DANIEL 7:27 - KA BAIBL

²⁷ Te ïa kata ka hima bad ïa ka jingsynshar, bad ïa ka jingkhraw jong kita ki hima hapoh ka bneng baroh, yn aiti noh ha ki briew jong kita ki riewkhuid ki jong U Bahakhlieh Tam Eh: ka hima jong u ka long ka hima bymjukut, bad ki jingsynshar baroh kin shakri bad kin kohnguh ïa u.’

Khasi CL Bible (BSI)

²⁷ Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

DANIEL 7:27 ပူးပေါင်းရင်းမြစ်များ

SALM 145:13

Ka hima jong me ka long ka hima bymjukut, bad ka jingsynshar jong me ka neh pateng la pateng bynriew.

SALM 22:27

Baroh ki bakut ka pyrthei kin kynmaw bad kin phai sha U Trai: bad ki kynja ki jaid bynriew baroh kin mane dem ha khmat jong me.

SALM 72:11

Shisha keiñ, ki syiem baroh kin hap dem ha khmat jong u: ki jaid bynriew baroh kin shakri ïa u.

SALM 86:9

Ki jaid bynriew baroh kiba me la thaw kin wan mane ha khmat jong me, A Trai; bad kin pyndonburom ïa ka kyrteng jong me.

ISAÏAH 14:2

Ki kynja bynriew ruh kin shim ïa ki, bad kin wallam ïa ki sha ka jaka jong ki: te ka ïing Israel kan ïoh ïa ki ha ka ri jong U Trai ban long ki shakri shynrang bad ban long ki shakri kynthei: bad kin bat mraw ïa kita kiba ju bat mraw ïa ki; bad kin synshar halor kita kiba banbor ïa ki.

ISAÏAH 54:3

Naba phan nang roi sha kamon bad sha kadiang; te u symbai jong pha un ïoh ïa ki jaid bynriew, bad un pynlong kiba don briew ïa ki shnong bakynjah.

ISAÏAH 9:7

Ka jingroi ka jingsynshar jong u bad ka jingsuk kan ym kut shuh, halor ka khet u Dabid, bad halor ka hima jong u, ïa ka ban pynïeng ïa ka, bad ïa ka ban kyrshan ïa ka da ka jingbishar bad da ka hok naduh mynta bad ha la ka rta. Ka jingshitrhem U Trai ki paid kan pyndep ïa kane.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 4:34

“Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

DANIEL 6:26

Nga buh ïa ka hukum, ba ha ka jingsynshar ka hima jong nga baroh ki briew kin khynñiuh bad kin sheptieng ha khmat U Blei jong u Daniel: “Namar ma U, U long U Blei U ba-im, bad U ba-neh junom, bad ïa ka hima jong U yn ym pynjot noh, bad ka jingsynshar jong U kan neh haduh ka bakut hi:

DANIEL 7:14

Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

DANIEL 7:18

Hynrei, ki riewkhuid jong U Bahakhlieh Tam Eh kin ïoh ïa kata ka hima, bad kin shim ïa kata ka hima ha la ka rta, jin ha la ka rta, ha la ka rta hi.’

DANIEL 7:22

tad ynda uta uba na mynhyndai kulong u la wan, bad u la ai ka jingbishar ha kita ki riewkhuid jong U Bahakhlieh Tam Eh; bad ka por ka la poi ba ki riewkhuid ki la shim ïa kata ka hima.

OBADAÏAH 1:21

Bad ki nongpynim kin wan kiew halor u lum Seïon ban bishar ïa u lum u Iso; te ka hima kan long ka jong U Trai.”

SEKHARAÏAH 14:9

Bad U Trai un long u syiem halor ka khyndew baroh: ha kata ka sngi, U Trai un long uwei, bad ka kyrteng jong u kawei.

LOUKAS 1:33

bad un synshar halor ka ïing u Jakob ha la ka rta; bad ka hima jong u ruh ka ban ym kut shuh.”

ÏOANNIS 12:34

Uta u paidbah u la ïathuh ha U, “Ngi, ngi la ïohsngew na Ka Hukum, ba uta U Khrist u ïaisah sha ka bymjukut; te kumno ba ong ma me, ka dei ba yn kyntiew ïa U Khun u briew? uei une U Khun u briew?”

1 KORINTH 15:24

Ynda kumta, long ka bakut, ynda un aiti noh pat ïa ka hima ha U Blei uba U Kpa, ynda u la pyndam noh ïa ka jingsynshar baroh, bad ïa ka jingdonbor baroh bad ïa ka bor baroh.

JINGPYNPAW 11:1

Bad la ai ha nga ïa u stew basyriem kum u dieng; bad don uba la ong, “To ïeng, bad to thew ïa ka templ U Blei, bad ïa ka duwan, bad ïa kita kiba ïamane ha ka;

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 17:14

Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”

JINGPYNPAW 19:16

Bad u don halor ka jaiñkup, bad halor ka lbong jong u, ka kyrteng ba la thoh, “U Syiem Ki Syiem bad U Trai Ki Trai”.

JINGPYNPAW 20:4

Bad nga la ïohi ïa ki khet, bad don kiba la shong halor jong ki, bad la ai ka jingbishar ha ki; bad nga la ïohi ïa ki mynsiem jong kita ïa kiba la khrai khlieh na ka bynta kata ka jingphla ïa U Jisu, bad na ka bynta ka ktien U Blei, bad jar ki bym shym la ïamane dem ïa uta u mrad khlaw, lymne ïa ka dur jong u, bad kim shym la pdiang ïa kata ka dak halor ka shyllangmat jong ki bad halor ka kti jong ki; te ki la im, bad ki la synshar lem bad U Khrist, shi hajar snem.

JINGPYNPAW 22:5

Bad ka miet kan ym long shuh; te kim donkam ïa ka jingshai ka sharak, lymne ïa ka jingshai ka sngi; naba U Trai uba U Blei un pynshai ha ki, bad kin synshar sha ki bymjukut ki bymjukut.