DANIEL 7:2 - KA BAIBL

² U Daniel u la kren bad u la ong, “Nga la ïohi ha ka jingithuhpaw jong nga mynmiet, bad ha khmih, kita ki saw lyer ka bneng ki la pyrsad halor ka duriaw bah.

Khasi CL Bible (BSI)

² Ki lyer ki beh kyrthep na ki liang baroh bad ki shoh ïa ka sla ka duriaw-bah.

DANIEL 7:2 ပူးပေါင်းရင်းမြစ်များ

ISAÏAH 17:12

A, ka jingkyrhuh ki kynja bynriew babun, kiba kyrhuh kum ka jingkyrhuh ki duriaw; bad ka jingtur ki jaid bynriew, kiba tur kum ka jingtur ki um badonbor!

JEREMAÏAH 49:36

Bad halor ka Elam nga wallam ïa ki saw lyer na ki sawdong ka bneng, bad ngan pynsakma ïa ki sha kita ki lyer baroh; bad kan ym don ka jaid bynriew kaba kita ïa kiba la pynwir jong ka Elam kin ym wan sha ka.

JEREMAÏAH 51:42

Ka duriaw ka la wan kiew halor ka Babilon: la tap lup ïa ka da ki jingbun ki jingat phyllung jong ka.

DANIEL 11:4

Bad ynda u la mih, yn pynkheiñ ïa ka hima jong u, bad yn sam ïa ka sha ki saw lyer bneng; hynrei, ym sha ki khun ki ksiew jong u, lymne katba kum ka jingsynshar jong u da kaba u la synshar; namar yn rat noh ïa ka hima jong u, hynrei, sha kiwei pat nalor kita.

DANIEL 2:19

Ynda kumta, la pynpaw ïa kata ka jingbuhrieh ha u Daniel ha ka jingithuhpaw mynmiet. Ynda kumta, u Daniel u la kyrkhu ïa U Blei ka bneng.

DANIEL 7:13

“Nga la ïohi ha ki jingithuhpaw mynmiet, “bad ha khmih, u la wan uwei da ki lyoh bneng kum u khun u briew, bad u la wan sha uta uba na mynhyndai kulong, bad ki la wallam ïa u hajan jong u.

DANIEL 7:7

Hadien kane de, nga la ïohi ha kita ki jingithuhpaw mynmiet, bad ha khmih sa u basaw u mrad, uba itieng bad uba don bor, bad uba khlaiñ shikatdei eh; bad u la don ki bniat nar kiba heh: u la bam duh bad u la pynlwet jin, bad u la kyrdem da ki kjat ïa kaba sah: bad u la pher na kita ki mrad baroh kiba la don mynshuwa ïa u; bad u la don shiphew tylli ki reng.

DANIEL 8:2

Bad nga la ïohi ha kata ka jingithuhpaw; te ka la long kumne, ba mynba nga la ïohi, nga la don ha Shushan kata ka ïingsyiem, kaba don ha ka shnat Elam; te nga la ïohi ha kata ka jingithuhpaw, bad nga la don harud kata ka wah Ulai.

DANIEL 8:8

Bad uta u 'lang sohmoh u la pynkhraw ïa lade shikatdei eh: te haba u la khlaiñ, ïa kata ka reng bakhraw la pynkheiñ noh; bad ha ka jaka jong ka, ki la mih saw tylli ki reng kiba phylla sha ki saw lyer bneng.

SEKHARAÏAH 6:5

Uta u angel u la ïathuh te bad u la ong, “Kine ki long kita ki saw tylli ki lyer jong ka bneng, kiba leit mih na kaba ki ïeng ha khmat U Trai jong ka khyndew baroh.

MATHAÏOS 24:31

Un phah noh ruh ïa ki angel jong u da ka jingsawa bakhraw ka turoi, bad kin ïalum lang ïa kiba la jied jong u na ki saw lyer, naduh ki bakut ki bneng haduh ki bakut jong ki.

JINGPYNPAW 17:15

Te u la ong ha nga, “Kita ki um ïa kiba me la ïohi, ha kaba kata ka nuti ka shong, ki long ki paidlang, bad ki paidbah, bad ki kynja bynriew, bad ki thylliej.

JINGPYNPAW 7:1

Te hadien kane, nga la ïohi ïa ki saw ki angel kiba ïeng halor ki sawdong ka khyndew, ba ki ïabat ïa ki saw lyer ka khyndew, khnang ba ka lyer kan ym ïoh beh ha ka khyndew, lymne ha ka duriaw, lymne ha kano kano ka dieng.