DANIEL 7:15 - KA BAIBL

¹⁵ “Nga hi u Daniel, ka mynsiem jong nga, ka la sngewsih hapdeng ka met jong nga, bad ki jingithuhpaw ka khlieh jong nga, ki la pynkhuslai ïa nga.

Khasi CL Bible (BSI)

¹⁵ Ki jingïohipaw ki la pynsheptieng ïa nga, bad la pynwit shikatdei eh ïa nga.

DANIEL 7:15 ပူးပေါင်းရင်းမြစ်များ

JENESIS 41:8

Te mynstep ka la jia ba ka mynsiem jong u ka la khih khuslai; bad u la phah khot ïa ki kynja nongkren byrtong baroh ka ri Ijipt, bad ïa ki riewstad baroh jong ka: bad u Pharaoh u la ïathuh ha ki la ki jingphohsniew; hynrei, ym don ba lah ban batai ïa ki ha u Pharaoh.

JEREMAÏAH 17:16

Hynrei nga, ngam shym pynkloi ïa ka ban ym long u nongsharai uba bud ïa me; lymne ngam shym ikwah ïa kata ka sngi kaba kordit; me tip: kata kaba la mih na ki rmiang shyntur jong nga ka la long ha khmat jong me.

DANIEL 10:16

Te ha khmih, uwei uba kum u khun bynriew u la ktah ïa ki rmiang shyntur jong nga: ynda kumta, nga la ang la ka shyntur bad nga la kren bad nga la ong ha uta uba ïeng ha khmat jong nga, “A kynrad jong nga, ki jingsngewsih jong nga ki la tyllep ïa nga namar kata ka jingithuhpaw, te ka bor kam don shuh ha nga.

DANIEL 2:1

Te ha ka snem ka ba-ar ka jingsynshar u Nebukhadnessar, u Nebukhadnessar u la phohsniew ki jingphohsniew; bad la pynkhuslai ïa ka mynsiem jong u, bad ka jingïohthiah jong u ka la duh noh na u.

DANIEL 2:3

Bad u syiem u la ong ha ki, “Nga la phohsniew ka jingphohsniew, bad la pynkhuslai ïa ka mynsiem jong nga ban tip ïa kata ka jingphohsniew.”

DANIEL 4:19

Ynda kumta, u Daniel, uba kyrteng “u Belteshassar”, u la lyngngoh shi por, bad ki jingpyrkhat jong u ki la pynkhuslai ïa u. U syiem u la kren bad u la ong, “Ko Belteshassar, wat ai ba kata ka jingphohsniew, lane ka jingbatai, kan pynkhuslai ïa me.” U Belteshassar u la ïathuh bad u la ong, “Ko kynrad jong nga, kata ka jingphohsniew to kan long ïa ki nongshun jong me, bad ka jingbatai jong ka, ïa ki nongïaleh ïa me.

DANIEL 4:5

Nga la ïohi ïa ka jingphohsniew kaba la pynsheptieng ïa nga; bad ki jingpyrkhat halor ka jingthiah jong nga bad ki jingithuhpaw ka khlieh jong nga ki la pynkhuslai ïa nga.

DANIEL 7:1

Ha ka snem ka banyngkong ka jong u Belshassar u syiem ka Babilon, u Daniel u la phohsniew bad u la ïohi ki jingithuhpaw halor ka jingthiah jong u: ynda kumta, u la thoh ïa kata ka jingphohsniew bad u la ïathuh ïa ka jingkyllum jong kita kiei kiei ruh.

DANIEL 7:28

“Kane ka long ka bakut jong kata ka kam. Nga hi u Daniel, ki jingpyrkhat jong nga ki la pynkhuslai shibun ïa nga, bad ka khmat jong nga ka la kylla bak ha nga: hynrei, nga la rieh ïa kata ka kam ha la ka dohnud.”

DANIEL 8:2

Bad nga la ïohi ha kata ka jingithuhpaw; te ka la long kumne, ba mynba nga la ïohi, nga la don ha Shushan kata ka ïingsyiem, kaba don ha ka shnat Elam; te nga la ïohi ha kata ka jingithuhpaw, bad nga la don harud kata ka wah Ulai.

DANIEL 8:27

Bad nga, u Daniel, nga la ïapler, bad nga la pang katto katne sngi; ynda kumta, nga la khie bad nga la trei ïa ka kam u syiem: bad nga la sngewphylla ïa kata ka jingithuhpaw, hynrei, ym don ba sngewthuh ïa ka.

HABAKKUK 3:16

Nga la ïohsngew, te ka kpoh jong nga ka la kyiuh, ki rmiang shyntur jong nga ki la khynñiuh ha kata ka jingsawa; ka jingpyut ka la bsut sha ki shyieng jong nga, bad nga la kyiuh ha la ka jaka: ba ngan ïoh shongthait ha ka sngi ka jingjynjar, haba ka wan kiew pyrshah ïa uta u paidbah uba wan bun kynhun ban hiar thma ïa u.

2 PETROS 1:14

haba tip ba kata kaba buh noh ïa kane ka ïingtrep jong nga ka la jan eh, kat kumba U Trai jong ngi U Jisu Khrist u la pyni ha nga.