DANIEL 6:4 - KA BAIBL

⁴ Ynda kumta, kita ki rangbah bad ki lyngskor ki la ïapyrshang ban wad daw ïa u Daniel shaphang ka kam ka hima; hynrei, kim lah shem daw lymne jingduna; namar ba u la long uba ngeit, ym shym la shem ïa ka jingbakla lane ka jingduna ha u.

Khasi CL Bible (BSI)

⁴ Te kiwei pat ki nongpynïaid bad ki lat ki la ïapyrshang ban shem kaei kaei kaba bakla bad ka rukom kaba u Daniel u pynïaid ïa ka hima, hynrei kim lah, namar ba u Daniel u long uba lah ban shaniah, bad um shym leh kano kano kaba bakla lane ka jingbymhok.

DANIEL 6:4 ပူးပေါင်းရင်းမြစ်များ

JENESIS 41:38

Te u Pharaoh u la ong ha la ki shakri, “Ngi lah ban shem ïa u briew kat une, uba shong U Mynsiem U Blei ha u?”

JENESIS 43:18

Te kita ki briew ki la kyiuh haba la ïalam ïa ki shapoh ka ïing u Joseph; ki la ïa-ong ruh, “Namar kita ki sbai ba la buh pat ha ki byrni jong ngi ha kata kaba shi sien wan, la ïalam ïa ngi shapoh shane; ïa ka ban ïoh ban ïa ngi, bad ïa ka ban pynhap ïa ngi, bad ïa ka ban buh mraw ïa ngi, bad ban shim ïa ki kadda jong ngi ruh de.”

PROBERB 29:27

U riewbymhok u long ka jingijli ha u bahok: bad uta uba beit ha ka lynti u long ka jingijli ha u bymman.

EKLESIASTIS 4:4

Ynda kumta, nga la ïohi ïa ka jingtrei shitom baroh bad ïa ka kam stad baroh, ba namar kane ïa u briew la bishni da la u paramarjan. Kane ruh ka long kaba thala bad kaba beh ïa ka lyer.

JEREMAÏAH 18:18

Ynda kumta, ki la ong, “Ïa, to ngin ïathaw ki buit ban ïaleh ïa u Jeremaïah; naba ka hukum kan ym duh na u lyngdoh, lymne ka jingpyrkhat na uba stad, lymne ka ktien na u nongïathuhlypa, ïa ngin shoh ïa u da u thylliej, bad to ngin ym shahshkor ïa kino kino ki ktien jong u.”

JEREMAÏAH 18:23

Hynrei me, A Trai, me tip ïa ka jingpyrkhat jong ki pyrshah ïa nga ban pynïap ïa nga; wat map ïa ka jingleh bymhok jong ki, lymne wat pyndam noh na khmat jong me ïa ka pop jong ki: hynrei, to yn pynkyllon ïa ki ha khmat jong me; to leh ïa ki ha ka por ka jingbitar jong me.

JEREMAÏAH 20:10

Namar nga la ïohsngew ïa ka jingpynbudnam kiba bun, “Ka jingshyrkhei baroh sawdong. To kynnoh sniew, te ngin kynnoh sniew ïa u,” ong ki lok bajan jong nga baroh, kita kiba ap ba ngan dkoh; “lehse yn riam pah ïa u, bad ngin lah ïa u, bad ngin pynhiar kput halor jong u.”

JEREMAÏAH 29:7

Bad to wad ïa ka jingsuk jong kata ka shnong sha kaba nga la pynring mraw ïa phi, bad to duwai ha U Trai na ka bynta jong ka: naba ha ka jingsuk jong ka, ka shong ka jingsuk jong phi.’ ”

DANIEL 3:8

Te ha kata ka por, don ki Khaldi kiba la ïawan, bad ki la mudui ïa ki Jiw.

DANIEL 5:12

namar ïa ka mynsiem ka babha eh, bad ïa ka jingtip, bad ïa ka jingshemphang, ïa ka jingbatai ki jingphohsniew, bad ïa kaba pynpaw ïa ki jingong kiba dum, bad ïa kaba pynshai ïa ki jingeh, la shem ha une hi u Daniel, ïa uba u syiem u la kyrteng ‘u Belteshassar’. Mynta, to ai ba yn khot ïa u Daniel, bad un pyni ïa kata ka jingbatai.”

DANIEL 6:22

U Blei jong nga u la phah ïa u angel jong u, bad u la khang ïa ki shyntur ki sing, te kim shym la pynmynsaw ïa nga: namar ïa ka jingkhuid la shem ha nga ha khmat jong u; bad ha khmat jong me ruh, ko syiem, ngam shym la leh ei ei ka basniew.”

MATHAÏOS 26:4

te ki la ïasylla ba kin ïoh kem tuh ïa U Jisu, ba kin ïoh pynïap noh.

MATHAÏOS 27:18

Naba u la tip ba na kaba shun ki la ai noh ïa u.

LOUKAS 20:20

Te ki la ïa-ap thap ïa u, bad ki la ïaphah ïa ki nongsyntiat kiba leh mynleh riewhok ïa lade, ba kin ïoh ïariam ïa ki ktien jong u, ïa ka ban aiti noh ïa u ha ka hukum bad ha ka bor u lyngskor.

LOUKAS 20:26

Kumta, kim lah shuh ban kem daw na ka ktien jong u ha khmat uta u paidlang: te ki la ïasngewphylla ïa kata ka jingïathuh jong u, bad ki la ïasngap jar.

LOUKAS 22:2

Te ki rangbah lyngdoh bad ki nongthoh, ki la ïawad dong kumno ba kin ïoh ban pynïap noh ïa u; naba ki la ïasheptieng ïa u paidlang.

ÏOANNIS 19:4

Bad u Pilat u la mih noh shabar pat, bad u ong ha ki, “Ha khmih nga ïalam shabar ïa U ha phi, ba phin ïoh tip ba ngam shem ka jingpalat satia ha U.”

2 KORINTH 11:12

Hynrei, ïa kata ba nga leh ngan ïai-leh ruh, khnang ba ngan pynduh ïa ka daw na kita kiba kwah kem daw; ba ha kata ba ki leh thaw burom, yn ïoh shem ïa ki kumjuh kum ngi.

PHILIPPI 2:15

ba phin ïoh long kiba khlem jingrem bad kiba lui lui, ki khun U Blei kiba khlem kynnoh pop hapdeng ka pateng bynriew ka bakynriang bad bamutlop; hapdeng kita, la ïohi ïa phi kum ki jingshai ha ka pyrthei,

1 TIMOTHI 5:14

Nga mon, namar kata, ïa ki riewkynthei ba kham poh ka rta ban shongkurim, ban kha khun, ban sharai ïa la ka ïing, ban ym ai daw kaba kumno kumno ïa u nongshun ban krenbeiñ.

TITOS 2:8

ïa ka ktien janai, ïa ka bym lah ban pynrem; ba uta uba ïaleh pyrshah un ïoh lehrain, naba um don ei ei ka basniew ban ong shaphang jong ngi.

1 PETROS 2:12

da kaba ïaibat ïa ka jinglong jingim jong phi ka babha hapdeng ki Jentil; ba ha kata kaba ki ïakren sniew ïa phi kum ki nongleh basniew, ki lah na kita ki jingleh babha jong phi, ïa kiba ki ïohi, ban pyndonburom ïa U Blei ha ka sngi ka jingwan-i.

1 PETROS 3:16

da kaba phi ïaibat ïa ka jingïatiplem babha, ba, ha kata kaba ki ïakrenbeiñ ïa phi, yn ïoh pynsngewlehrain ïa kita kiba kren wad daw eh ïa kata ka jinglong jingim babha jong phi ha U Khrist.

NONGBISHAR 14:4

Hynrei, u kpa bad ka kmie jong u kim shym tip ba kane ka la long na U Trai; naba u la wad ka lad ban ïaleh ïa ki Philistia. Te ha kata ka por, ki Philistia ki la synshar halor ki Israel.

1 SAMUEL 12:4

Ki te ki la ong, “Mem shym la shukor ïa ngi, lymne banbeiñ ïa ngi, lymne mem shym la shim ei ei na kti jongno jongno ruh.”

1 SAMUEL 18:14

Te u Dabid u la ïaid leh sian ïa lade ha ki lynti jong u baroh; bad U Trai u la don lem bad u.

1 SAMUEL 22:14

Te u Ahimelekh u la ïathuh ha u syiem, bad u la ong, “Napdeng ki shakri jong me baroh, uei uba bit ban shaniah kat u Dabid, uba long ruh u pyrsa kurim u syiem, bad uba leit ha ka hukum jong me, bad uba donburom ha ka ïing jong me?