DANIEL 6:18 - KA BAIBL

¹⁸ Ynda kumta, u syiem u la leit sha la ïing, bad u la pynleit ïa kata ka miet da kaba shah jingit: lymne ym shym la wallam jingtem ha khmat jong u: bad ka jingïohthiah ka la duh noh na u.

Khasi CL Bible (BSI)

¹⁸ Nangta u syiem u la leit phai pat sha ka ïingsyiem bad u la pynlut ïa ka miet khlem ïohthiah, khlem bam lane khlem kano kano ka jingpynsngewbha.

DANIEL 6:18 ပူးပေါင်းရင်းမြစ်များ

2 SAMUEL 19:24

Bad u Mephibosheth u khun u Saul ruh u la wan hiar ban tan ïa u syiem; te um shym la sum ïa la ki kjat, lymne shna ïa la ki tmain, lymne sait ïa la ki jaiñ, naduh kata ka sngi ba u la leit noh u syiem haduh ka sngi ba u la wan sha la ïing ha kaba suk.

1 SYIEM 21:27

Te ynda u Ahab u la ïohsngew ïa kita ki ktien, u la kad ïa la ki jaiñ, bad u la kup jaiñ khain ha ka doh jong u, u la shah jingit ruh, bad u la thiah ha ka jaiñ khain, bad u la ïaid jar jar.

ESTHER 6:1

Ha kata ka miet, u syiem um lah ban ïohthiah; bad u la hukum ban wallam ïa Ki Kitab Ka Jingthoh Shaphang Ki Jingjia, bad la pule ïa ki ha khmat u syiem.

Ka Kitab U Job 21:12

Ki ïarwai ha ka kanjari bad ka duitara, bad ki ïalehkmen ha ka jingsawa ka sharati.

SALM 137:2

Ha ki dieng Jamynrei hapdeng jong ki ngi la sdien ïa la ki duitara.

SALM 77:4

Me bat pynpeit ïa ki khmat jong nga: nga khuslai katba ngam lah kren shuh.

EKLESIASTIS 2:8

nga la ïalum lang ruh ha lade ka rupa bad ka ksiar, bad ki jingkynshew kiba dei ïa ki syiem hi bad ki ilaka: nga la ïoh ha lade ki nongrwai shynrang bad ki nongrwai kynthei, bad ki jingsngewbha ki khun bynriew, ki tnga kliar shibun eh.

SNGEWSYNEI 3:53

Ki la ot noh ïa ka jingim jong nga ha ka thliew, ki la shat ïa ka maw halor jong nga.

DANIEL 10:3

Ngam shym bam jingbam babang, lymne ym shym la don ka doh lane ka Waiñ ha ka shyntur jong nga, lymne ngam shym sleh ïa lade satia, tad ynda la dap lai taïew.

DANIEL 2:1

Te ha ka snem ka ba-ar ka jingsynshar u Nebukhadnessar, u Nebukhadnessar u la phohsniew ki jingphohsniew; bad la pynkhuslai ïa ka mynsiem jong u, bad ka jingïohthiah jong u ka la duh noh na u.

DANIEL 6:19

Ynda kumta, u syiem ha kaba lashai mynstep u la khie la dang step eh, bad u la leit kyrkieh sha kata ka krem ki sing.

JINGPYNPAW 18:22

Te ïa ka jingsawa jong ki nongtem duitara, bad jong ki nongrwai, bad jong ki duhalia, bad jong ki nongput turoi, da lei lei yn ym ïohsngew shuh ha pha; bad ïa u nongkam stad baroh, la kano kano ka jingkam stad, da lei lei yn ym shem shuh ha pha; bad ïa ka jingsawa u mawtylliat, da lei lei yn ym ïohsngew shuh ha pha;