DANIEL 6:16 - KA BAIBL

¹⁶ Ynda kumta, u syiem u la hukum, bad ki la wallam ïa u Daniel, bad ki la bred noh ïa u hapoh ka krem ki sing. Te u syiem u la kren bad u la ong ha u Daniel, “U Blei jong me ïa uba me shakri khlem da pud, un pynim ïa me.”

Khasi CL Bible (BSI)

¹⁶ Kumta u syiem u la ai ki hukum ban kem ïa u Daniel bad ban bret ïa u shapoh ka thliew kaba dap da ki sing. U la ong ha u Daniel, “Ai ba U Blei jong me, ïa uba me shakri hok katta katta, un pyllait im ïa me.”

DANIEL 6:16 ပူးပေါင်းရင်းမြစ်များ

2 SAMUEL 3:39

Ma nga te la la thung syiem ruh ïa nga, nga long uba tlot ha kane ka sngi; bad kine ki rangbah, ki khun ka Seruïah ki kham eh ïa nga: to U Trai un ai nong ïa u nongleh sniew katba kum ka jingbymman jong u.”

Ka Kitab U Job 5:19

Ha ki hynriew tylli ki jingjynjar un pynim ïa me; shisha, ha ka hynñiew ka jingsniew kan ym ktah ïa me.

PROBERB 29:25

Ka jingsheptieng ïa u briew ka wallam ka jingriam: hynrei, jar uba shaniah ha U Trai un suk skhem.

ISAÏAH 41:10

to wat sheptieng me, namar nga long ryngkat bad me; wat sngewma, namar nga long U Blei jong me: ngan pynshaitbor ïa me; ho-oid, ngan ïarap ïa me; ho-oid, ngan kyrshan ïa me da ka kti kamon ka hok jong nga.

ISAÏAH 43:2

Haba me leit lyngba ïa ki um, nga ngan long lem bad me; bad lyngba ki wah, kin ym tyllep ïa me: haba me ïaid lyngba ka ding, men ym ing; lymne ka thylliej ding kan ym jliah ïa me.

JEREMAÏAH 26:14

Hynrei, shaphang jong nga, ha khmih, nga long ha ka kti jong phi: to leh ïa nga katba ibit bad idei ha khmat jong phi.

JEREMAÏAH 38:5

Te u Sedekaïah u syiem u la ong, “Ha khmih, u don ha ka kti jong phi: naba u syiem um long uba lah ban leh ei ei pyrshah ïa phi.”

JEREMAÏAH 38:6

Ynda kumta, ki la shim ïa u Jeremaïah, bad ki la set ïa u ha ka byndi khrum jong u Malkhiah u khun u syiem, kaba la don hapoh phyllaw ka karod: bad ki la pynhiar shapoh ïa u Jeremaïah da ki 'sai tyllai. Bad hapoh kata ka byndi khrum ym shym la don um, hynrei, tang ka ktieh: bad u Jeremaïah u la ngam hapoh ktieh.

JEREMAÏAH 39:17

Hynrei, ngan pyllait ïa me ha kata ka sngi,” ong U Trai: “bad yn ym ai ïa me ha ka kti kita ki briew kiba me sheptieng.

DANIEL 3:15

Mynta, lada phi la khreh hamar ba phi ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, ka dulsimar, bad ki kynja jingtem baroh, ban dem ban mane ïa kata ka durblei ïa kaba nga la thaw, bha: hynrei, lada phim mane, yn sa bred noh ïa phi ha kata kajuh ka por hapdeng ka lawar ding ba la thang rhem; bad uei uta U Blei uba lah ban pyllait ïa phi na ki kti jong nga?”

DANIEL 3:17

Lada ka long kumta, U Blei jong ngi ïa uba ngi shakri u lah ban pyllait ïa ngi na ka lawar ding ba la thang rhem; bad un pyllait ïa ngi ruh na ka kti jong me, ko syiem.

DANIEL 3:28

Ynda kumta, u Nebukhadnessar u la kren bad u la ong, “Long ba la kyrkhu ïa U Blei jong u Shadrak, u Meshak, bad u Abednego, uba la phah ïa u angel jong u, bad uba la pyllait ïa ki shakri jong u kiba la shaniah ha u, kiba la pynkylla ïa ka hukum u syiem, bad kiba la aiti noh ïa la ki met, ba kin ym shakri lymne mane ïa uno uno u blei, hynrei, tang ïa U Blei jong ki hi.

DANIEL 6:20

Bad haba u la wan hajan kata ka krem sha u Daniel, u la pyrta da ka ktien ïaïam: u syiem u la kren bad u la ong ha u Daniel, “Ko Daniel, u shakri U Blei u ba-im, U Blei ïa uba me shakri khlem da pud, u lah ne em ban pynim ïa me na kita ki sing?”

DANIEL 6:7

Ki rangbah baroh jong ka hima, ki deputi bad ki lyngskor, ki myntri bad ki nongsynshar, ki la ïapyrkhat lang ban buh ïa ka hukum syiem, bad ban pynlong ïa ka adong ka baskhem, ba uno uno u ban kyrpad jingkyrpad na uno uno u blei lane u briew, hapdeng laiphew sngi, lait na me, ko syiem, yn bred noh ïa uta sha ka krem ki sing.

KI KAM 24:27

Hynrei, ynda la dap ar snem, u Porkios Phistos u la wan ha ka jaka u Pheliks; te u Pheliks ba u da mon ban pynsngewbha ïa kita ki Jiw, u la pynsah ïa u Paul ha ki 'saikhum.

KI KAM 25:11

Lada shisha nga la leh bymdei, bad nga la leh ei ei kaba dei ban ïap, ngam kyrngah ïa ka ban ïap; hynrei, lada kine kiei kiei ruh kim long kiba shisha ba kine ki mudui ïa nga, ym don uba lah ban aiti noh ïa nga ha ki. Nga appil ha u Kaisar.”

KI KAM 25:9

Hynrei, u Phistos, ba u da mon ban pynsngewbha ïa kita ki Jiw, u la ïathuh ha u Paul, bad u la ong, “Me kwah leit kiew sha Jerusalem, ïa ka ban bishar ïa me hangta shaphang kine kiei kiei ha khmat jong nga?”

Ka Shithi U Paul Sha Ki Nong Rom 13:3

Namar kita ki nongsynshar kim long ka jingshyrkhei ïa ki jingleh babha, hynrei, ïa ki bymman. Me mon te ban ym sheptieng ïa kata ka bor? To leh te ïa ka babha, kumta men ïoh ka jingïaroh na ka;

2 KORINTH 1:10

uba la knieh kynthet ïa ngi na ka jingïap kaba khraw katta katta, bad uba ïaiknieh kynthet ïa ngi, ha uba ngi kyrmen ba un dang knieh kynthet shuh ruh;