DANIEL 6:7 - KA BAIBL

⁷ Ki rangbah baroh jong ka hima, ki deputi bad ki lyngskor, ki myntri bad ki nongsynshar, ki la ïapyrkhat lang ban buh ïa ka hukum syiem, bad ban pynlong ïa ka adong ka baskhem, ba uno uno u ban kyrpad jingkyrpad na uno uno u blei lane u briew, hapdeng laiphew sngi, lait na me, ko syiem, yn bred noh ïa uta sha ka krem ki sing.

Khasi CL Bible (BSI)

⁷ Baroh ma ngi kiba pynïaid ïa ka hima jong phi — ki nongpynïaidkam, ki lat, ki lat kiba kham hapoh, bad kiwei pat ki rangbah pynïaidkam — ki la ïamynjur ba u Syiem Kynrad u dei ban pynmih ka hukum ban pyntreikam pyrkhing ïa ka. To ai ki hukum ba haduh laiphew sngi yn ym shah ïano ïano ban kyrpad ei ei na uno uno u blei lane na uno uno u briew lait noh tang na u Syiem Kynrad. Ïa uno uno uba pynkheiñ ïa kane ka hukum dei ban bret shapoh ka thliew kaba la dap da ki sing.

DANIEL 6:7 ပူးပေါင်းရင်းမြစ်များ

SALM 10:9

U ap thap ha kyndong kum u sing ha la ka krem: u ap thap ban kem ïa u baduk: u kem ïa u baduk, haba u ring ïa u ha la ka jar.

SALM 2:2

Ki syiem ka pyrthei ki ïaïeng, bad ki nongsynshar ki ïasylla lang pyrshah ïa U Trai, bad pyrshah ïa uba la sleh jong u, ki ïa-ong,

SALM 59:3

Naba ha khmih, ki ïa-ap thap ïa ka mynsiem jong nga; ki bakhrawbor ki ïalum lang ïaleh ïa nga: ym namar ka jingpalat jong nga, lymne namar ka pop jong nga, A Trai.

SALM 59:5

Ma me keiñ, A Trai U Blei ki paid, U Blei u Israel, to ïeng, ban khmih ïa ki jentil baroh: wat isynei ïa kino kino ki nongpalat bymman. Selah.

SALM 62:4

Ki ïasylla tang ba kin pynkyllon ïa u na la ka jinglong burom; ki ïasngewbha ha ki jinglamler; ki ïakyrkhu da la ka shyntur, hynrei, hapoh ki ïa-tim. Selah.

SALM 83:5

Naba ki la ïasylla lang da kawei ka jingmut; pyrshah ïa me ki ïateh jutang:

SALM 94:20

Hato ka khet ka jingbymman kan ïoh ka jingïasyllok bad me, kaba da ka aiñ ka pynlong ka jingsniew?

DANIEL 2:4

Ynda kumta, ki Khaldi ki la kren ha u syiem ha ka ktien Syria, “Ko syiem, to im ha la ka rta: to ïathuh ha la ki shakri ïa kata ka jingphohsniew, te ngin pyni ïa ka jingbatai.”

DANIEL 3:11

bad ba uno uno u bym dem bym mane, yn bred noh ïa u hapdeng ka lawar ding ba la thang rhem.

DANIEL 3:2

Ynda kumta, u Nebukhadnessar syiem u la phah ban ïalum lang ïa ki lyngskor, ki deputi, bad ki nongsynshar, ki nongbishar, ki khajanshi, ki riewsaid, ki najir, bad ki nongsynshar baroh jong ki shnat, ban wan sha ka jingpynkyntang jong kata ka durblei kaba u Nebukhadnessar syiem u la lah pynïeng.

DANIEL 3:27

Te ki lyngskor, ki deputi, bad ki nongsynshar, bad ki riewsaid jong u syiem, haba ki la ïawan lang, ki la ïohi ïa kine ki briew, ba ka ding kam shym don bor ei ei halor ki met jong ki, lymne bym shym la ing u 'ñiuh khlieh jong ki, lymne ym shym la kylla ki jaiñ jong ki, lymne ym shym don ka jingiw ding ha ki.

DANIEL 3:6

bad uno uno u bym dem bym mane yn sa bred ïa u ha kata kajuh ka por hapdeng ka lawar ding ba la thang rhem.”

DANIEL 6:16

Ynda kumta, u syiem u la hukum, bad ki la wallam ïa u Daniel, bad ki la bred noh ïa u hapoh ka krem ki sing. Te u syiem u la kren bad u la ong ha u Daniel, “U Blei jong me ïa uba me shakri khlem da pud, un pynim ïa me.”

DANIEL 6:22

U Blei jong nga u la phah ïa u angel jong u, bad u la khang ïa ki shyntur ki sing, te kim shym la pynmynsaw ïa nga: namar ïa ka jingkhuid la shem ha nga ha khmat jong u; bad ha khmat jong me ruh, ko syiem, ngam shym la leh ei ei ka basniew.”

MIKAH 6:5

A phi ki briew jong nga, to kynmaw te ïa kaba u Balak u syiem ka Moab u la thmu, bad kumno u Balaam u khun u Beor u la phai ktien ha u; to kynmaw naduh Shittim haduh Gilgal, ba phin tip ïa ki jinglehhok jong U Trai.”

NAHUM 2:12

U sing u la tar kaba biang ïa la ki khun, bad u la khñiot, ïa la ki sing kynthei, bad u la pyndap ïa la ki krem da ki jinglute, bad ïa la ki jaka dem da ka doh tar.

MATHAÏOS 12:14

Te haba kita ki Pharisi ki la leit noh, ki la ïasylla pyrshah ïa U, kumno ba kin ïoh pynïap noh ïa U.

MATHAÏOS 26:4

te ki la ïasylla ba kin ïoh kem tuh ïa U Jisu, ba kin ïoh pynïap noh.

MARKOS 15:1

Te kumne kumne ruh, ynda ka la shai, kita ki rangbah lyngdoh ki la ïasylla bad kita ki tymmen basan bad kita ki nongthoh bad kata ka dorbar baroh ruh; haba ki la khum ïa U Jisu, ki la ïalam noh ïa u, bad ki la ai noh ha u Pilat.

ÏOANNIS 12:10

Hynrei, kita ki rangbah lyngdoh ki la ïasylla, ba kin ïoh ïa-pynïap noh ïa uta u Lasaros ruh,