad uba ki lynti jong me baroh ki long ki jong u, mem shym la pyndonburom.

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

DANIEL 8:12

Bad ïa uta u paidbah la aiti noh ha ka lem bad kata ka jingainguh thang kaba borabor namar ka jingpalat; bad ka la bred noh ïa ka jingshisha ha ka khyndew, bad ka la leh la ka mon bad ka la man bha.

DANIEL 8:24

Bad ka bor jong u kan long kaba jur, hynrei, ym da ka bor jong u hi; bad un pynjot da kaba phylla, bad un man bha bad un leh katba u mon: bad un pynjot noh ïa kita kiba don bor bad ïa ki riewkhuid de.

DANIEL 8:25

Bad da ka buit jong u, un pynroi ïa ka jingshukor ha ka kti jong u; bad un pynkhraw ïa lade ha la ka dohnud, bad ha ka jingsngewshngain jong ki, shibun un pynjot; un ïeng ïaleh ruh ïa uta U Syiem ki syiem; hynrei, yn pynlwet ïa u ym da ka kti.

DANIEL 9:25

To tip namar kata, bad to sngewthuh, ba na kata ka jingmih noh jong kata ka hukum ïa ka ban pynthymmai bad ban tei ïa ka Jerusalem ïa uta uba la sleh, uta u syiem keiñ, kan long hynñiew taïew; bad hynriewphew ar taïew, yn tei pat ïa ka, bad ki lynti shnong bad ki kharai, ha ki por bajynjar keiñ.

JINGKHEIÑ 28:3

Men ong ruh ha ki, ‘Kata ka jingkñia kaba da ka ding ïa kaba phin ainguh ha U Trai, ka dei kane: ar tylli ki khun langbrot kiba shi snem kiba khlem thohbria, ha la ka sngi, ban long ka jingainguh thang baïailong.

LOUKAS 21:24

Kin kyllon ruh da ka syrti waitlam, bad yn ïalam mraw ïa ki sha ki kynja bynriew baroh; bad kan long ba la ïuh top ïa ka Jerusalem da ki Jentil, tad ynda yn pyndep ïa ka Ïa ki Jentil.

2 THESSALONI 2:4

uta uba ïaleh pyrshah bad uba pynsarong ïa lade pyrshah ïa baroh ba la khot “Blei” lane ba ju mane; kat haduh ba u shong ha ka templ U Blei, u da leh Blei ïa lade.

HEBRU 2:10

Namar ka la bit ïa u, na ka bynta jong u ba la long kiei kiei baroh, bad da u ba long kiei kiei baroh, ha kaba u ïalam ïa ki khun shibun sha ka burom, ban pynjanai ïa U Nongpynlong ka jingpynim jong ki da ki jingshahshitom.

JINGPYNPAW 17:14

Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”