DANIEL 7:13 - KA BAIBL

¹³ “Nga la ïohi ha ki jingithuhpaw mynmiet, “bad ha khmih, u la wan uwei da ki lyoh bneng kum u khun u briew, bad u la wan sha uta uba na mynhyndai kulong, bad ki la wallam ïa u hajan jong u.

Khasi CL Bible (BSI)

¹³ Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

DANIEL 7:13 ပူးပေါင်းရင်းမြစ်များ

SALM 110:2

U Trai un phah noh ïa u dieng ka bor na ka Seïon, “To synshar ma me hapdeng ki nongshun jong me.”

SALM 2:8

To pan na nga, te ngan ai ïa ki jaid bynriew ban long ka bynta jong me, bad ïa ki bakut ka pyrthei ban long ka jingïoh jong me.

SALM 47:5

U Blei u la leit kiew bad ka jingrisa, U Trai bad ka jingsawa ka turoi.

JEREMAÏAH 49:19

Ha khmih, un wan kiew kum u sing na ka jingsarong ka Jordan ban ïaleh ïa ka jaka shong ka bakhlaiñ: hynrei, ngan pynphet kyndit ïa u na ka; bad jar uba la jied, ïa uta ngan thung halor jong ka: naba uei uba kum nga? bad uei u ban buh por ïa nga? bad uei uta u nongaplangbrot u ban ïeng ha khmat jong nga?

ESEKIEL 1:26

Bad la don ka dur ka khet halor ka sahit bneng kaba haneng ka khlieh jong ki, kum ka jing-i ïa u maw Sapphir; halor ka dur kata ka khet ruh la don ka dur kaba i kum u briew halor jong ka, hangtei.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 7:12

Bad shaphang kita kiwei pat ki mrad, ïa ka jingsynshar jong ki la shim noh: hynrei, la pynslem ïa ka jingim jong ki kat shi aïom bad shi por.

DANIEL 7:2

U Daniel u la kren bad u la ong, “Nga la ïohi ha ka jingithuhpaw jong nga mynmiet, bad ha khmih, kita ki saw lyer ka bneng ki la pyrsad halor ka duriaw bah.

DANIEL 7:22

tad ynda uta uba na mynhyndai kulong u la wan, bad u la ai ka jingbishar ha kita ki riewkhuid jong U Bahakhlieh Tam Eh; bad ka por ka la poi ba ki riewkhuid ki la shim ïa kata ka hima.

DANIEL 7:9

“Nga la khmih haduh, “ba la buh ïa ki khet, bad ba uwei uba na mynhyndai kulong u la shong: ka jaiñkup jong u ka la long kaba lieh kum ka ïor, bad u 'ñiuh khlieh jong u kum u 'saiwul uba lieh; ka khet jong u ka la long da ki thylliej ding, bad ki shalyntem jong ka, ka ding kaba meh.

DANIEL 8:15

Te haba nga, nga u Daniel keiñ, nga la ïohi ïa kata ka jingithuhpaw, nga la pyrshang ban sngewthuh ïa ka; te ha khmih, la ïeng ha khmat jong nga ka jing-i kaba kum u briew.

MATHAÏOS 13:41

U Khun u briew un phah noh ïa ki angel jong u, bad kin ïalum na ka hima jong u ïa kiei kiei baroh kiba pynthut, bad ïa kita kiba leh bymman,

MATHAÏOS 24:30

Ynda kumta te, ka dak U Khun u briew kan paw ha bneng; te hangta ki jaid bynriew baroh ka pyrthei kin ïalynñiar lympat, haba kin ïohi ba u wan U Khun u briew ha ki lyoh bneng da ka bor bad ka burom bakhraw.

MATHAÏOS 25:31

“Ynda U Khun u briew un wan te ha ka burom jong u, bad ki angel bakhuid baroh lem bad u, ynda kumta, un shong halor ka khet ka burom jong u,

MATHAÏOS 26:64

U Jisu u la ong ha u, “Me la ong. Hynrei, nga ong ruh ha phi, ba phin ïohi lawei ïa U Khun u briew haba u shong sha kamon ka Bor baroh, bad haba u wan ha ki lyoh ka bneng.”

MATHAÏOS 28:18

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

MATHAÏOS 8:20

U Jisu te u la ong ha u, “Ki myrsiang ki don ki thliew, bad ki sim bneng ki jaka rieh: hynrei, U Khun u briew um don jaka ban buh ïa la ka khlieh.”

MARKOS 13:26

Ynda kumta, kin ïohi ïa U Khun u briew ba u da wan ha ki lyoh, bad ka borbah bad ka burom ruh.

LOUKAS 21:27

Ynda kumta, te kin ïohi ïa U Khun u briew ba u da wan ha u lyoh, da ka bor bad ka burom bakhraw.

LOUKAS 21:36

Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

LOUKAS 24:27

Te haba u la sdang na u Moses, bad na Ki Nongïathuhlypa baroh, u la pynpaw ha ki ha Ki Jingthoh baroh ïa kiei kiei ruh shaphang ïa lade.

ÏOANNIS 12:34

Uta u paidbah u la ïathuh ha U, “Ngi, ngi la ïohsngew na Ka Hukum, ba uta U Khrist u ïaisah sha ka bymjukut; te kumno ba ong ma me, ka dei ba yn kyntiew ïa U Khun u briew? uei une U Khun u briew?”

ÏOANNIS 3:13

Te ym don uba la leit kiew sha bneng, hynrei, tang uta uba la wan hiar na bneng, U Khun u briew keiñ, uba don ha bneng.

ÏOANNIS 5:27

bad u la ai ruh ha u ka bor ïa ka ban bishar, naba u long U Khun u briew.

KI KAM 7:56

bad u la ong, “Ha khmih, nga ïohi ïa ki bneng ba la plie, bad ïa U Khun u briew ba U da ïeng sha ka kti kamon U Blei.”

1 THESSALONI 4:17

Ynda kumta, ma ngi kiba dang im, ïa kiba la pynsah, yn rong noh ïa ngi lem bad ki ha ki lyoh, ïa ka ban ïashem ïa U Trai ha ka suiñbneng: te kumta, ngin ïailong junom junom lem bad U Trai.

1 TIMOTHI 6:16

uba tang ma u hi uba don ka jingbymïap, uba shong ha ka jingshai bym lah kot; ïa uba ym don briew uba la ïohi, lane ba lah ban ïohi; ha uba to long ka burom bad ka borbah bymjukut: Amen.

HEBRU 2:14

Namar kata, haba kita ki khun ki long ki nongïoh bynta na ka doh bad ka snam, ma u hi ruh, da kajuh ka rukom u la shim bynta na kijuh; ba da ka jingïap un ïoh pynduh noh ïa uta uba don ka bor ka jingpynïap, uta u long u Soitan keiñ;

HEBRU 9:24

Namar U Khrist u la leit rung ym sha ka Jaka kyntang ba la thaw da ki kti, kaba syriem ïa kata kaba shisha; hynrei, sha kata ka bneng hi, mynta ban paw ha khmat U Blei na ka bynta jong ngi:

JINGPYNPAW 1:13

bad hapdeng kita ki hynñiew ki dieng pynïeng sharak, ïa uwei uba kum U Khun u briew, uba la kup jaiñkup haduh ki kjat, bad uba la panpoh ka jingpanpoh ksiar ha ki jymbuiñ.

JINGPYNPAW 1:18

bad nga la jia long u baïap, te ha khmih, nga long u ba-im sha ki bymjukut ki bymjukut, bad nga don keiñ ki shabi ka dujok bad ka jingïap.

JINGPYNPAW 1:7

Ha khmih, u wan bad ki lyoh, bad ka khmat baroh kan ïohi ïa u, bad kita ruh kiba la sum ïa u; bad ki jaid bynriew baroh jong ka pyrthei kin ïalynñiar lympat namar jong u. Kumta shisha: Amen.

JINGPYNPAW 14:14

Bad nga la ïohi, te ha khmih, u lyoh balieh; bad halor uta u lyoh u da shong uba kum U Khun u briew, uba don halor ka khlieh jong u ka pansngiat ksiar, bad ha ka kti jong u ka rashi banep.