DANIEL 7:8 - KA BAIBL

⁸ Nga la dang pyrkhat shaphang kita ki reng, bad ha khmih, la mih hapdeng jong ki sa kawei pat ka reng kaba rit, ha khmat jong ka, lai tylli na kita ki reng ki banyngkong la phut noh na ki thied: bad ha khmih, ha kane ka reng, la don ki khmat kum ki khmat briew, bad ka shyntur kaba kren ïa kiei kiei kiba khraw.

Khasi CL Bible (BSI)

⁸ Katba nga dang khmih ïa ki reng, nga la ïohi ïa ka reng kaba rit, kaba mih napdeng kiwei pat. Ka la tar ïa ki lai tylli ki reng kiba la don lypa hangta. Kane ka reng ka la don ki khmat briew bad ka shyntur kaba kob sarong.

DANIEL 7:8 ပူးပေါင်းရင်းမြစ်များ

SALM 12:3

U Trai un ot noh ïa ki rmiang shyntur bashukor baroh, ïa u thylliej uba kren ïa kiei kiei ki bakhraw:

DANIEL 11:36

“Bad uta u syiem un leh katba u mon; bad un pynkyntiew ïa lade, bad pynkhraw ïa lade halor ki blei baroh, bad un kren ïa kiei kiei ruh ki baphylla pyrshah ïa U Blei ki blei: bad un man bha haduh ba la pyndep ïa kata ka jingbitar; namar ïa kata kaba la thmu, yn pyndep keiñ.

DANIEL 7:19

“Ynda kumta, nga la kwah ban tip ïa ka jingshisha sa ïa uta u mrad u basaw, uba la long pher na kita baroh, uba itieng shikatdei eh, uba ki bniat jong u, ki la long da u nar, bad ki tyrsim jong u, da ka rnong; bad uba la bam duh, uba la pynlwet jin, uba la kyrdem ïa kaba sah da ki kjat jong u;

2 THESSALONI 2:4

uta uba ïaleh pyrshah bad uba pynsarong ïa lade pyrshah ïa baroh ba la khot “Blei” lane ba ju mane; kat haduh ba u shong ha ka templ U Blei, u da leh Blei ïa lade.

2 TIMOTHI 3:2

Namar ki briew kin long kiba ieit tang ïa lade, kiba ieit sbai, kiba kren sarong, kiba leh khraw, kiba kren sniew, ki bymkohnguh ïa la ki kmie ki kpa, ki bymsngewnguh, ki bymkhuid,

2 PETROS 2:18

Namar da kaba kren ïa ki ktien ba at sarong ka jingbieit thala, ki ïariam pah ha ki jingkwah brai ka doh, da ki jingleh nuti, ïa kita kiba dang ïaphet ïap noh na kita kiba im ha ka jingïaid sakma;

JUDAH 1:16

Kine ki long kiba ïakren khñium, kiba ud wad daw, kiba ïaid katba kum ki jingkwah brai jong ki hi; bad ka shyntur jong ki ka kren ïa kiei kiei ba at sarong, ki da ñiew shiliang khmat ïa ki briew na ka bynta ka jingmyntoi.

JINGPYNPAW 13:1

Bad nga la ïohi ïa u mrad khlaw uba kiew noh na ka duriaw, uba don hynñiew ki khlieh bad shiphew ki reng, bad halor kita ki reng jong u, shiphew ki pansngiat, bad halor kita ki khlieh jong u ki kyrteng ka jingkrenbeiñ Blei.

JINGPYNPAW 9:7

Bad ki dur kita ki puit ki la syriem kum ki kulai ïa kiba la khreh ïa ka thma; bad halor ki khlieh jong ki, ki la don kum ki pansngiat kiba syriem ïa ka ksiar, bad ki khmat jong ki kum ki khmat ki briew,

1 SAMUEL 2:3

Wat da kren sarong eh shuh; wat ai ban mih ka jingmeng na ka shyntur jong phi: namar U Trai u long U Blei ka jingtip, bad u ju thew ïa ki jingleh.