DANIEL 7:7 - KA BAIBL

⁷ Hadien kane de, nga la ïohi ha kita ki jingithuhpaw mynmiet, bad ha khmih sa u basaw u mrad, uba itieng bad uba don bor, bad uba khlaiñ shikatdei eh; bad u la don ki bniat nar kiba heh: u la bam duh bad u la pynlwet jin, bad u la kyrdem da ki kjat ïa kaba sah: bad u la pher na kita ki mrad baroh kiba la don mynshuwa ïa u; bad u la don shiphew tylli ki reng.

Khasi CL Bible (BSI)

⁷ Katba nga dang ap khmih, u mradkhlaw uba saw u la mihpaw. U la long uba khrawbor, uba ingiew bad uba ishyrkhei. Da ki bniat nar bakhraw jong u, u khñiot pynlwet ïa ki ba u la ïoh, bad nangta u la kyrdem halor jong ki. Ym kum kita kiwei pat ki mradkhlaw, u la don shiphew tylli ki reng.

DANIEL 7:7 ပူးပေါင်းရင်းမြစ်များ

2 SAMUEL 22:43

Hangta nga la pynlwet jin ïa ki kum ka 'dewmet ka khyndew, nga la ïuh roit ïa ki kum ka ktieh ka lynti bah, bad nga pynsaphred kylleng ïa ki.

Ka Kitab U Job 41:14

Uei uba lah ban plie ïa ki jingkhang ka khmat jong u? Ka jingshyrkhei ka baroh sawdong ki bniat jong u.

ESEKIEL 40:2

Ha ki jingithuhpaw jong U Blei, u la wallam ïa nga sha ka ri Israel, bad u la pynshong ïa nga halor uwei u lum bah uba da jrong eh, ha uta, la don kum ka dur jong ka shnong na shathie.

DANIEL 2:19

Ynda kumta, la pynpaw ïa kata ka jingbuhrieh ha u Daniel ha ka jingithuhpaw mynmiet. Ynda kumta, u Daniel u la kyrkhu ïa U Blei ka bneng.

DANIEL 7:13

“Nga la ïohi ha ki jingithuhpaw mynmiet, “bad ha khmih, u la wan uwei da ki lyoh bneng kum u khun u briew, bad u la wan sha uta uba na mynhyndai kulong, bad ki la wallam ïa u hajan jong u.

DANIEL 7:2

U Daniel u la kren bad u la ong, “Nga la ïohi ha ka jingithuhpaw jong nga mynmiet, bad ha khmih, kita ki saw lyer ka bneng ki la pyrsad halor ka duriaw bah.

DANIEL 8:10

Bad ka la man khraw jin haduh u paidbah bneng; te na uta u paidbah bad na ki khlur de don kiba ka la pynhap sha ka khyndew, bad ka la ïuh roit ïa ki.

DANIEL 8:22

Bad shaphang kata kaba la kheiñ noh, ha ka jaka jong ka, saw tylli ki la mih, saw tylli ki hima keiñ, kin mih noh na kata ka jaid bynriew, hynrei, ym bad ka bor jong ka.

SEKHARAÏAH 2:1

Te nga la khmied la ki khmat, bad nga la ïohi, te ha khmih u briew bad u ksai thew ha ka kti jong u.

JINGPYNPAW 12:3

Bad la ïohi ïa kawei pat ka dak khyllah ha bneng; bad ha khmih, u ïakjakor basaw uba khraw, uba don hynñiew ki khlieh bad shiphew ki reng, bad halor kita ki khlieh jong u, hynñiew ki pansngiat.

JINGPYNPAW 13:1

Bad nga la ïohi ïa u mrad khlaw uba kiew noh na ka duriaw, uba don hynñiew ki khlieh bad shiphew ki reng, bad halor kita ki reng jong u, shiphew ki pansngiat, bad halor kita ki khlieh jong u ki kyrteng ka jingkrenbeiñ Blei.

JINGPYNPAW 17:12

Bad kita ki shiphew reng ïa kiba me la ïohi, ki long shiphew ki syiem ki bym pat shym la pdiang ïa ka hima; hynrei, ki ïa-pdiang ïa ka bor kum ki syiem, ïa tang shi por, lem bad uta u mrad khlaw.

JINGPYNPAW 17:7

Te uta u angel u la ong ha nga, “Hato balei me la sngewphylla? ngan ïathuh ha me ïa kata ka jingmaïan jong kata ka briew, bad ka jong uta u mrad khlaw uba kit ïa ka, uba don kita ki hynñiew ki khlieh bad kita ki shiphew ki reng.

JINGPYNPAW 17:8

Uta u mrad khlaw ïa uba me la ïohi u la long, bad um long shuh; te u ban sa kiew noh na kata ka 'liewlong bakhlem trai, bad u ban leit noh sha ka jingpynjot. Te kita kiba shong halor kata ka khyndew kin ïasngewkyndit (ïa kiba ki kyrteng jong ki ym shym la thoh ha kata ka kitab jong ka jingim na myndanglong ka pyrthei), haba ki ïakhmih ïa uta u mrad khlaw kumno ba u la ju long, bad ba um long shuh, bad ba un sa long.