DANIEL 6:3 - KA BAIBL

³ Ynda kumta, une u Daniel u la kham donnam halor kita ki rangbah bad ki lyngskor, namar ba la don ka mynsiem ka babha eh ha u; bad u syiem u la pyrkhat ban buh ïa u halor ka hima baroh.

Khasi CL Bible (BSI)

³ Tang katto katne por, u Daniel u la pyn-i ba u lah ban treikam kham bha ban ïa kiwei pat ki nongpynïaidkam lane ki lat. Namar ba u long uba kham paw, u syiem u la pyrkhat ban buh ïa u ban khmih ïa ka hima baroh kawei.

DANIEL 6:3 ပူးပေါင်းရင်းမြစ်များ

ESRA 4:22

Bad sumar ba phin ym leh duna ha kane; balei kan mih ka jingpynsniew ban pynsniew ïa ki syiem?”

NEHEMAÏAH 7:2

nga la ai hukum ïa u Hanani u para jong nga, bad ïa u Hananiah u nongsynshar ka ïing phira, shaphang ka Jerusalem: namar u long u briew uba ïaineh, bad uba kham sheptieng ïa U Blei ban ïa kiba bun.

ESTHER 10:3

Namar u Mordekai u Jiw u la long uba kham hajan eh ïa u Ahasueros syiem, bad u bakhraw hapdeng ki Jiw, bad ïa uba la pdiang sngewbha da u paidbah ki para jong u; uba da wad ka jingbha ïa ki briew jong u, bad uba da kren suk ha u symbai jong u baroh.

PROBERB 17:27

Uta uba tyngkai ïa la ki ktien u don ka jingtip: bad uta uba thanda ka mynsiem u long u briew uba shemphang.

PROBERB 22:29

Me ïohi ïa u briew uba minot ha la ka kam? un ïeng ha khmat ki syiem keiñ; un ym ïeng ha khmat ki briew ki bapoh.

EKLESIASTIS 2:13

Te nga la ïohi ba ka jingstad ka kham kor ban ïa ka jingbieit, kumba ka jingshai ka kham kor ban ïa ka jingdum.

DANIEL 5:12

namar ïa ka mynsiem ka babha eh, bad ïa ka jingtip, bad ïa ka jingshemphang, ïa ka jingbatai ki jingphohsniew, bad ïa kaba pynpaw ïa ki jingong kiba dum, bad ïa kaba pynshai ïa ki jingeh, la shem ha une hi u Daniel, ïa uba u syiem u la kyrteng ‘u Belteshassar’. Mynta, to ai ba yn khot ïa u Daniel, bad un pyni ïa kata ka jingbatai.”

DANIEL 5:14

Nga la ïohsngew shaphang jong me, ba ka mynsiem jong kita ki blei ka don ha me, bad ba la shem ha me ka jingshai bad ka jingshemphang bad ka jingstad babha tam eh.

DANIEL 5:7

U syiem u la pyrta jam ban wallam hapoh ïa ki nongkren byrtong, ki Khaldi, bad ïa ki nongkren shwar, u syiem u la kren bad u la ong ïa ki riewstad jong ka Babilon, “Uno uno u ban pule ïa kane ka jingthoh, bad u ban pyni ha nga ïa ka jingbatai jong ka ruh, yn pynkup ïa u da ki jaiñ basaw bthuh, bad un ïoh u kynjri ksiar ha ka ryndang jong u, bad un ïoh long u nongsynshar u balai ha ka hima.”

DANIEL 9:23

Ha kaba sdang ki jingkyrpad jong me, ka hukum ka la leit mih noh, bad nga la wan ban ïathuh ha me; namar me long ïa uba la ieit eh: namar kata, to pyrkhat ïa kata ka ktien, bad to sngewthuh ïa kata ka jingithuhpaw.