DANIEL 7:1 - KA BAIBL

¹ Ha ka snem ka banyngkong ka jong u Belshassar u syiem ka Babilon, u Daniel u la phohsniew bad u la ïohi ki jingithuhpaw halor ka jingthiah jong u: ynda kumta, u la thoh ïa kata ka jingphohsniew bad u la ïathuh ïa ka jingkyllum jong kita kiei kiei ruh.

Khasi CL Bible (BSI)

¹ Ha ka snem kaba nyngkong kaba u Belshassar u long u syiem ka Babilonia, nga la phohsniew bad nga la ïohi ka jingïohipaw ha ka por mynmiet. Nga la thoh ïa ka jingphohsniew, bad kane ka dei ka jingbuh jingkynmaw ïa kaei kaba nga la ïohi ha kata ka miet:

DANIEL 7:1 ပူးပေါင်းရင်းမြစ်များ

JENESIS 15:1

Ynda la lah kine kiei kiei ruh, ka ktien U Trai ka la wan ha u Abram ha ka jingïohipaw, ka da ong, “To wat sheptieng, ko Abram: Ma nga, nga long ka stieh jong me, bad ka bainong jong me kan long kaba khraw eh.”

JENESIS 46:2

Bad U Blei u la kren ha u Israel da ki jingithuhpaw mynmiet, bad u la ong, “Ko Jakob, Jakob.” U ruh u la ong, “Ha khmih ma nga.”

Ka Kitab U Job 4:13

Ha ki jingmut kiba na ki jingithuhpaw mynmiet, haba ka jingïohthiah lyngngai ka hap ha ki briew,

ISAÏAH 30:8

Khie mynta, thoh ïa ka ha khmat jong ki ha u maw lyngkniap, bad thoh ïa ka ha ka kitab, ba kan long ïa ka por ka ban wan ha la ka rta.

ISAÏAH 8:1

Bad U Trai u la ong ha nga, “To shim ha lade ïa u maw lyngkniap baheh, to thoh ruh halor jong u da u khulom u briew, ‘Ïa u Maher-shalal-hash-bas;’

JEREMAÏAH 23:28

U nongïathuhlypa uba don ka jingphohsniew, to un ïathuh ïa ka jingphohsniew; bad uta uba don ka ktien jong nga, to un kren biang biang ïa ka ktien jong nga. U jyntang Kew u long aïu bad u Kew?” ong U Trai.

JEREMAÏAH 27:7

Bad ki jaid bynriew baroh kin shakri ïa u, bad ïa u khun jong u, bad ïa u khun u khun jong u, ha ban da poi ka por ka ri jong u hi: hangta te shibun ki jaid bynriew bad ki syiem ki bakhraw kin pynlong shakri ïa u ha ki.

JEREMAÏAH 36:32

Te u Jeremaïah u la shim ïa kawei pat ka kot bakli, bad u la ai ïa ka ha u Baruk u nongthoh, u khun u Neraïah; uba la thoh ha ka na ka shyntur u Jeremaïah ïa baroh ki ktien jong kata ka kitab kaba u Jehoïakim u syiem ka Judah u la thang ha ding: bad la pynlang shuh ruh ha ki, shibun kum kita ki ktien.

JEREMAÏAH 36:4

Ynda kumta, u Jeremaïah u la khot ïa u Baruk u khun u Neraïah; bad u Baruk u la thoh na ka shyntur u Jeremaïah ïa ki ktien U Trai baroh, kiba u la kren ha u, ha ka kot bakli.

ESEKIEL 1:1

Te ha ka balaiphew ka snem, ha u bnai u basaw, ha ka basan tarik u bnai, katba nga la long hapdeng ki mraw hajan ka wah Khebar, la plie ïa ki bneng, bad nga la ïohi ïa ki jingithuhpaw U Blei.

ESEKIEL 40:2

Ha ki jingithuhpaw jong U Blei, u la wallam ïa nga sha ka ri Israel, bad u la pynshong ïa nga halor uwei u lum bah uba da jrong eh, ha uta, la don kum ka dur jong ka shnong na shathie.

DANIEL 1:17

Te shaphang kine saw ngut ki samla, U Blei u la ai ïa ki ka jingtip bad ka buit ha ka jingnang bad ka jingstad baroh: bad u Daniel u la don ka jingshemphang ha ki jingithuhpaw bad ki jingphohsniew baroh.

DANIEL 2:1

Te ha ka snem ka ba-ar ka jingsynshar u Nebukhadnessar, u Nebukhadnessar u la phohsniew ki jingphohsniew; bad la pynkhuslai ïa ka mynsiem jong u, bad ka jingïohthiah jong u ka la duh noh na u.

DANIEL 2:26

U syiem u la ïathuh bad u la ong ha u Daniel, uba ka kyrteng u Belteshassar, “Me lah ban pyntip ha nga ïa kata ka jingphohsniew ïa kaba nga la ïohi, bad ïa ka jingbatai de?”

DANIEL 4:13

“Nga la ïohi ha ki jingithuhpaw ka khlieh jong nga halor ka jingthiah jong nga, bad, ha khmih, u nongap phira bad u bakhuid ruh u la wan hiar na bneng.

DANIEL 4:5

Nga la ïohi ïa ka jingphohsniew kaba la pynsheptieng ïa nga; bad ki jingpyrkhat halor ka jingthiah jong nga bad ki jingithuhpaw ka khlieh jong nga ki la pynkhuslai ïa nga.

DANIEL 5:1

U Belshassar syiem u la thaw ïa ka jingkhawai bakhraw ïa ki shi hajar na ki rangbah jong u, bad u la dih Waiñ ha khmat jong kita ki shi hajar.

DANIEL 5:22

Bad me u khun jong u, ko Belshassar, mem shym la pynrit ïa la ka dohnud, la me la tip ïa kane baroh;

DANIEL 5:30

Ha kata hi ka miet, la pynïap ïa u Belshassar u syiem ki Khaldi.

DANIEL 7:13

“Nga la ïohi ha ki jingithuhpaw mynmiet, “bad ha khmih, u la wan uwei da ki lyoh bneng kum u khun u briew, bad u la wan sha uta uba na mynhyndai kulong, bad ki la wallam ïa u hajan jong u.

DANIEL 7:15

“Nga hi u Daniel, ka mynsiem jong nga, ka la sngewsih hapdeng ka met jong nga, bad ki jingithuhpaw ka khlieh jong nga, ki la pynkhuslai ïa nga.

DANIEL 7:7

Hadien kane de, nga la ïohi ha kita ki jingithuhpaw mynmiet, bad ha khmih sa u basaw u mrad, uba itieng bad uba don bor, bad uba khlaiñ shikatdei eh; bad u la don ki bniat nar kiba heh: u la bam duh bad u la pynlwet jin, bad u la kyrdem da ki kjat ïa kaba sah: bad u la pher na kita ki mrad baroh kiba la don mynshuwa ïa u; bad u la don shiphew tylli ki reng.

DANIEL 8:1

Ha ka snem ka balai ka jingsynshar u Belshassar syiem, ka jingithuhpaw ka la paw ha nga, ha nga, u Daniel keiñ, hadien kata kaba la paw ha nga ha kaba mynnyngkong.

JOEL 2:28

“Te kan jia hadien kata, ba ngan theh buk ïa la U Mynsiem halor ka doh baroh; bad ki khun shynrang bad ki khun kynthei jong phi kin ïathuhlypa, ki tymmen jong phi kin phohsniew ki jingphohsniew, ki samla jong phi kin ïohi ïa ki jingithuhpaw:

AMOS 3:7

“Shisha U Trai U Blei un ym leh ei ei, khlem da pynpaw ïa la ka jingthmu ha la ki shakri ki nongïathuhlypa.

HABAKKUK 2:2

Te U Trai u la ïathuh ha nga, bad u la ong, “To thoh ïa kane ka jingithuhpaw, bad to pynshai bha ïa ka halor ki lyngkniap, ba uta uba phet u lah ban pule ïa ka.

JINGKHEIÑ 12:6

U te u la ong, “To sngap mynta ïa ki ktien jong nga: Lada u nongïathuhlypa jong U Trai u don hapdeng jong phi, ngan pynpaw ïa lade ha u ha ka jingithuhpaw, ngan kren ruh ha u ha ka jingphohsniew.

Ka Shithi U Paul Sha Ki Nong Rom 15:4

Namar ïa kiei kiei baroh ba la thoh mynbarim, la thoh khnang ban long ka jinghikai ïa ngi keiñ; ba da ka jingïaishah bad da ka jingpyntngen jong kita Ki Jingthoh, ngin dup ïoh ka jingkyrmen.

2 KORINTH 12:1

Shisha ka dei ïa nga ban leh thaw burom la kam myntoi; hynrei, ngan wan sha ki jingithuhpaw bad ki jingpynpaw U Trai.

JINGPYNPAW 1:19

Namar kata, to thoh ïa kiei kiei ruh ïa kiba me la ïohi, bad ïa kiei kiei ruh kiba long, bad ïa kiei kiei ruh ki ban sa long hadien kine;

JINGPYNPAW 10:4

Te mynba kita ki hynñiew ki pyrthat ki la ïalap, nga la sa ba ngan sa thoh; hynrei, nga la ïohsngew ïa ka ktien na bneng kaba ong ha nga, “To pyndait laha ïa kita kiei kiei ruh ïa kiba kita ki hynñiew ki pyrthat ki la ïalap, bad to wat thoh ïa kita kiei kiei ruh.”