DANIEL 7:14 - KA BAIBL

¹⁴ Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

Khasi CL Bible (BSI)

¹⁴ La ai ha u ka iktiar, ka jingpyndonburom, bad ka bor ba kynja syiem, khnang ba ki briew jong ki jaitbynriew baroh, ki jait ki kynja, bad ki ktien ki thylliej kin shakri ïa u. Ka iktiar jong u kan neh junom, bad ka hima jong u kan ym kut shuh.

DANIEL 7:14 ပူးပေါင်းရင်းမြစ်များ

SALM 102:22

haba la lum lang ïa ki kynja bynriew, bad ïa ki hima, ban shakri ïa U Trai.

SALM 103:19

U Trai u la pynskhem ïa la ka khet ha ki bneng; bad ka jingsynshar jong u ka synshar halor baroh.

SALM 145:13

Ka hima jong me ka long ka hima bymjukut, bad ka jingsynshar jong me ka neh pateng la pateng bynriew.

SALM 146:10

U Trai un synshar junom, U Blei jong pha keiñ, ko Seïon, pateng la pateng bynriew. To ïaroh ïa U Trai.

SALM 45:6

Ka khet jong me, A Blei, ka long sha ka bymjukut ki bymjukut; u dieng synshar ka jinglehhok u long u dieng synshar ka hima jong me.

SALM 72:11

Shisha keiñ, ki syiem baroh kin hap dem ha khmat jong u: ki jaid bynriew baroh kin shakri ïa u.

SALM 72:17

Ka kyrteng jong u kan neh junom; ka kyrteng jong u kan sah slem kat ka sngi; bad ha u yn kyrkhu ïa ki briew; ki jaid bynriew baroh kin khot uba suk ïa u.

SALM 8:6

Me la pynlong ïa u ban ïoh ka jingsynshar halor ki jingleh ki kti jong me; me la buh ïa kiei kiei baroh hapoh ki sla'jat jong u:

ISAÏAH 16:5

Te ïa ka khet yn sa pynskhem ha ka jingisynei, bad uwei un shong halor jong ka ha ka jingshisha, ha ka ïingjaiñ u Dabid; u da bishar, bad u da wad ïa ka jingbishar, bad uba kloi ban leh ïa ka hok.”

ISAÏAH 60:12

Namar kata ka jaid bynriew bad kata ka hima ka ban ym shakri ïa pha kan jot noh; shisha keiñ, ïa kita ki jaid bynriew yn pynjot noh khoit.

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

ISAÏAH 9:7

Ka jingroi ka jingsynshar jong u bad ka jingsuk kan ym kut shuh, halor ka khet u Dabid, bad halor ka hima jong u, ïa ka ban pynïeng ïa ka, bad ïa ka ban kyrshan ïa ka da ka jingbishar bad da ka hok naduh mynta bad ha la ka rta. Ka jingshitrhem U Trai ki paid kan pyndep ïa kane.

DANIEL 2:35

Ynda kumta, la pynlwet lang ïa ka nar, ïa ka 'dewbyrtha, ïa ka rnong, ïa ka rupa, bad ïa ka ksiar, bad ki la long kum u stait ha ki kyntem kba ha ka por lyiur; bad ka lyer ka la kit noh ïa ki, katba ym shym la shem jaka shuh ïa ki: te uta u maw uba la shoh ïa kata ka durblei u la kylla long u lum uba khraw, bad u la dap ïa ka khyndew baroh.

DANIEL 2:37

Me, ko syiem, me long u syiem ki syiem, ha uba U Blei ka bneng u la ai ka hima, ka bor, bad ka jingkhlaiñ, bad ka burom;

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 3:4

Ynda kumta, u nongpyrta u la pyrta jam, “La hukum ïa phi, ko ki kynja bynriew, ki jaid bynriew, bad ki ktien,

DANIEL 4:3

“Kiba khraw katno ki long ki dak khyllah jong u! bad kiba don bor katno ki long ki jingphylla jong u! ka hima jong u ka long ka hima bymjukut, bad ka jingsynshar jong u kaba ha la ka rta.

DANIEL 6:26

Nga buh ïa ka hukum, ba ha ka jingsynshar ka hima jong nga baroh ki briew kin khynñiuh bad kin sheptieng ha khmat U Blei jong u Daniel: “Namar ma U, U long U Blei U ba-im, bad U ba-neh junom, bad ïa ka hima jong U yn ym pynjot noh, bad ka jingsynshar jong U kan neh haduh ka bakut hi:

DANIEL 7:18

Hynrei, ki riewkhuid jong U Bahakhlieh Tam Eh kin ïoh ïa kata ka hima, bad kin shim ïa kata ka hima ha la ka rta, jin ha la ka rta, ha la ka rta hi.’

DANIEL 7:27

Te ïa kata ka hima bad ïa ka jingsynshar, bad ïa ka jingkhraw jong kita ki hima hapoh ka bneng baroh, yn aiti noh ha ki briew jong kita ki riewkhuid ki jong U Bahakhlieh Tam Eh: ka hima jong u ka long ka hima bymjukut, bad ki jingsynshar baroh kin shakri bad kin kohnguh ïa u.’

OBADAÏAH 1:21

Bad ki nongpynim kin wan kiew halor u lum Seïon ban bishar ïa u lum u Iso; te ka hima kan long ka jong U Trai.”

MIKAH 4:7

te ngan pynlong ka bynta ba sah ïa kata kaba la dkoh, bad ka jaid bynriew bakhlaiñ ïa kata kaba la bred noh sha jngai: bad U Trai un synshar halor jong ki ha u lum Seïon naduh mynta junom.”

MATHAÏOS 11:27

Kiei kiei baroh la ai ha nga na U Kpa jong nga: ym don ruh uba ithuh ïa U Khun, hynrei, tang U Kpa; lymne uba ithuh ïa U Kpa, hynrei, tang U Khun, bad uta ha uba uta U Khun u mon ban pynpaw ïa u.

MATHAÏOS 28:18

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

LOUKAS 1:33

bad un synshar halor ka ïing u Jakob ha la ka rta; bad ka hima jong u ruh ka ban ym kut shuh.”

LOUKAS 10:22

Ïa kiei kiei baroh la ai ha nga na U Kpa jong nga; ym don ruh uba ithuh ïa U Khun u long uei, hynrei, tang U Kpa; bad ïa U Kpa u long uei, hynrei, tang U Khun, bad uta ha uba U Khun u mon ban pynpaw.”

ÏOANNIS 12:34

Uta u paidbah u la ïathuh ha U, “Ngi, ngi la ïohsngew na Ka Hukum, ba uta U Khrist u ïaisah sha ka bymjukut; te kumno ba ong ma me, ka dei ba yn kyntiew ïa U Khun u briew? uei une U Khun u briew?”

ÏOANNIS 3:35

U Kpa u ieit ïa U Khun, bad u la ai ïa kiei kiei baroh ha ka kti jong u.

HEBRU 12:28

Naba kumta, haba ngi pdiang ïa ka hima ka bym lah pynkhih, to ngin ïoh ka jingsngewnguh, da kaba ngin ai ka jingshakri kaba pynsngewbha ïa U Blei da ka burom bad ka jingtieng burom;

1 PETROS 3:22

uba long sha ka kti kamon jong U Blei, haba u la leit sha bneng, haba la pynlong hapoh jong u ïa ki angel, bad ïa kiba don bor, bad ïa ki bor bah.

JINGPYNPAW 1:6

bad u la pynlong ïa ngi ki syiem bad ki lyngdoh ha U Blei bad U Kpa jong u; ha u to long ka burom bad ka jingsynshar sha ki bymjukut ki bymjukut: Amen.

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 17:14

Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”

JINGPYNPAW 3:21

Uta uba jop, ngan ai ha u ban shong lem bad nga halor ka khet jong nga, kumba nga ruh nga la jop, bad nga la shong lem bad U Kpa jong nga halor ka khet jong u.